排頭
(由排頭圍跳轉過嚟)
排頭（Pai Tau）喺香港沙田，喺正沙田火車站西北面。排頭亦係條村，叫排頭村或者排頭圍（Pai Tau Wai）[1]。條村有藍氏祠堂，係香港法定古蹟。排頭亦係瀝源約名，排頭約包括排頭、銅鑼灣、上禾輋同下禾輋一帶嘅村，即係舊時沙田海泥灘西岸，家下港鐵沙田站上下。
地理
編輯排頭圍起喺道風山下便山邊。南便係田寮，北便係上和輋。排頭北便有條涌，流入排頭街暗渠入城門河。排頭村喺山腳沿山邊同涌伸入山谷。谷內有萬彿寺、寶福山。而山腳就有沙田政府合署、新城市中央廣煬同康樂文化事務署總部。而向南行過田寮就係銅鑼灣。
史
編輯排頭圍最初唔係好大，就係家下排頭街最舊嗰幾間屋[1]。未有九廣鐵路之前，佢喺沙田海同城門河積起嘅泥灘上耕田[1]。原本排頭北便條涌，經泥灘流入沙田海。村同涌之間亦有田地。過涌另一邊山腳就係上禾輋[1]。
九廣鐵路喺排頭圍側邊起站，而路軌就將佢近沙田海嘅田隔開[1]。