梨本宮守正王
梨本宮守正王（日文：なしもとのみや もりまさおう，1874年3月9號—1951年1月1號）係梨本宮最後一任當主，仲係陸軍元帥大將。佢同時係香淳皇后嘅叔叔、朝鮮末代太子李垠嘅外父。佢仲係二戰之後，唯一一個畀駐日盟軍總司令當係甲級戰犯拉嘅皇室成員。響皇籍脫離之後，改名叫梨本守正。
經歷
編輯守正王1874年喺京都府出世，係朝彥親王第三個仔，原本叫多田。而後嚟梨本宮初代當主守脩親王過身，而原定繼承人菊麿王又走咗去繼承山階宮，所以多田畀人派去做梨本宮下任當主，同埋改名叫守正。
響1896年，畢業於陸軍士宮學校，隨即畀人編去步兵第11連隊。1900年，守正王正式娶咗鍋島直大侯爵第二個女伊都子。響1903年，守正王前往法國留學。第二年，守正王獲勳為大勳位菊花大綬章。
響日俄戰爭爆發之後，守正王出任參謀本部，同時出任第3軍。後嚟上頭幾欣賞佢響呢場仗嘅表現，於是守正王獲勳為四級金鵄章。之後，佢再次去法國留學，仲響法國聖西爾軍校畢業。返嚟日本後，佢先後做過第16師團長、陸軍大將同埋陸軍元帥。響1940年，守正王獲勳為大勳位菊花章頸飾。1943年，守正王接替細佬多嘉王，出任伊勢神宮祭主。1945年，佢改為做皇典講究所第6任（最後一任）總裁，期間仲先後兼任軍事参議官、日佛協會總裁、在郷軍人會總裁同埋大日本武德會總裁。
二戰後
編輯響1945年，日本戰敗投降，而麥克阿瑟下令當甲級戰犯咁拉咗守正王，係第一個畀人當係甲級戰犯拉嘅皇室成員。守正王畀人拉呢件事響當時日本引起好大騷動，因為守正王係伊勢神宮祭主，係代表緊日本神道同埋皇室嘅重要支持者，呢件事令到日本市民改觀，令佢哋意識到就算係皇室都有可能坐監。
守正王最後同閒院宮載仁親王響東京都豐島區東池袋巢鴨監獄度坐監五個月。直至到1946年4月，駐日盟軍總司令決定釋放佢，之後佢隨即辭任貴族院議員。
響1947年，駐日盟軍總司令決定要令一啲離當代天皇血統比較遠嘅皇室成員皇籍脫離，守正王同樣冇得避免。當佢降為平民之後（先改名叫梨本守正），駐日盟軍總司令唔賠錢畀佢，而守正王先前嘅宮邸已經因為東京大轟炸而嚴重受損，加上之後又畀人打劫，所以守正王一無所有，唯有賣咗自己響鄉村嘅別墅去還債。
守正王老年嘅生活超窮，又冇名氣，仲衰過細佬鳩彥王同埋稔彥王。
響1951年1月1號，守正王因為心肌梗塞而過身，終年76歲。
屋企
編輯
老豆：朝彥親王
阿媽：原田光枝子
兄弟：大佬邦憲王---二哥邦彥王---老三守正王（即佢自己）---長細佬多嘉王---二細佬暢王---三細佬無名（夭折）---四細佬鳩彥王---五細佬稔彥王
老婆：伊都子
| 上一任 菊麿王 |
梨本宮當主 1885年 - 1947年 |
下一任 （皇籍脫離） |
| 上一任 （初代） |
梨本家當主 1947年 - 1951年 |
下一任 梨本伊都子 |