時間箭嘴

時間箭嘴（英文：arrow of time / time's arrow）係物理學上有關時間嘅一個重要概念。有好多廿世紀嘅物理學家都對時間呢樣嘢嘅本質覺得好奇。而時間箭嘴呢個概念指出嘅係，時間呢樣嘢有兩種特性：

• 單一方向嘅特性：時間永遠只有可能由過去流去未來，淨係可以向一個方向郁動，唔似得（例如）空間噉－相比之下，空間上嘅郁動可以有多個方向，一嚿物體可以由左向右郁，又可以由右向左郁都得；
• 本質上就唔對稱：根據熱力學第二定律，過去嘅熵永遠細過或者等如而家嘅熵，而而家嘅熵就實係會細過或者等如未來嘅熵，所以是但攞一個時間點嚟睇，嗰點嘅兩邊都實係唔對稱嘅－相比之下，空間當中嘅一點嗰兩邊（最少理論上）有可能係對稱。

於是啲物理學家就將時間比喻成一個箭嘴噉，永遠淨係會指去一個方向。

睇埋

• 熵（熱力學）
• 時覺