新華通訊社

中國嘅國家通訊社

 新華通訊社粵拼san1 waa4 tung1 seon3 se5 (簡稱新華社)係中華人民共和國國家通訊社,提供即時文字新聞經濟信息、新聞圖片圖表等等。新華通訊社喺世界各地有百幾個分社,喺中國大陸嘅每個自治區直轄市都有分社。新華通訊社係中文媒體嘅主要新聞來源之一。

新華通訊社大樓

爭議

旗下新華網回鄉創業宣傳片疑似造假

新疆拘留營維吾爾人嘅大清洗問題,由2014年起受到國際社會關注。中國外交部喺2021年進行過一場記者會,安排幾名自稱維吾爾族人發言,試圖反駁呢啲指控,但就被踢爆疑似造假。其中一名發言者,自稱叫做塔黑日江·托合,喺入面結業嘅學員,就被揭發幾月前喺2020年7月14號新華網一段宣傳回鄉創業嘅片段入面現身,當時自稱係上海復旦大學畢業,之後返去和田市創業。而喺呢段新華網嘅宣傳片入面,亦冇提過任何喺新疆受培訓嘅經歷,反而強調自己擁有復旦大學嘅高學歷。世界維吾爾代表大會嘅發言人話,北京咁做係欺騙國際社會,又話嗰個人如果係上海復旦大學畢業學生,佢當年高考嘅成績應該相當高,漢語讀寫能力亦有一定水平,根本唔使再特別去學習國家通用語言和同埋文字[1]

參考

  1. "復旦維族高材生變再教育營學員? 世維會發言人踢爆:北京搵臨記呃外媒 | 蘋果日報". Apple Daily 蘋果日報 (中文). 原著喺2021-04-04歸檔. 喺2021-04-04搵到.

出面網頁