廣州市腦科醫院

廣州市腦科醫院（粵拼：gwong2 zau1 si5 nou5 fo1 ji1 jyun2），又嗌廣州市精神病院gwong2 zau1 si5 zing1 san4 beng6 jyun2、廣州市惠愛醫院gwong2 zau1 si5 wai6 oi3 ji1 jyun2，係中國廣東廣州地區，專門醫精神病同腦科疾病為主嘅三甲醫院，大清光緒廿四年二月初七（1898年2月28號）創辦，有兩個院區同一個門診部。

佢係中國大陸最早嘅西醫精神病醫院^[1]。其中佢嘅芳村院區喺廣州老街坊心目中出嗮名。因為廣州街坊口頭上講嘅「芳村癲狂院」或「從芳村出嚟」、「捉你去芳村」、「傻十」呢啲鬧人短語都係指呢間醫院^[2]^[3]。

詳細位置

芳村總院：荔灣區芳村明心路36號
江村分院：白雲區江高鎮廣花二路800號
周門門診部：荔灣區周門荔灣路53號

史

間醫院係由美國基督教長老會喺1898年2月28號開始創辦，初期嗌過基爾氏醫院（英文：John Kerr’s Hospital）兼隸屬教會機構。1926年，廣州市政府成立咗間複性醫院，第二年因為基爾氏醫院爆出經費短缺及工人罷工，令醫療業務一度停辦，加上嗰時嘅醫務領事會冇心去搞呢單嘢而畀咗廣州市政府^{[註 1]}睇實。1927年3月1號開始接手惠愛醫院而將醫院分別改名做廣州市立第一、第二神經病院。1935年6月又收購咗惠愛醫院冚唪唥物業^{[註 2]}。同年12月26號將第一神經病院撤銷兼合併，變成廣州市立精神病療養院。1938年10月廣州淪陷，政府撤走之前，醫院畀咗廣州天主教會睇實直到日軍投降為止。1949年10月14號解放軍攻入廣州，同年12月俾廣州市軍管會派人接手，改名做廣州市市立精神病院。5年半後改名做廣州市精神病院，三年又一季後又改名做廣州市精神病防治院。

1969年因受破四舊浪潮影響而改名做廣州市第十人民醫院，直到1973年改叫廣州市精神病院。但院方後嚟考慮到個名喺廣州街頭有一定鬧人含義，喺2000年又改名做廣州市腦科醫院。

註同攷

註

↑ 呢度講嘅廣州市政府係民國時期嘅稱呼，唔係1949年由中共接手嘅廣州市人民政府。
↑ 惠愛醫院冚唪唥物業當中，亦包括咗惠愛二院同培英中學初中部。

攷

↑ 〈广州市文化广电新闻出版局-广州市文物保护单位-惠爱颠医院旧址〉。《广州市第三次全国文物普查领导小组办公室》。广州市文化广电新闻出版局。原著喺2016-03-06歸檔。喺2013-06-19搵到。
↑ 历史悠久的广州市精神病院互聯網檔案館嘅歸檔，歸檔日期2017年5月11號，. 360Doc个人图书馆
↑ 〈"十下十下"咩来由〉。《南方都市報》。南都网。2014-05-21。原著喺2020-03-28歸檔。喺2017-06-12搵到。

出面網頁

廣州市腦科醫院嘅官方網站

[4] 呢度講嘅廣州市政府係民國時期嘅稱呼，唔係1949年由中共接手嘅廣州市人民政府。

[5] 惠愛醫院冚唪唥物業當中，亦包括咗惠愛二院同培英中學初中部。

[1] 〈广州市文化广电新闻出版局-广州市文物保护单位-惠爱颠医院旧址〉。《广州市第三次全国文物普查领导小组办公室》。广州市文化广电新闻出版局。原著喺2016-03-06歸檔。喺2013-06-19搵到。

[2] 历史悠久的广州市精神病院互聯網檔案館嘅歸檔，歸檔日期2017年5月11號，. 360Doc个人图书馆

[3] 〈"十下十下"咩来由〉。《南方都市報》。南都网。2014-05-21。原著喺2020-03-28歸檔。喺2017-06-12搵到。

[1]

[2]

[3]

[註 1]

[註 2]