恒生指數有限公司
恒生指數有限公司（英文：Hang Seng Indexes Company Limited），以前叫恒指服務有限公司，係恒生銀行有限公司（港交所：00011）嘅全資附屬機構，負責編製、計算同管理恒生指數同一系列其他指數。
| 類型 | 恒生銀行附屬公司 |
|---|---|
| 總部地址 | 香港 |
| 緊要人物 | 總經理關永盛 |
| 產業 | 金融 |
| 稅後盈餘 | 不詳 |
| 員工人數 | 不詳 |
| 母公司 | 恒生銀行 |
| 網址 | www.hsi.com.hk |
歷史
編輯| 呢篇文章係香港經濟系列之一 |
|
|
|
歷史 - 政治 - 教育 香港主題首頁 |
恒生指數有限公司喺1984年成立。1998年4月20號推出恒生100指數及恒生50中型股指數，5月推出網頁。2001年10月3號推出恒生綜合指數，同日再推出恒生行業分類系統[1]。2002年推出恒生流通指數。2003年起提供恒生一系列指數成交額。2005年檢討H股係咪可以加入為恒生指數成分股[2]，同埋推出新嘅剔除停牌成分股嘅政策[3]。2006年6月30號宣佈更改生指數加入H股後嘅計算方法同對現有成分股嘅數目同影響（根據資料，部分生指數成分股好似匯豐控股(港交所：00005)嘅比重會下降，而其他成分股好似中國移動(港交所：00941)嘅比重就上升）[4]，9月11號推出新嘅股票停牌處理方法[5]，11月27號推出恒生中國H股金融行業指數[6]。
2011年9月5號推出，「恒生可持續發展企業基準指數」同「恒生A股可持續發展企業基準指數」，成分股分別有68隻同埋28隻。2011年9月5號推出，恒生外國公司綜合指數同恒生環球綜合指數，分別反映香港上市嘅外國公司表現同整體香港上市公司（包括外國公司）嘅表現，普拉達（Prada，港交所：01913）、新秀麗（Samsonite，港交所：01910）、嘉能可（Glencore，港交所：00805）都係成分股。2012年12月10號推出恆生高股息率指數，指數包括恆生綜合指數同房產基金指數內、50隻最高淨股息率、同埋喺過去三年都維持派息嘅大型股同中型股。
註同埋參考
編輯- ↑ 前稱恒生股票分類法，係一套全面行業分類系統，由恒指服務有限公司因應香港股票市場情況而編製。恒生行業分類系統係由11種行業同28種業務類別組成。
- ↑ 【藍籌季檢】指11月10號季度檢討，預期有國企宣布「染藍」[失咗效嘅鏈]，香港經濟日報-Yahoo!新聞，2006年11月6號
- ↑ 成分股如果連續停牌一個月，嗰隻成分股將會從有關指數中被剔除。喺非常特殊情況下，如果隻成份股被認為極有可能喺短時間內復牌，先有可能獲保留喺指數內。
- ↑ 〈新嘅恒生指數計算法〉 (PDF)。原著 (PDF)喺2006年7月7號歸檔。喺2018年6月2號搵到。
- ↑ 任何成分股暫停買賣，無論仍停咗牌幾耐，將用仍停牌前最後成交價計算指數。
- ↑ 恒指服務公司將推出生中國H股金融行業指數[失咗效嘅鏈]，香港經濟日報-Yahoo!新聞，2006年11月10號