黎瑞恩
黎瑞恩（英文：Vivian Lai；花名：細V、小恩子、泥水，1973年2月18號—），鄉下喺廣東南海，係1990年代香港嘅少女歌手，曾經同劉小慧、湯寶如、王馨平、周慧敏、關淑怡、陳慧嫻並稱「寶麗金七小花」[3]。佢曾經係金利來集團主席曾憲梓嘅三媳婦，但喺2014年已經離婚[4]。
| 黎瑞恩 | |
|---|---|
 | |
| 女歌手 | |
| 羅馬拼音 | Lai Shui Yan |
| 英文名 | Vivian Lai |
| 花名 | 細V、小恩子、泥水 |
| 國籍 |  中國（香港） |
| 籍貫 | 廣東南海 |
| 出世 | 1973年2月18號.svg){kind=small} 英屬香港 |
| 職業 | 歌手 |
| 語言 | 粵語、英文、普通話 |
| 教育程度 | 中五 |
| 母校 | 台山商會小學 迦密唐賓南紀念中學 柏雨中學 |
| 宗教信仰 | 基督新教[1]（信過佛教）[2] |
| 配偶 | 曾智明（2002年結婚；2014年離婚） |
| 音樂類 | 粵語流行音樂 |
| 出道地 | 英屬香港 |
| 出道日期 | 1990年 |
| 出道作品 | 《問候》 |
| 代表作品 | 《一人有一個夢想》 《發誓》 《雨季不再來》 《長流不息》 《多情》 《陽光路上》 《認真》 |
| 活躍年代 | 1990年到1997年、2002年、2016年到而家 |
| 唱片公司 | BMG（1989年到1990年）（未正式出道） 寶麗金唱片（1991年到1997年） 力圖唱片（1997年到1998年） EMI（2002年到2003年） 星娛樂（2016年到2020年） 天盟娛樂（2021年） |
| 經紀公司 | The Goal Artist（1992年前） 雄圖娛樂（1992年到1998年） 恆藝亞洲（2002年到2003年） 手工藝創作有限公司（2016年） 感恩製作（2017年到而家） |
| 網路電影資料庫（IMDb）資訊 | |
2002年4月，佢第一次喺香港體育館舉行嘅個人演唱會《黎瑞恩夢成真演唱會》完咗之後，宣佈正式退出樂壇。
2019年11月30號，佢喺澳門舉行咗《快樂有恩 Smile With V 巡迴演唱會》[5]。
唱片 編輯
| 出版年月 | 大碟名 | 曲 |
| 1991年11月15號 | 我從這裏開始 |
|
| 1992年10月 | 雨季不再來 |
|
| 1993年4月 | 我是不是真的戀愛了 |
|
| 1993年10月28號 | 不知不覺想起你 |
|
| 1994年5月 | 陽光路上 |
|
| 1995年1月6號 | 你愛我甚麼 |
|
| 1995年6月 | 你是我生命中的一切 |
|
| 1995年12月 | 秘密（國語大碟） |
|
| 1996年7月 | 恩想 |
|
| 1996年8月 | 我知道你在說再見（國語大碟） |
|
| 1997年8月 | 認真 |
|
| 2002年3月26號 | Dreams come true |
|
| 2016年12月30號 | 感恩 Vfresh (HIFI 專輯) | 1. 幸福摩天輪
2. 身外情 3. 逾越生死 4. 城裡的月光 5. 今生不再 6. 舊街角 7. 回眸一笑 8. 祝英台 9. 假使有日能忘記 10. 陌上歸人 |
政治立場同爭議 編輯
黎瑞恩係香港親中派嘅支持者，喺香港反送中運動期間，曾經發表批評示威者嘅言論，又支持警察，引起一啲歌迷嘅不滿同批評。其中2020年8月，佢喺社交媒體透露自己塊面出現「皮蛇」（帶狀疱疹），有啲網民同媒體話呢啲喺佢親共嘅報應[6]。
錯誤批評浸會大學學生會會長方仲賢言論被反駁 編輯
事緣香港浸會大學學生會會長方仲賢因為去深水埗鴨寮街購買觀星用嘅觀星筆，畀警方以「藏有攻擊性武器」嘅名義拘捕。黎瑞恩喺私人Facebook入面話要試吓用射方仲賢對雙眼證明唔係攻擊性武器，又話450nm波長雷射筆無可能用嚟觀星。結果引來唔少網民同佢爭論，有網民反駁話喺鴨寮街賣嘅都應該合法，唔合法一早拉咗，又話好多老師教書嗰陣都會用雷射筆。有支持者上載粉碎多張黎瑞恩CD嘅照片，亦有網民表示要刪除同佢嘅合照，更有網民將佢另一個支持警察嘅藝人譚詠麟相提並論，將佢定義為譚詠麟2.0。律師黃國桐回應事件嘅時候，都話當非法用嚟攻擊人身，先可以定性為攻擊性武器，對方只係買，未足以構成攻擊性武器。前歌手文恩澄亦都反駁黎瑞恩，話5000mw嘅激光筆的確有危險，但方仲賢嗰支得20mw，連對眼都唔會有害。佢又話好多人屋企都有一堆有潛在危險嘅嘢，問題在於構唔構成拘捕理由[7][8][9]。
被揭發出席撐警派對 編輯
另外，喺2019年12月尾，包括黎瑞恩在內一班親中派藝人，被揭發喺葵涌一間餐廳舉行撐警派對，招待藍絲及一班警察[10]。
參與做假《香港國安法》聯署 編輯
佢支持北京未經諮詢或香港人同意，強行訂立，並且被國際社會反對嘅《港版國安法》[11][12]，亦曾經有份參與一份支持聯署，但有關聯署之後被揭發做假，其中名單上嘅張寶華、徐熙媛、李巧靈同蔣志光之後否認有份參與，而陳汝騫就一早離世[13]。
因政治立場成為「我最討厭的女歌手」第二名 編輯
因應佢嘅親中立場，佢成為咗唔少網民批評嘅對象。喺2021年1月，網絡媒體幫港發聲舉辦「滴答樂壇我最討厭的頒獎禮」，由網民選出「我最討厭的男歌手、女歌手」。唔少網民因應藝人親中同支持警察嘅取態去提名同投票，最終黎瑞恩成為「我最討厭的女歌手」第二名[14][15]。
參考 編輯
- ↑ 〈黎瑞恩 風雨中感恩有祢〉. 影音使團. 2018-03-28. 原先內容歸檔喺2018-04-23. 喺2018-04-05搵到.
- ↑ 新城電台節目主持路芙喺2011年3月6號節目提及過。
- ↑ 蘋果日報 - 寶麗金七小花情路崎嶇 互聯網檔案館嘅歸檔，歸檔日期2014年7月14號，.
- ↑ 每日頭條 - 黎瑞恩否認離婚分千萬家產 曝曾智明計較子女生活費 喺2023-02-17揾到。
- ↑ 〈黎瑞恩澳門開騷「將快樂的能量帶給大家」〉. 《明周娛樂》 (美國英文). 2019-12-02. 原先內容歸檔喺2019-12-29. 喺2019-12-29搵到.
- ↑ 娛樂星聞 (2020-08-18). 〈挺共女星臉上驚現「蛇」！遭網狠酸：報應來了 她氣炸反嗆 | 娛樂星聞〉. star.setn.com (繁體中文). 原先內容歸檔喺2020-11-23. 喺2021-01-08搵到.
- ↑ 〈黎瑞恩建議學生射眼測安全 網民︰果然係好無知 - 今日娛樂新聞 | 香港即時娛樂報道 | 最新娛樂消息〉. am730. 原先內容歸檔喺2020-08-26. 喺2021-01-08搵到.
- ↑ 〈【自認才疏學淺】黎瑞恩暗寸學生買觀星筆射眼：真係當全香港人係白癡 ｜ 蘋果日報〉. 《Apple Daily 蘋果日報》 (香港中文). 原先內容歸檔喺2021-02-12. 喺2021-01-08搵到.
- ↑ 〈【激嬲粉絲】黎瑞恩發表「雷射筆射眼論」惹歌迷反感 小恩子忠粉怒碎簽名CD - 香港經濟日報 - TOPick - 娛樂〉. topick.hket.com. 原先內容歸檔喺2021-02-12. 喺2021-01-08搵到.
- ↑ 〈【豬隊友又發功】朱庭萱黎瑞恩撐警聚餐照曝光 獨欠藍絲忠粉曹永廉 ｜ 蘋果日報〉. 《Apple Daily 蘋果日報》 (香港中文). 原先內容歸檔喺2021-02-12. 喺2021-01-08搵到.
- ↑ 〈文藝界2600人聯署支持立法 - 香港文匯報〉. paper.wenweipo.com. 原著喺2021-05-22歸檔. 喺2022-09-19搵到.
- ↑ 〈文化演藝界3千多人及團體表態支持國安法立法 - 雪花台湾〉. www.xuehua.tw. 喺2022-09-19搵到.
- ↑ 〈成龍挺港版國安法 聯署聲明驚現死者名字 - 大紀元〉. 《大紀元 www.epochtimes.com》 (繁體中文). 2020-06-01. 喺2022-09-19搵到.
- ↑ 〈譚詠麟撼贏周柏豪奪「我最討厭的男歌手」 楊千嬅冇對手下奪女歌手獎 ｜ 蘋果日報〉. 《Apple Daily 蘋果日報》 (香港中文). 原先內容歸檔喺2021-01-09. 喺2021-01-08搵到.
- ↑ 〈滴答樂壇【我最討厭的頒獎禮】2020 ，香港最有影響力的樂壇成績表。〉. 《男生時報》 (臺灣中文). 原著喺2021-01-08歸檔. 喺2021-01-08搵到.
