廣珠城際軌道交通
廣珠城際軌道交通（粵拼：gwong2 zyu1 sing4 zai3 gwai2 dou6 gaau1 tung1，英文：Guangzhou–Zhuhai Intercity Railway），簡寫廣珠城軌，成日畀人叫錯做廣珠輕軌[1]，係中國廣東省一條城際鐵路線，由省會廣州市廣州南站經佛山市順德區、中山市小欖鎮到珠海市青茂口岸嘅珠海站；及由廣州市廣州南站經中山市小欖鎮入中山市古鎮，跨過西江到江門市新會區江門大道南嘅江門站。另外有條支線由珠海市珠海站經横琴、珠海長隆到珠海市嘅金灣機場。
.jpg)
規劃
編輯廣珠城際全長大概177.5公里（包括小欖到新會嘅支線同未起好嘅珠海機場支線），總共有29個站，平均站同站之間嘅距離係7.5公里。廣珠城際全線都係雙線電氣化嘅無砟鐵路。除咗珠海機場支線嘅設計時速係160公里，其他路段嘅設計時速度達到200公里，亦都預留咗畀最高時速250公里嘅高速鐵路行過[2][3]。廣珠城軌廣州南站到珠海站同小欖到新會兩段喺2005年12月18號開始起，當中珠海北站以北嘅一段喺2011年1月7號通車。廣珠城軌成為咗珠三角西岸中山、珠海呢啲地方嘅第一條鐵路，令到珠海、中山同江門呢啲地方入到廣州嘅一小時生活圈。
廣珠城軌係客運專線，唔載貨。由於唔少傳媒冇鐵路相關嘅專業知識，成日叫錯廣珠城軌做「廣珠輕軌」，令到好多市民都一樣嗌錯。事實上廣珠城軌係城際客運系統，屬於客運專線同高速鐵路嘅範疇，而輕軌其實係市內公交，兩種鐵路有好大分別。[1]起好同通車之後，廣珠城軌用10架CRH1A電力動車組嚟行（當中CRH1-167A同CRH1-168A兩架車係向廣深鐵路公司租嚟用嘅車，所以嗰兩架車嘅凳位同第一批嘅CRH1A一樣，都係唔可以轉方向，平時多數用喺廣州南去新會嘅班次。CRH1-169A係新頭型嘅CRH1A，2016年3月暫時屬於三亞動車所，喺海南環島高鐵（海南東環鐵路、海南西環鐵路）試行）。廣珠城軌喺繁忙時間會加多一架車，去到11架。廣珠城軌嘅車而家已經換晒做CRH6A型電力動車組（200公里每小時嘅版本行唔停站嘅直達列車，至於160公里每小時嘅版本就行停站嘅通勤列車）。2017年4月開始呢條線亦都開始用CRH380B型電力動車組，令到廣州南到珠海嘅直達車只係需要54分鐘（長途過路車）/56分鐘（本線車）就可以行完全程，中途停站嘅車最快只需要57分鐘；至於廣州南到新會嘅最快列車都只需要29分鐘（長途過路車）/43分鐘（本線車）。來往廣州南同珠海北嘅本線列車用C76XX（之前係D76XX）車次（2017年4月開始有啲車次用返D字頭，即係D7261-D7266次，另外加咗兩組G字頭車次，即係G6333-G6336次），來往廣州南同新會嘅本線列車就用C72XX（之前係D77XX、C77XX）車次。
歷史
編輯2004年4月嘅廣珠城際快速軌道交通工程可行性研究審查會確定咗廣珠城軌嘅初步行法、技術同埋設計，並且列入咗做2005年珠海市嘅重大項目[4]。2004年7月14號，喺第一屆泛珠三角區域經貿合作洽談會上面，鐵道部同廣東省政府簽咗一份協定，鐵道部同廣東省決定各出一半錢去開廣東珠三角城際軌道交通有限責任公司，負責廣珠城軌等等珠三角城際軌道交通線嘅建設同埋未來營運。2004年7月29號，呢個集團正式註冊成立。
中國國務院喺2005年3月16號審議通過咗《環渤海京津冀地區、長江三角洲地區、珠江三角洲地區城際軌道交通網規劃》[5]，響2005年5月開嘅廣珠城際軌道交通工程初步設計審查會上面，調整咗之後嘅廣珠城軌設計方案得到咗初步確定。新方案入面廣珠城軌喺行法上面有好大調整，當中江門以南嘅一段用咗「南蓢方案」，即係城軌由中山翠亨入珠海，再沿住港灣大道東面入鳳凰山隧道。出隧道之後轉入珠海明珠路、港昌路、昌盛路，一直到珠海市香洲區拱北街道嘅珠海站[6]。
2005年12月18號，廣珠城際軌道交通工程正式全線開工[7]。城軌會用高架嘅形式去起，高架嘅路段佔全線百分之92.25[8]。
2010年9月20號，負責施工嘅中鐵三局線橋公司已經搞掂咗主線廣州南站到珠海金鼎段鋪路軌嘅工程；而支線小欖到新會段嘅鋪路軌工程都喺10月3號零點之前搞掂[9]。
2010年11月23號，為期大概一個月嘅聯調聯試階段開始[10]。12月31號，全線試行。
2011年1月7號，珠海北站到廣州南站嘅主線同埋小欖站至新會站嘅支線正式通車。
2012年7月19號，新嘅珠海市區到珠海機場城際鐵路項目（拱北珠海站到橫琴新區長隆公園站段）開始公示[11][12]。新嘅一段由拱北去到橫琴淨係得17公里，總共有7個站。起點係廣珠城際鐵路珠海站，終點係橫琴新區長隆公園站。線路由當時起緊嘅珠海站向西跨過前山水道，跟住沿住南灣南路地底起，再穿過馬騮洲水道到橫琴嘅長隆海洋王國。珠海站到長隆公園站中間有7個站，分別係：珠海站、灣仔北站、灣仔站、十字門站、金融站、橫琴站、長隆公園站，其中長隆公園站係地面站，珠海站係高架站，其他都係地底站[13]。
2012年12月18號，珠海站移交畀廣州鐵路集團。同年12月31號，珠海北站到珠海站嘅一段主線通車，即係廣珠城際主線已經全線通車[14]。
2013年2月1號，碧江站同順德學院站通車，新加咗大快線，初頭每日開3班，由珠海到廣州南只係要57分鐘。[15]
2013年12月1號，拎中鐵銀通卡嘅乘客可以直接拍卡入站搭廣珠城軌，令到廣珠城軌成為繼京津城際、滬甯高鐵、滬杭高鐵之後，第四條入咗芯時代」嘅城際鐵路。
2014年1月20號，廣珠城軌延長線第一期（拱北到橫琴段）嘅正式開工，同時間澳門輕軌延長去橫琴嘅工程亦都開始招標，將會同廣珠城軌延長線一齊開工。到時，通過呢條跨過海底嘅連接線，廣珠城軌嘅乘客將會可以響橫琴口岸站過關同轉乘澳門輕軌。根據當時嘅規劃，廣珠城軌將會延伸到珠海機場，一期工程會先延長到橫琴嘅長隆公園站，至於長隆公園站到珠海機場站嘅二期工程就暫時未知幾時會起。[16][17]
2015年11月27號，北京西站到廣州南站嘅D923次列車（逢星期一、五、六、日開）延長到珠海，第日架車將會行珠海到桂林北站嘅D2368/7次列車，從此廣珠城際開始有跨線嘅旅客列車行。不過澳門居民唔可以用回鄉卡喺珠海站嘅自動售票機上面攞網上買嘅車飛，雖然深圳北站一早已經有呢個服務。[18]
2017年1月開始，廣珠城際開多3對由珠海站開出嘅跨省旅客列車，分別係往返貴陽北站嘅D2808/2827次、往返上海虹橋站嘅D942/943/942次、D941/944/941次（臥鋪動車組列車，逢星期五、六、日、一開）同往返長沙南站嘅G6111/6112次[19]。2017年4月再開多三對跨省嘅列車同一對省內嘅列車，由珠海站分別開去昆明南站（經南寧站）、南寧站、鄭州東站（經武漢站）同潮汕站（經深圳北站）[20]。
2018年7月1號開始，隨住江湛鐵路通車，33對開去茂名站同湛江西站嘅動車組列車都會行經廣珠城際鐵路（包括新會支線）[21]。
未來發展
編輯廣珠城軌將會由拱北珠海站延長到珠海機場（即係珠機城際），第一期嘅工程會先起到橫琴嘅長隆公園站。珠海站到長隆公園站全長17.18公里，有灣仔北、灣仔、十字門、金融島、橫琴同長隆公園總共6個新嘅地底站站，延長段大部分都響地底。
澳門輕軌系統第一期工程已經預留咗喺蓮花口岸站同廣珠城軌嘅延長線接駁。嗰段長1828米，喺蓮花大橋橫琴嗰面起個蓮花大橋站，之後響呢度延伸去橫琴站。澳門輕軌橫琴延伸線起好之後，澳門輕軌就可以經過海底通道開到橫琴站。根據個站嘅規劃，由廣州搭廣珠城軌嚟嘅乘客會喺呢個站嘅月台層落車，之後上一層去到大堂，響嗰度過咗關之後再落到月台層搭澳門輕軌去澳門。
站
編輯| 站名[22] | 廣州南站開始計嘅里數 （公里） |
車站嘅位置 | 連接嘅鐵路 | 可以轉嘅路線 |
|---|---|---|---|---|
| 主線(珠海線)（廣州南站—珠海站）小欖站可轉乘江門線 | ||||
| 廣州南站 | 0 | 廣州市番禺區 |  京廣客運專線 廣深港高速鐵路 南廣鐵路 貴廣鐵路 廣佛環線 佛莞城際軌道 |
廣州地鐵2號線 廣州地鐵7號線 廣州地鐵22號線 佛山地鐵2號線
|
| 碧江站 | 5 | 佛山市順德區 | ||
| 北滘站 | 11 | |||
| 順德站 | 15 | |||
| 順德學院站 | 23 | 佛山地鐵3號線 | ||
| 容桂站 | 32 | |||
| 南頭站 | 37 | 中山市 | ||
| 小欖站 | 45 | 可轉乘江門線 | ||
| 東升站 | 52 | |||
| 中山北站 | 64 | 轉深江鐵路(建設中)
| ||
| 中山站 | 70 | |||
| 南朗站 | 83 | |||
| 翠亨站 | ||||
| 珠海北站 | 93 | 珠海市 | ||
| 唐家灣站 | 97 | |||
| 明珠站 | 109 | |||
| 前山站 | 113 | 珠海有軌電車1號線（已拆除） | ||
| 珠海站 | 116 | 可轉乘廣珠城際支線 | 珠海有軌電車1號線（已拆除） | |
| 江門線（廣州南站-小欖站與珠海線共線，小欖站可轉乘珠海線） | ||||
| 古鎮站 | 54 | 中山市 | ||
| 外海站 | 江門市 | |||
| 江門東站[23] | 65 | |||
| 禮樂站 | ||||
| 新會站 | 72 | 江恩城際鐵路 廣佛江珠城際鐵路 |
||
| 江門站 | 77 | 廣珠鐵路 江湛鐵路 珠肇高鐵
|
||
| 機場支線(珠機城際)（珠海站-横琴口岸-珠海機場站） | ||||
| 灣仔北站 | 120 | 珠海市 | ||
| 灣仔站 | 122 | |||
| 十字門站 | 123 | |||
| 金融站 | 125 | |||
| 橫琴站 | 129 | 澳門輕軌延伸橫琴線 | ||
| 長隆公園站 | 133 | |||
| 鶴洲南站 （遠期規劃） |
||||
| 三灶站建設中 | ||||
| 珠海機場站建設中 | 廣佛江珠城際鐵路 |
|||
| 直通江湛鐵路到茂名站、湛江西站 | ||||
| 註釋：斜線嘅站同線都未通車 | ||||
車費
編輯2013年1月1號開始用嘅車費表（綠色數字：二等座車費，紅色數字：一等座車費，單位：人民幣；兒童飛、傷殘軍人飛半價，二等座學生飛七五折優惠）
喺2012年12月31號之後搭廣珠城際動車組要畀多5毫子嚟投保鐵路旅客意外傷害強制保險。
| 60 | 50 | 40 | 90 | 85 | 85 | 80 | 75 | 65 | 50 | 50 | 40 | 35 | 25 | 20 | 20 | 15 | 15 | 15 | 廣州南 |
|---|---|---|---|---|---|---|---|---|---|---|---|---|---|---|---|---|---|---|---|
| 50 | 45 | 40 | 85 | 85 | 80 | 70 | 70 | 60 | 50 | 45 | 35 | 25 | 20 | 15 | 15 | 15 | 碧江 | 10 | |
| 45 | 40 | 35 | 85 | 80 | 80 | 65 | 65 | 60 | 45 | 40 | 35 | 25 | 20 | 20 | 15 | 15 | 北滘 | 10 | 10 |
| 45 | 40 | 35 | 80 | 80 | 70 | 65 | 60 | 50 | 45 | 40 | 25 | 25 | 20 | 15 | 15 | 順德 | 10 | 10 | 10 |
| 40 | 35 | 25 | 70 | 70 | 65 | 60 | 50 | 45 | 35 | 20 | 15 | 15 | 順德學院 | 10 | 10 | 10 | 15 | ||
| 35 | 25 | 20 | 65 | 65 | 60 | 50 | 45 | 40 | 35 | 25 | 15 | 15 | 15 | 容桂 | 10 | 10 | 15 | 15 | 20 |
| 25 | 20 | 15 | 60 | 60 | 60 | 45 | 45 | 40 | 25 | 20 | 15 | 15 | 南頭 | 10 | 10 | 15 | 15 | 20 | 20 |
| 20 | 15 | 15 | 50 | 50 | 50 | 40 | 40 | 35 | 20 | 15 | 15 | 小欖 | 10 | 10 | 15 | 20 | 20 | 25 | 25 |
| / | / | / | 50 | 45 | 45 | 35 | 35 | 25 | 15 | 15 | 東升 | 10 | 10 | 10 | 20 | 25 | 30 | ||
| / | / | / | 40 | 40 | 35 | 25 | 20 | 15 | 15 | 中山北 | 10 | 10 | 15 | 20 | 25 | 30 | 30 | 35 | 40 |
| / | / | / | 40 | 35 | 35 | 20 | 20 | 15 | 中山 | 10 | 10 | 15 | 20 | 25 | 35 | 35 | 40 | 40 | |
| / | / | / | 25 | 25 | 20 | 15 | 15 | 南朗 | 10 | 10 | 20 | 25 | 30 | 30 | 35 | 40 | 45 | 45 | 50 |
| / | / | / | 20 | 15 | 15 | 15 | 珠海北 | 10 | 15 | 15 | 25 | 30 | 35 | 35 | 40 | 45 | 50 | 55 | 55 |
| / | / | / | 15 | 15 | 15 | 唐家灣 | 10 | 10 | 15 | 20 | 25 | 30 | 35 | 40 | 45 | 50 | 50 | 55 | 60 |
| / | / | / | 15 | 15 | 明珠 | 10 | 10 | 15 | 25 | 25 | 35 | 40 | 45 | 45 | 50 | 55 | 60 | 60 | 65 |
| / | / | / | 15 | 前山 | 10 | 10 | 10 | 20 | 25 | 30 | 35 | 40 | 45 | 50 | 55 | 60 | 60 | 65 | 65 |
| / | / | / | 珠海 | 10 | 10 | 10 | 15 | 20 | 30 | 30 | 40 | 40 | 45 | 50 | 55 | 60 | 65 | 65 | 70 |
| 15 | 15 | 古鎮 | / | / | / | / | / | / | / | / | / | 10 | 10 | 15 | 20 | 25 | 25 | 30 | 30 |
| 15 | 江門 | 10 | / | / | / | / | / | / | / | / | / | 10 | 15 | 20 | 25 | 30 | 30 | 35 | 40 |
| 新會 | 10 | 10 | / | / | / | / | / | / | / | / | / | 15 | 20 | 25 | 30 | 35 | 35 | 40 | 45 |
商務座、特等座嘅車費（用CRH380A嘅車次有特等座、用CRH380B嘅車次有商務座）：
- 廣州 ↔ 珠海：¥205（商務座）、¥125（特等座）
- 中山 ↔ 珠海：¥50（特等座）
列車同車站廣播
編輯2011年4月，廣珠城軌喺開通後冇耐就冇咗粵語廣播，嗰時無論係車入面定係站入面嘅廣播都只係得返普通話同英語，同廣深動車、廣州地鐵、廣州巴士、澳門巴士等等珠三角城市嘅公共交通服務多數有粵語廣播嘅做法啱啱相反。2012年12月31號，廣珠城軌加返粵語廣播（電腦語音合成），同時取消咗英文廣播，但係報站部分以外嘅廣播繼續冇粵語嘅版本。
相
編輯-
起緊嘅的廣珠城際鐵路（2010年6月） -
廣珠城軌都寧港隧道，響順德陳村同北滘嘅交匯處，長325米 -
廣珠城軌嘅CRH1A型列車差唔多開到最高營運時速。宜家廣珠城軌已經唔再用CRH1A。 -
CRH1A-A一等座入面，同CRH1A唔同，CRH1A-A型一等座嘅凳可以用扶手向內嘅功能制嚟較挨屏嘅斜度，又可以轉啲凳。 -
廣珠城軌嘅中山站 -
小欖站嘅月台 -
CRH1A-A-1169（CRH1A-NG）喺廣珠城際鐵路度行。宜家嗰批車已經調咗去廣州東動車所。
睇埋
編輯參考
編輯- ↑ 1.0 1.1 廣珠城際鐵路 不是“輕軌”
- ↑ 廣珠輕軌擬延伸至珠海機場 互聯網檔案館嘅歸檔，歸檔日期2011-07-21.
- ↑ 〈廣珠城軌降頻不降速〉。原著喺2018年12月5號歸檔。喺2018年8月5號搵到。
- ↑ 〈廣珠城際鐵路走向及技術標準初步確定 4年後通車〉。原著喺2012年2月27號歸檔。喺2018年8月5號搵到。
- ↑ 國務院通過珠三角城際軌道網規劃 互聯網檔案館嘅歸檔，歸檔日期2011-07-07.
- ↑ 〈廣珠城際軌道珠海段預計於今年上半年開工建設〉。原著喺2012年2月27號歸檔。喺2018年8月5號搵到。
- ↑ 廣珠城際軌道動工 順德到珠海僅需40分鐘 互聯網檔案館嘅歸檔，歸檔日期2008-10-02.
- ↑ 乘坐廣珠城際軌道將與城市公交一樣便捷
- ↑ 〈廣珠輕軌完成鋪軌 江門段四個車站月底竣工〉。原著喺2012年8月5號歸檔。喺2012年8月5號搵到。
- ↑ 〈廣珠輕軌12月25日通車 中山站春運可發火車〉。原著喺2018年12月5號歸檔。喺2018年8月5號搵到。
- ↑ 環評公示
- ↑ 〈新建珠海市區至珠海機場城際鐵路項目 （拱北至橫琴段）〉。原著喺2016年3月10號歸檔。喺2018年8月5號搵到。
- ↑ 廣珠城際 2016年延至橫琴 互聯網檔案館嘅歸檔，歸檔日期2012-07-26.，2012-07-25
- ↑ 〈廣珠城軌全線貫通 全程最快72分鐘票價70元 - 延展閱讀-新華網〉。喺2012-12-31搵到。
- ↑ 碧江站、順德學院兩站將於二月一日開通 互聯網檔案館嘅歸檔，歸檔日期2013-03-06.
- ↑ 〈珠海澳門間將建海底通道 澳門輕軌接廣珠城軌〉。原著喺2018年12月5號歸檔。喺2018年8月5號搵到。
- ↑ 新建鐵路珠海市區至珠海機場城際軌道交通工程公示 互聯網檔案館嘅歸檔，歸檔日期2016-03-10.
- ↑ 〈珠往京桂高鐵明開通〉。澳門日報。2015-11-27。原著喺2015-12-08歸檔。喺2015-11-27搵到。
- ↑ 〈4小時直達長沙 珠海迎新高鐵時代 將利好房產旅遊業〉。南方都市報。2016-12-22。原著喺2016-12-22歸檔。喺2016-12-22搵到。
- ↑ 〈全國鐵路下月調整運行圖 深圳珠海首次互通動車組〉。新快報。2017-03-25。原著喺2017-04-09歸檔。喺2017-03-25搵到。
- ↑ 〈江湛鐵路將於7月1日開通運營，開通初期實行3種折扣票價〉。《澎湃新聞》。原著喺2018-06-30歸檔。喺2018-06-30搵到。
- ↑ 廣珠輕軌20個車站4月開工 鐵定於亞運會前通車 互聯網檔案館嘅歸檔，歸檔日期2010-06-13.
- ↑ 廣珠鐵路江門南站更名為江門站廣珠城際江門站更名為江門東站