常家村

常家村（粵拼：soeng4 gaa1 cyun1）係中國村名，可以係：

• 廣西桂林恭城嘅村，請睇《栗木鎮》

  村名係話村民多數姓常。條村喺1937年遷建，開村人叫常茂人。

  1950年設常家鄉，1958年改成大隊，1984年改成村委會，1987年改成村公所，1995年恢復做村委。

• 吉林省吉林市蛟河嘅村，請睇《拉法街道》

  清光緒年間嘅1875年有常姓人氏來墾荒，當時佢喺處搭咗間窩棚來耕田住，所以開初地名叫常家窩棚（soeng4 gaa1 wo1 paang4），喺1909年開村。

  呢度有文物出土。分別係常家村北山墓群、常家村北山遺址，佢哋都屬西團山文化，出土咗石棺、石斧、陶片、石鋤、石刀、殘石網墜，其中遺址喺1985年全國第二次文物普查發現，墓群喺2009年全國第三次文物普查發現。

  滿洲國歸新站保管，1945年屬拉法區，1954年撤區，屬拉法鄉，1959年屬拉法公社嘅北大管理區，1962年屬北大大隊，1970年分出做建設大隊（gin3 cit3），1981年改名做常家大隊，1983年改成村委會。

• 山東
  • 淄博高青嘅村，請睇《常家鎮》

    明洪武年間，呢處有間師姑庵，有常氏人家喺庵附近安家，所以叫常家庵（soeng4 gaa1 am1），「常家」係簡稱。

  • 德州慶雲嘅村，請睇《常家鎮》

    明永樂二年（1404年）有洪洞大槐樹移民，山西安平縣大寨村嘅常氏搬來呢度開村，叫常家莊（soeng4 gaa1 zong1），「常家」係簡稱。

  • 濟南章丘嘅村，請睇《黃河鎮》

    得名自明朝時呢度多數居民姓常。

• 陝西
  • 咸陽長武嘅村，請睇《巨家鎮》

    村名係話常氏係村中大姓。

  • 渭南蒲城嘅村，請睇《荊姚鎮》

    村名係話村民多數姓常。

• 山西
  • 臨汾曲沃嘅村，請睇《高顯鎮》

    古時候叫南白集（naam4 baak6 zaap6），傳說古時秦國嘅白起將軍就喺呢度集結軍隊，佢同北白集、西白集、段家、靳家合埋叫五白集。條村原本嘅大姓有常氏同段氏，清乾隆年間，因爲人丁滋長，就拆成兩條村，用各自嘅大姓安名。

  • 長治平順嘅村，請睇《北社鄉》

    明末清初開村，最早住落嘅係程氏家族，所以開初叫程家莊（cing4 gaa1 zong1）；而常氏家族係外來嘅，但日後常家實力強咗，於是地名改叫常家。

出面網頁

• 中國國家地名信息庫