座標: 35°38′46.7″N 116°40′37.6″E / 35.646306°N 116.677111°E / 35.646306; 116.677111

呢篇文講鎮。想搵同名嘅社區嘅話,請睇新驛社區


新驛粵拼san1 jik6)係中國山東濟寧兗州西北部嘅鎮,離兗州市區20公里,鎮政府駐新驛一村[5]。面積66.6平方公里[1],人口5.3萬人(2019年)[3]。交通上呢度有兗梁公路(兗州~梁山)同埋寧濟公路(寧陽~濟寧)穿過[5]

新驛鎮
統計資料
普通話拼音 Xinyi
所屬省級政區 山東
所屬地級政區 濟寧
所屬縣級政區 兗州
政區類別
面積 66.6[1] km²
行政村數目 57[2]
人口(2019) 5.3萬人[3]
人口密度 795.8人/km²
郵政編碼 272100[4]
政區代碼 370882102[4]
網站: 新驛鎮政府網站

地理 編輯

新驛喺兗州西北部,東面係大安,北面係小孟,西面有汶上,南面係顏店。東西最闊12.7公里,南北最長11.9公里,轄區嘅形狀唔規則,總面積66.6 km²,合99900畝[1]。新驛處於黃河沖積平原,海拔30米,屬温帶季風性氣候。當地經濟比較發達,佢又係週邊地方嘅交通要道,無論人口定面積都係個大鎮。當地出產小麥、粟米、蠶蟲、大蔥[4],有7.1萬畝田地,喺本地譽爲「兗州西部糧倉」[3]。資源上有豐富嘅黃沙、地下水[4]

編輯

中國地名變遷
建置 1958年
現名 新驛鎮
中華人民共和國共産主義公社(1958年~1962年)
新驛公社(1962年~1966年)
新驛區(1966年~1968年)
新驛公社(1968年~1984年)
新驛區(1984年~1986年)
新驛鎮(1986年後)

新驛,係簡稱自新嘉驛san1 gaa1 jik6),「新」係話佢新設,「嘉」意思「吉祥嘉言」[6]。新嘉驛係明代時(洪武二十九年,1396年)設嘅驛站,係聊城、汶上、兗州、濟南之間嘅交通要衝[7][8]。舊時新嘉驛係個好大嘅驛站,車馬行人來來往往,所以商業繁榮,設施高檔[9],居民越來越多,最後變成兗州西北部最大嘅村鎮[8]。作爲緊要嘅驛站,新嘉驛幾出名,一啲人喺度留低啲詩,其中最出名係明末清初時,有一個會稽(而家浙江紹興)女子,嫁咗畀個北方武夫做妾仔,萬曆四十七年(1619年)同佢丈夫經過新嘉驛,因爲大婆糟騭佢,佢喺自殺之前喺牆壁度題詩三首,因爲佢嘅詩同遭遇打動咗文人,個個都來和應佢嘅詩,成爲當時幾有名嘅文學事件[8]。又比如《儒林外史》亦提過呢度[10]。而設新嘉驛前,當地地名叫賓陽ban1 joeng4[9]

作爲附近最大嘅鎮,新驛一直係區、鄉嘅政府駐地。1949年時係滋陽縣第五區,下設聯防。1950年聯防改爲9個鄉,1956年撤銷第五區,分成新驛、型堂、蔡莊、郗村四個大鄉。1958年成立共産主義人民公社,範圍包括而家嘅小孟、顏店嘅郗村。當年滋陽同曲阜合併,直到1962年曲阜同兗州分開,先改叫新驛人民公社。1966年5月改叫新驛區,下設9個公社仔;1968年恢復爲公社,下面啲公社仔改爲管區;1982年頭,將西部嘅郭村、蔡莊、店子街三個管區分出,做店子街人民公社。1984年5月,店子街公社北部三條村畀過小孟,其餘重新併入新驛,因爲改革,新驛又恢復爲縣轄區。1986年12月,改成新驛鎮[1]

文化 編輯

新驛一帶好耐歷史,除咗驛站帶來嘅繁榮,喺之前,高吳橋呢條大村就係古戰場,可以追溯到周代咁古老。當地又有唐宋金元四代嘅金石碑刻,明代時嘅郡王朱壽鉅亦葬喺呢度[8]。新驛有一處省級文物,兩處市級文物,三處縣級文物,其中省級文物東頓村遺址,係戰國、漢代時頓丘古城嘅遺蹟[1]

政區 編輯

新驛轄4個管區,再分成57條村[2][1]

  • 村:新驛一村、新驛二村、新驛三村、新驛四村、新驛五西村、新驛五東村、秦村、魏樓、駱村、胡營、高吳橋一村、高吳橋二村、高吳橋三村、高吳橋四村、毛辛莊、王樓、皇林、前閆樓、高村、朱張、後閆樓、大莊、何村、東一村、東二村、東三村、西東村、西西村、堰頭、河灣、楊營、徐村、型堂、後寺、文興坡、高莊、郭村、劉村、袁村、馬樓、姜村、蔡莊、葛樓、孫村、李村、官路、肖村、苗堂、王府莊、范窯、張窯、王堂、韓馬、店子、趙呂、董樓、義和莊

編輯

  1. 1.0 1.1 1.2 1.3 1.4 1.5 . 新驛鎮政府. 原著喺2016年3月5號歸檔. 喺2015年10月14號搵到.
  2. 2.0 2.1 2013年統計用區劃代碼和城鄉劃分代碼. 中華人民共和國國家統計局. 喺2015年10月14號搵到.
  3. 3.0 3.1 3.2 . . 2019年10月8號. 喺2020年3月31號搵到.{{cite web}}: CS1 maint: url-status (link)
  4. 4.0 4.1 4.2 4.3 . 博雅地名網. 喺2015年10月14號搵到.
  5. 5.0 5.1 . 行政區劃網. 2014年1月27號. 喺2015年10月14號搵到.
  6. . 文化濟寧. 原著喺2016年3月4號歸檔. 喺2015年10月15號搵到.
  7. . . 由昌平驛西北四十五里爲嵫陽縣新嘉驛。洪武二十九年添設。有城垣、聚落,驛亭整潔,可以宿止。濟寧、汶上由寧陽入會城,亦由此而東,一橫衝也,過客易馬具食而行。
  8. 8.0 8.1 8.2 8.3 . 新驛鎮政府. 原著喺2016年7月16號歸檔. 喺2015年10月14號搵到.
  9. 9.0 9.1 . 新嘉驛,舊名賓陽城。高臺、鼓樓、大門、二門、東西角門,大廳五間,東西廂房各三間。後鑿小池,架橋構亭,花竹蔚然,行館最爲華整。
  10. 吳敬梓. . . 莊紹光從水路過了黃河,雇了一輛車,曉行夜宿,一路來到山東地方。過兗州府四十里,地名叫辛家驛,住了車子吃茶。註:「辛家驛」即係「新嘉驛」。