幫港發聲
提示：呢篇文講嘅唔係幫港出聲。幫港發聲（Sing Majority）係一個以Facebook、Instagram同YouTube為平台嘅網絡媒體，內容以批評同諷刺中共，香港親中共派同佢哋嘅支持者為主，而家有超過14萬追蹤者。
事件 編輯
舉辦滴答樂壇我最討厭的頒獎禮 編輯
喺2021年1月，幫港發聲舉辦咗「滴答樂壇我最討厭的頒獎禮」，由網民選出「我最討厭的男歌手、女歌手」。唔少網民都提名一啲曾經發表親中，撐警言論嘅藝人。經過提名之後，「我最討厭的男歌手」最後五強有陳偉霆、劉德華、周柏豪、鍾鎮濤同埋譚詠麟，而「我最討厭的女歌手」最後五強就有楊千嬅、肥媽、劉美君、黎瑞恩同埋譚嘉儀。有網民話對於一向「表忠」嘅容祖兒、鄧紫棋、歐陽靖同埋陳小春等未有入圍感到失望，亦有人話唔明點解譚嘉儀有份。有網民仲話好難揀，話要打和全部選嗮佢[1]。
| 男歌手 | 得票 | 女歌手 | 得票 |
|---|---|---|---|
| 譚詠麟（最高票） | 43625票 | 楊千嬅（最高票） | 95322票 |
| 劉德華 | 23542票 | 黎瑞恩 | 12933票 |
| 周柏豪 | 23542票 | 劉美君 | 11672票 |
| 陳偉霆 | 17025票 | 肥媽 | 9635票 |
| 鍾鎮濤 | 9483票 | 譚嘉儀 | 7532票 |
另外，幫港發聲亦宣稱「內定」咗我「最討厭的組合」同埋「我最討厭的歌曲」嘅得獎者，分別係Supper Moment同埋立法會議員梁美芬嘅《點解要攬炒》[2]。部分網民回應結果，話所有得獎者係眾望所歸[3]。
參考 編輯
- ↑ 〈周柏豪楊千嬅入圍網站「我最討厭的男、女歌手」選舉五強 網民質疑點解冇祖兒同小春 ｜ 蘋果日報〉. 《Apple Daily 蘋果日報》 (香港中文). 原著喺2021-01-08歸檔. 喺2021-01-06搵到.
- ↑ 2.0 2.1 〈滴答樂壇【我最討厭的頒獎禮】2020 ，香港最有影響力的樂壇成績表。〉. 《男生時報》 (臺灣中文). 原著喺2021-01-08歸檔. 喺2021-01-06搵到.
- ↑ 3.0 3.1 〈譚詠麟撼贏周柏豪奪「我最討厭的男歌手」 楊千嬅冇對手下奪女歌手獎 ｜ 蘋果日報〉. 《Apple Daily 蘋果日報》 (香港中文). 原著喺2021-01-09歸檔. 喺2021-01-06搵到.
