工尺譜

工尺ce1譜係中樂記譜法，係用譜字記音。因為工同尺兩個音最常用，所以叫做工尺譜喇。

呢種譜法家下都有用，主要係用響中樂同埋做大戲用。不過自從有簡譜之後，就比較少人用。

上面會上、尺、工、凡、六、五、乙七個音，同西方d，r，m，f，s，l，t一樣。高八度會加個亻，即係仩、伬、仜、𠆩、𠆾、伍、亿。

大戲就用合、士、乙、上、尺、工、反、六。

音符

基本字

呢隻譜，譜嘅係唱名。係好西方音樂do, ra, me, fa, so咁。個do音係可以郁得嘅，唔係絕對音名。所以佢同簡譜同唱名有異曲同工之效。

下面係佢地個對應：

工尺	上	尺	工	凡	六	五	乙
簡譜	1	2	3	4	5	6	7
唱名	do	re	mi	fa	sol	la	si
簡寫	ル	人	フ	り	久	ゐ

要記得，中國音樂嘅音階同西方音樂喺十二平均律之下嘅音高並非完全相等，｢凡｣ 嘅音高比十二平均律嘅fa音略高，大約介乎fa同fi（fa-sharp）之間，｢乙｣ 嘅音高比十二平均律嘅ti音略低，大約介乎十二平均律嘅ti同te（ti-flat）之間。

通常變化

下面三音低過中間八度會用另一啲字：

工尺	合	四	一
簡譜	5 ‧	6 ‧	7 ‧
唱名	sol	la	ti
簡寫	ㄙ	マ	ㄧ

有時唔用【四】，改用【士】。有時唔用【一】，甚至會用【乙】掉轉。

唔同八度亦都會用其他字，不過就各師各法。昆曲就會響【上尺工凡】四字腳拉一撇表示低八度，高八度就響字側邊加人字部【亻】。廣東大戲就中意低八度加【亻】，高八度就加【彳】。

重有其他變化，台灣就興用【乂】代個【尺】；廣東就【反】代【凡】，重有用【生】代替【彳上】表示上八度do。

下面係昆曲做例：

昆曲工尺譜

工尺	上̗	尺̗	工̗	凡̗	合	四	一	上	尺	工	凡	六	五	乙	仩	伬	仜	𠆩	𠆾	伍	亿
簡譜	1 ‧	2 ‧	3 ‧	4 ‧	5 ‧	6 ‧	7 ‧	1	2	3	4	5	6	7	‧ 1	‧ 2	‧ 3	‧ 4	‧ 5	‧ 6	‧ 7
音名	do	re	mi	fa	sol	la	ti	do	re	mi	fa	sol	la	ti	do	re	mi	fa	sol	la	ti

廣東大戲工尺譜

工尺	佮	仕	亿	仩	伬	仜	仮	合	士	乙	上	尺	工	反	六	五	𢒼	生	鿈	𢓁	𢓉
簡譜	5 ：	6 ：	7 ：	1 ‧	2 ‧	3 ‧	4 ‧	5 ‧	6 ‧	7 ‧	1	2	3	4	5	6	7	‧ 1	‧ 2	‧ 3	‧ 4
音名	sol	la	ti	do	re	mi	fa	sol	la	ti	do	re	mi	fa	sol	la	ti	do	re	mi	fa

讀法

工尺譜字，唔同地方又有唔同讀法。字音唔一定係當地人讀法。好似廣東大戲咁，最初係由北方來，所以讀音就好似中州音。

下面係廣東大戲字音：

廣東大戲字音

譜字	合	士	乙	上	尺	工	反	六	五
讀法	hɔː11	siː22	jiː22	sɑːŋ33	tsʰɛː55	kʊŋ55	fɑːn55	liːu55	wuː55
正常讀法	hɐp22	siː22	jyːt22	sœːŋ22	tsʰɛːk33	kʊŋ55	fɑːn35	lʊk22	ŋ̩13

節奏

工尺譜一例

古琴用嘅工尺譜，有板有眼

工尺譜唔會寫低音長。不過就會寫低埋敲鑼打鼓嘅節拍，點寫就各師各法。傳統來講，譜字一行係由上而下，一行行由右至左，同傳統中文寫法一樣。每個音個節奏會寫響譜字右邊。

右圖係Old McDonald Had a Farm呢首歌嘅工尺譜。節拍來講，強拍叫「板」或者「拍」，弱拍叫「眼」或者「叮」。「板」用「 。」或者「×」來標記，「叮」用「 · 」或者「、」來標記。而若果嗰一板冇音，就叫「底板」，用「×」來標記。若果嗰一叮冇音，就叫「底叮」，用「└」標記。 呢個譜上面係面拍一組，每拍唱兩個音。用音名來寫，就好似下面咁：

do do do sol la la sol   mi mi re re do

用呢個方法，我哋只會寫一拍有幾個幾多個音。而每個音幾長，就睇唱奏嘅人點睇。所以表演嘅有好大自由發揮。

歷史同用法

唐時已經有工尺譜。到宋時就好流行，所以唱名都係用嗰陣京城嘅中州音。相信工尺譜原本係某隻樂器譜，個do音都係定死。後尾流行之後，就變成do可以郁得。

工尺譜用家下眼光來睇，寫得就唔係準確。佢只係畀個音樂個"郎"，等表演人去發揮。中間發揮呢樣嘢，係靠口耳相傳。之不過，傳統斷咗，就好似再表演得返。而各有各傳統，就搞到更加難學。

呢個譜都有傳到韓國，唔少樂師都要學，雖則表演通常都係靠記。

相關俗語

合、尺（讀音見上），係工尺譜入面兩個音，喺粵語入面合稱來代表工尺譜，又按讀音寫成「何車」。有俗語「合嗮合尺」（第一個「合」仍讀hap6），本來指唱戲嘅個音唱得準，後來引申成啱嗮心水，正中下懷噉解。

出面網頁

• 廣東大戲 有講大戲點用工尺譜。呢份文件就有得比較工尺譜，簡譜，同西洋樂譜。