尖沙咀東

尖沙咀東，簡稱尖東，係香港尖沙咀東面擴展部份，主要係密度較為低嘅商業區，裏面有酒店、寫字樓、各種餐廳。香港政府亦都響呢度起咗香港歷史博物館、香港科學館呢啲文化設施。

位於尖沙咀東海旁嘅梳士巴利道

尖沙咀東原本係九龍紅磡灣嘅一部份，1960年代，香港政府將漆咸道南以東嘅海填平來發展。尖沙咀東個範圍一般係，西面去到漆咸道南，北面去到暢運道，東面去到康莊道，南面就同維多利亞港相鄰。所以康莊道東面嘅填地就唔屬於尖沙咀東，而係紅磡嘅範圍。

政府響尖東海邊起咗條尖沙咀海濱長廊，由紅磡國際郵件中心，沿住尖東海皮，一直伸到尖沙咀天星碼頭，係遊人勝地。同海濱長廊拍住嘅係梳士巴利道，係區裏面一條大馬路。

響2004年，九廣鐵路（家下港鐵屯馬綫）喺梳士巴利道地底又去返尖沙咀，重響度起咗個站，叫尖東站，不過個站唔喺尖東。但係呢個站起咗好多行人隧道伸到入尖沙咀東部，重可以去埋彌敦道嘅尖沙咀站（荃灣綫）。