市政局百週年紀念花園

市政局百週年紀念花園（英文：The Urban Council Centenary Garden）係香港一個公園，由康樂及文化事務署管理，喺九龍尖沙咀東，香港科學館以南，四面都俾購物商場大廈包圍住。

尖沙咀大型圓形噴水池

紀念花園近南洋中心

羅馬石柱

公園亦安置咗當日尖沙咀火車站嘅其中六條希臘式石柱

市政局百週年紀念花園嘅位置前身係九廣鐵路連接何文田同尖沙咀站之間路軌嘅其中一段。1950年代，呢度曾經有中途站。九廣鐵路將終點站改為紅磡站之後，將路軌拆咗。原址就開闢成為公園，喺1983年啟用，咁啱係市政局成立100週年，所以就得到呢個名。

公園近漆咸道南同金馬倫道有一座長形嘅噴水池，池邊有六條由舊尖沙嘴火車站搬過來嘅希臘式石柱。近麼地道嗰度亦有一個大型圓形噴水池。

禁煙安排

呢個場地全面禁煙。