序言書室
序言書室（英文：Hong Kong Reader Bookstore）係香港一間樓上書店，喺旺角西洋菜南街[1]，由三個哲學系畢業生李達寧、黃天微、李文漢[2]喺2007年集資創辦[3]，開書店嘅宗旨係推廣學術文化[4]，主要售賣同代訂人文學科同埋社會科學嘅中文同英文書。呢個書室嘅特色之一係成日搞各類文化活動，例如讀書會、座談會同埋新書發布會等[5]，頻率之高喺香港屬罕見。主講者通常係各個領域嘅知名人士，所以成日有大批香港青年慕名而來，有時人數爆滿嘅話，就會臨時閂舖。[6]
| Hong Kong Reader Bookstore | |
 | |
| 類型 | 樓上書店 |
|---|---|
| 開檔 | 2007年 |
| 創辦人 | 李達寧、黃天微、李文漢 |
| 總部地址 | 香港旺角西洋菜南街68號7字樓 |
| 服務 | 賣書、搞文化活動等 |
| 網址 |
|
書室名由
編輯序言書室個名之所以係「序言書室」嘅原因有三個：第一，顧名思義「序言」即係「聚賢」[9][10]，序言書室創辦人李達寧希望透過香港，能夠匯聚社會上各方面嘅賢能之士，令到對學術文化有興趣嘅人能夠聚埋一齊。第二，「序」係放喺書嘅首頁，意味著開始，所以「序言書室」代表年青人成就文化事業抱負嘅開始。第三，序言書室創辦人李達寧希望將來可以匯聚更加多嘅力量，進一步推廣香港嘅學術文化。[11]
書室格局
編輯
序言書室入面劃分角落，喺靠窗嘅位置空出空間擺講台同埋梳化座椅，同提供畀空間畀讀者坐低睇書、飲嘢、上網、小組討論，甚至進行小型嘅學術文化講座，[12][2]喺近廁所嘅走廊又有一塊塗鴉牆（留言牆），畀讀者留言。[13]
揀書標準
編輯序言書室嘅揀書標準主要以人文、社會學術為主[14]同睇係咪可以賣同係咪值得睇。如果當時有特別嘅議題序言書室店員會趁勢揀嗰啲書，例如分析亞洲金融風暴同伊斯蘭國嘅書。基本上唔睇係邊度出版，除非同一本書有多個版本，先會考慮係咪容易入貨。[8]
傳統
編輯序言書室承襲香港中文大學哲學系嘅傳統，鼓勵學術文化、交流意見。[2]此外，序言書室又承襲康德嘅傳統，佢從前教書，唔收學費，而係由學生自願將學費擺入錢罌，津貼開支。所以序言書室舉辦講座嗰陣，會喺活動入面傳遞錢罌，畀參加者自願捐助，幫補場租。[2]
事件
編輯搵108個好漢大行動
編輯2015年，序言書室店員喺打入貨單嗰陣，誤將本來10本嘅《ISIS大解密》入書量加多一個8字喺後面，變成108本，同埋又咁啱冇檢查書單就寄出，而書籍係從台灣訂購嘅，落單之後冇得取消，唯有大打折扣清貨，以6折$65賣出（原價$107）。
2015年5月6號，序言書室店員喺序言書室嘅Facebook専頁開帖，標題為「尋找108個好漢大行動」，陳述上述嘅事情同呼籲眾人多多幫手。[15]
喺大約兩日《ISIS大解密》就全部賣嗮，但重有人打電話或去到呢個書室搵書。序言書室創辦人李達寧估計「大概因為ISIS係熱門話題，大家本來就想了解」。[8]
受林榮基影響 唔保留會員買書紀錄
編輯2016年6月16號傍晚，銅鑼灣書店店長林榮基喺記者會揭示中華人民共和國中央政府已經掌握大約600個書店客戶嘅訂書紀錄，包括港、中人士嘅資料，涉及嘅書大約有4,000本[16]（林榮基強調自己冇透露客戶資料畀中國，同埋補充李波已經將裝有「寄書資料」嘅硬碟交畀中國）。[17]
同日記者會結束之後，序言書室喺佢哋嘅Facebook專頁上公佈，由於受林榮基事件影響，由當日開始，呢個書室唔會保留任何會員買書嘅紀錄，同埋呼籲會員如果需要更改或者移除會籍資料，可以同佢哋聯絡。[18]
同日，序言書室店員黃小姐表示，書室一直以嚟時有舉辦同政治有關嘅活動，又有賣所謂「政治敏感」嘅書籍（好似係得中共先認為敏感），當晚睇到林榮基喺記者會上指，中國要求林榮基交出銅鑼灣書店嘅讀者訂書紀錄之後，為安全起見，呢個書室決定切割會員系統同銷售系統，唔再紀錄會員嘅買書資料。至於昔日嘅會員買書紀錄，黃小姐指，「目前」（過去式）需要等待電腦技術支援，所以暫時未能即時從電腦系統上剷除會員嘅買書紀錄，但佢將會盡快將紀錄剷除。但係黃小姐表示，序言書室將會保留得紀錄姓名、電話號碼同電郵嘅會員制度。佢繼續講，如果會員想移除資料，可以聯絡佢哋處理。黃小姐補充，政治敏感書籍佔成個店書目只係少數，而銷量亦唔多。[19]
參考
編輯- ↑ 序言書室。"About Overview"。Facebook。喺2016-06-04搵到。
{{cite web}}: Cite has empty unknown parameter:|1=(help) - ↑ 2.0 2.1 2.2 2.3 2.4 中大新人類。〈中大校友－二零一一年六月號〉。香港中文大學校友評議會。原著喺2021-03-20歸檔。喺2016-06-04搵到。
{{cite web}}: Cite has empty unknown parameter:|6=(help) - ↑ ED (2008-05-05)。〈一間香港的獨立書店：序言書室〉。豆瓣小組。喺2016-06-04搵到。
{{cite web}}: Cite has empty unknown parameter:|1=(help) - ↑ 〈三代賣書者言 誰令書店慘淡經營？〉。《《[[明報]]》》。2014年8月1號。原著喺2014年9月26號歸檔。喺2016-06-04搵到。
- ↑ 序言書室。"About Page Info"。Facebook。喺2016-06-04搵到。
{{cite web}}: Cite has empty unknown parameter:|1=(help) - ↑ 〈序言書室〉。攜程。喺2016-06-04搵到。
{{cite web}}: Cite has empty unknown parameter:|1=(help) - ↑ 未未是序言書室的店長。"About"。Facebook。喺2016-06-04搵到。
{{cite web}}: Cite has empty unknown parameter:|1=(help) - ↑ 8.0 8.1 8.2 8.3 熒惑 (2016-02-16)。〈十問十答，帶你窺探序言書室的秘密〉。《立場新聞》。原著喺2021-03-20歸檔。喺2016-06-04搵到。
{{cite web}}: Cite has empty unknown parameter:|7=(help) - ↑ 〈聲母: j 韻母: in〉。粵語審音配詞字庫。喺2016-06-05搵到。
{{cite web}}: Cite has empty unknown parameter:|1=(help) - ↑ 〈聲母: z 韻母: eoi〉。粵語審音配詞字庫。喺2016-06-05搵到。
{{cite web}}: Cite has empty unknown parameter:|1=(help) - ↑ 曾雁翔、林彥菁。〈繁囂中的寧靜—序言書室〉。樹仁新傳系學生實習習作。原著喺2008-10-06歸檔。喺2016-06-05搵到。
{{cite web}}: Cite has empty unknown parameter:|6=(help) - ↑ 〈無懼中資書局霸權 帶你行十間獨立書店〉。《《[[蘋果日報_(香港)|蘋果日報]]》》。2015年3月12號。原著喺2016年7月20號歸檔。喺2016-06-04搵到。
- ↑ 序言書室 (2016-03-23)。〈序言近廁所既走廊位有塊留言牆，有可愛的塗鴉，亦有令店員感動的留言。大家得閒都來寫下野呀～〉。Facebook。喺2016-06-04搵到。
{{cite web}}: Cite has empty unknown parameter:|1=(help) - ↑ Gary。〈【Wondero人物專訪】香港序言書室Daniel—–「一間專賣生硬難懂的社會科學、哲學叢書」的書店〉。Wondero。喺2016-06-04搵到。
{{cite web}}: Cite has empty unknown parameter:|1=(help) - ↑ 序言書室 (2016-05-06)。〈[尋找108個好漢大行動]〉。Facebook。喺2016-06-04搵到。
{{cite web}}: Cite has empty unknown parameter:|1=(help) - ↑ 〈林榮基爆大陸逼交書店客戶資料 序言等獨立書店即刪資料防範〉。《《[[立場新聞]]》》。2016-06-16。原著喺2016-07-23歸檔。喺2016-06-17搵到。
- ↑ 〈中國逼銅鑼灣書店交客戶名單 港獨立書店刪資料〉。《《[[自由時報]]》》。2016-06-16。喺2016-06-17搵到。
- ↑ 〈【被失蹤真相】憂讀者資料被中央掌控 序言書室公佈即日起不留紀錄〉。《《[[蘋果日報]]》》。2016-06-16。原著喺2016-06-19歸檔。喺2016-06-17搵到。
- ↑ 〈【書商失蹤】序言書室：因林榮基事件 刪除會員購書紀錄〉。《《[[香港01]]》》。2016-06-16。喺2016-06-17搵到。