廣州市第17中學

(由廣州市第十七中學跳轉過嚟)

 廣州市第17中學粵拼gwong2 zau1 si5 dai6 sap6 cat1 zung1 hok6中國廣東省廣州市嘅一間中學,喺越秀區小北路280號。呢間學校喺1929年創辦,之前係大中同嘉應呢兩間私立學校合併而成,直到1953年嘅公私改制之後先至合併而成嘅一間學校。

廣州市第17中學
Guangzhou No.17 Middle School
GZ17MS.png
 勤奮·堅毅·博學·篤行
位置
小北路280號
明細
廣東省一級學校
校訓 勤奮·堅毅·博學·篤行
成立1929年
校區越秀區
級別中學六年全日制
網站
廣州市第十七中學嘅正門牌坊(小北路附近)
廣州市第十七中學嘅正式正門

校服色

廣州十七中嘅校服
   

呢間學校嘅校服色係        嘅品種。

成立初期

其實呢間學校喺1929年嗰時由私立大中中學同埋嘉應中學合併而成,喺啱啱成立無耐,由於校舍分得比較散,加上校本部同高中部都喺仰忠街,而初中部就喺聚賢坊同榨粉街(而家係聚賢坊小學同廣州市豪賢中學)嗰邊,嗰時由於學校冇乜錢搞到幾乎冇乜嘢嚟辦學,但係由於佢哋有幾慳就用得幾慳,結果俾社會人士讚,而有好多人入嚟嗰度讀書。而校區就喺1932年嗰時揀咗喺蟹崗嘅濂泉邊嗰度(而家嘅小北路附近嘅東濠涌邊嗰頭)搞間學校,直到1936年先至起好。嗰時租原先喺仰忠街同聚賢坊嘅校址就取消咗,凈係留返榨粉街畀初一嘅新生嚟榨粉街嗰頭讀。嗰時學校入咗穩定嘅發展時期,喺1934——1937年期間,學生人數去到1300——1500人,係嗰時廣州市三大私立學校之一。

所謂「嘉應中學」

嘉應中學係嘉應嘅五縣(梅縣興寧五華蕉嶺平遠)嗰時喺廣州嘅出名人士——陳伯威、李伯鳴、曾魯、劉偉崧、劉飛航等人喺1948年辦嘅一間學校,喺而家小北路嘅朱紫寮嘉應山莊(而家係越秀公園嘅一間酒樓)。而呢間學校喺1953年7月就同私立大中中學合併咗。

抗日戰爭時期

1931——1935年,嗰時學生就猛咁搞讀書會嚟整閱讀進步書刊傳播中國共產黨嘅抗日救亡主張;甚至喺「—二·九」運動之前,廣州嗰頭有黨嘅地下週邊組織中國共產主義青年同盟活動吸引咗一大批私立大中中學嘅盟員過嚟參加。就喺1935年12月31號,大中中學有好多學生參加咗中山大學學生搞嘅抗日救亡示威大遊行同紀念沙基慘案嘅遊行。

喺抗戰嗰時,由於學校分佈得比較散,加上校址成日變。喺1937年7月9號俾蘿蔔頭炸嗰陣,當局要求各大中學搬出廣州嚟避開啲蘿蔔頭,而私立大中中學喺南海縣(而家係南海區九江鎮嗰度搞分校。嗰時由於喺廣州小北嘅大中中學係一篇鄉下嘅地區,所以就繼續開課,但由於俾日本仔猛咁搞搞震,時開時停,搞到佢哋有時去九江嘅分校嗰度上課避難。到咗1938年8月重喺香港新界粉嶺嗰度搞校址嚟辦香港大中中學搞初中同高中,而學生除咗一部分舊生之外,重招收咗批由廣州轉到香港嘅學生。1938年10月21號,由於日本仔攻陷羊城,廣州同九江嘅私立大中中學全部停辦,搞到有部分校董都一窩蜂噉嚟嗮香港大中中學入邊;甚至喺1939年2月重喺香港般含道九龍城侯王道嗰邊搞校址,而粉嶺大中中學就搬到市區。直到1939年7月就停辦咗般含道嗰邊嘅校址,將學生統—集中到九龍城嘅侯王道校址上課,同時重喺九龍城太子道搞咗學生宿舍嚟畀去香港讀書嘅學生住宿。甚至連太子道嘅校舍都搞咗間小學。

1940年夏,喺台山開平—帶嘅私立大中中學學生,由於抗戰搞到未能完成學業,要求喺當地起分校解決就地就讀問題。嗰時就喺開平嗰度搞咗間赤坎大中中學,甚至將開平赤坎土埠嘅東南大戲院同隔籬嘅一間攴攴齋嚟做校址。香港大中中學重派咗校長嚟赤坎度搞校務,後嚟日軍霸咗香港之後先至將香港大中中學停辦咗。而開平嗰邊嘅赤坎大中中學雖差唔多淪陷,但佢哋重係繼續上課。喺1942年3月3號日軍殺到開平赤坎之後,赤坎大中中學就搬到陽春縣(而家係陽江市陽春市)嘅河朗墟入邊。由於當地嘅封建惡勢力喺度猛咁搞搞震冇幫襯,學校辦咗一個禮拜就停咗。而私立大中中學從此就結束咗佢嘅幾次學校搬走嚟繼續教學嘅歷史任務。嗰啲大中中學嘅分校喺1947年冚唪唥一窩蜂噉返嗮嚟廣州嘅蟹崗道複辦。

大中中學同嘉應中學嘅合併

喺1953年7月—10月大中中學同嘉應中學話要聯合辦學先至改名做「大中嘉應聯合中學」。而學校就用咗嘉應嘅財政勢力喺蟹崗道同錦華坊嗰邊買咗三幢大樓嚟做教工宿舍同女生宿舍。而1953年10月14號,大中嘉應聯合中學就改成公立學校而改名做而家嘅「廣州市第十七中學」。喺學校改成公辦之後就出咗一大批猛人出嚟。

文革時期

喺1966—1976年嘅文革期間,呢間學校費事俾嗰時嘅破四舊風氣影響,大部分嘅師生就跟住學校而行過一段艱難嘅蹉跎歲月。嗰時重出咗幾批嘅改革開放勇士出嚟。喺文革結束咗之後,歷史就翻開咗新嘅一頁,而十七中嘅廣大師生嘅革命精神就俾人猛咁讚。

改革開放之後

而學校喺1980——1984年搞咗一次整頓之後,甚至喺1984年提出咗校訓。由於嗰時學校喺度猛咁搞教育改革先至出咗新嘅成績出嚟,甚至俾上級領導部門讚咗好多次都有。喺2000年嗰時變成廣州市一級學校。

攞過嘅獎

  • 全國科技體育傳統校
  • 全國青少年集郵活動示範基地
  • 廣東省普通高中教學水準優秀學校
  • 廣東省一級學校
  • 廣東省綠色學校
  • 廣東省中小學校長培訓基地
  • 廣東省現代教育技術實驗學校
  • 廣東省全國教育統一考試定點考場
  • 第六屆廣東教育學會教育管理專業委員會理事會理事單位
  • 廣州市義務教育規範化學校
  • 廣州市心理健康教育示範學校
  • 廣州市安全文明校園示範學校
  • 廣州市依法治校示範校
  • 廣州市德育示範校
  • 廣州市科技特色教育示範學校
  • 廣州市食品衛生等級A級單位
  • 廣州市人防教育先進單位
  • 廣州市中小學教師資訊技術全員培訓考核優秀組織單位
  • 廣州市民主管理工作星級(★★★)單位
  • 廣州市巾幗文明崗
  • 廣州市三八紅旗集體
  • 廣州市教育工作先進單位
  • 廣州市高中新課程實驗樣本學校
  • 廣州市發展性教學評價實驗學校
  • 廣州市青少年科技教育活動先進集體
  • 廣州市教育統一考試先進考場
  • 越秀區科普教育基地
  • 越秀區科普工作先進單位
  • 越秀區中小學科技教育工作先進單位
  • 越秀區教育局先進基層組織
  • 越秀區教育局先進基層團組織
  • 越秀區教育系統綠化、衛生、後勤管理工作先進單位
  • 越秀區校園安全工作先進單位
  • 越秀區交通安全先進集體
  • 越秀區三年辦學水準達標單位
  • 越秀區校園禁毒活動先進單位
  • 越秀區多媒體教育軟體最佳組織單位
  • 越秀區教育系統特殊教育先進單位
  • 越秀區創建文明城市“三年一中變”有功單位

附近嘅交通