廣州醫藥
想搵廣州第間同名嘅醫藥機構嘅話，請睇廣州醫藥集團。 廣州恆大淘寶足球會喺2007～2010年間嗌過廣州醫藥足球會。廣州醫藥（粵拼：gwong2 zau1 ji1 joek6；英文：Guangzhou Pharmaceutical Corporation），簡稱廣藥（GZPC），係中國廣東廣州嘅製藥廠，1951年6月1號成立，位置喺荔灣區大同路103號。公司出藥品為主。
| 類型 | 製藥廠 |
|---|---|
| 開檔 | 1951年6月1號 |
| 總部地址 |  中國廣東廣州荔灣區大同路103號 |
| 產業 | 藥品生產企業 |
| 網址 | https://www.gzmpc.com/ |
佢既係中國大陸最大嘅中外合資醫藥流通企業，又係Walgreens Boots Alliance嘅成員企業。
史 編輯
1951年6月1號，廣東省衛生廳出錢喺廣州荔灣區沙面一帶開咗間醫藥公司，初期嗌中國醫藥公司廣東省公司，重喺第二年開咗第一間門市部（今日嘅健民醫藥）同改名做中國醫藥公司廣州分公司。1955年成立咗下鄉工作小組嚟負責送藥到廣州市屬下嘅鄉下地區。1963年成為中華人民共和國指定嘅麻醉藥品供應點，1年後亦喺漢民路（今日嘅北京路）開咗廣東第一間專賣獸藥嘅商舖。1973年將醫藥同藥材兩個商業系統合併而成立藥品公司。1978年成立咗廣州市新藥商店（今日嘅廣州國盈醫藥）。1980年，公司開咗嗰時中國大陸聞所未聞嘅「總經銷、總代理」嘅藥品分銷模式。1981年恢復返醫藥公司。
醫院倉庫喺1986～1989年間攞咗中國大陸醫藥「四好」倉庫嘅稱呼，1990年升級成醫藥商業國家二級企業標準。隨後工廠因唔夠用嘅關係，1995年，公司先後將倉庫搬到白雲區凰崗一帶，總部搬到大同路103號。1996年先後將健民、友邦同名利眾三間醫藥基層舖合併咗，重推行咗24個鐘賣藥嘅服務。1997年新成立咗醫藥小商品批發部（今日嘅欣特醫藥）。
2001年，公司改制成有限責任公司兼改名做廣州醫藥有限公司，1年後又將原有嘅醫療器械、化學試劑同實驗玻璃玻璃儀器三間批發部商舖合併，組建成廣州器化醫療設備公司。2004年，公司正式衝出廣東，喺湖北同埋福建成立咗分公司，亦喺凰崗成立咗中國大陸第一間醫藥商業現代藥品物流中心。2007年俾商務部批准，正式成為中外合資企業。2009同2010年先後喺佛山同深圳成立咗分公司，重喺2010年成為亞運會嘅運動員專用藥械唯一配送單位。2011年，公司喺陝西、海南成立咗分公司。2013年喺獅山搞咗物流中心，2014年衝出中國大陸，喺香港搞咗間分公司。