香港大球場
簡介
編輯香港大球場前身係政府大球場，喺1952年起好，之後喺1992年由香港賽馬會出錢重建，1994年重開，並由馬會聘請英國溫布萊管理公司營運。1998年，前市政局收返大球場嘅管理權，並重鋪草地。2000年，康樂及文化事務署成立，接手大球場嘅管理工作。2015年4月，為長遠改善草地質素並確保草地更為耐用，政府同馬會合作全面重鋪大球場草地。
大球場設計新穎、設施完備，係舉行各類體育、宗教同社區活動嘅理想場地，亦係香港目前最大型嘅戶外多用途康體場地，可以容納最多40,000人。鄰近嘅掃桿埔運動場喺大球場舉辦大型體育活動期間用嚟做支援場地，畀團體租用嚟做體育比賽同訓練場地。
大球場經常舉行各類盛事，例如每年一度嘅國際七人欖球賽、賀歲盃足球賽、足球表演賽、慶祝回歸活動、百萬行，同埋各種社區同宗教活動。大球場管理當局一向致力為公眾提供完善嘅場地，並且引以為傲。
歷史
編輯香港大球場以前叫政府大球場，喺1952年起好，當時有28,000個座位。大球場一啟用，迅即成為香港主要體育場地。足球運動當時喺香港大受歡迎，經常喺大球場比賽，吸引大量觀眾入場。此外，大球場亦用來舉行重要田徑比賽，同埋校際比賽、學校運動會等活動。
1980年代末，由於大球場座位數量同設備都有唔足夠嘅地方，前市政局同香港賽馬會展開重建工程，將大球場提升為達到國際標準嘅場地，並可以舉辦大型文娛活動，令到大眾有機會欣賞更多香地同外國製作嘅精彩節目。重建後嘅大球場喺1994年3月啟用，雖然唔再有田徑跑道，但係增加咗大量座位同埋多咗奧運大樓。
大球場從建築同外型設計，以至場內設備，都力求表現出香港呢個國際大都會充滿活力同多姿多彩嘅一面。大球場佔地58,500平方米，最多可以容納40,000人，是香港目前最大型嘅戶外多用途康體場地。
設施
編輯座位數目
編輯| 座位總數： | 40,000 |
| 主層： | 18,256 |
| 廂房層： | 3,153 |
| 高層： | 18,507 |
| 傷殘人士座位： | 200 |
草地球場
編輯| 面積： | 130米 x 74米 |
| 草地總面積： | 9,620 平方米 |
| 球場通道： | 分別係4.8米（闊）x 4.1米（高）同 4.25米（闊）x 4.1米（高） |
| 草地負荷量： | 每平方米 1,000 公斤 |
飲食設施
編輯- 一間分為兩層，共可容納400人嘅餐廳
- 18間分布喺各層大堂嘅特許經營食肆
- 4間喺廂房層嘅酒廊同酒吧
衛生設施
編輯- 38間洗手間同7間殘疾人士專用洗手間
安全同通訊設備
編輯- 畀警察指揮中心、節目控制室同保安控制室喺活動期間監察現場情況嘅閉路電視系統
- 一個7.68米（高）x12.8米（闊）嘅彩色大熒幕
- 78部設於看台通道，直播現場情況嘅電視機
- 一塊6.72米（高）x 9.6米（闊）嘅大型電子計分板
- 兩塊分別設於球場東面同西面看台嘅輔助計分板
- 6個公眾電話區
- 一套覆蓋成個大球場嘅公眾廣播系統
畀租用人/主辦機構/工作人員用嘅設備
編輯出面網頁
編輯
22°16′22″N 114°11′18″E / 22.272861111111°N 114.18844444444°E