時間

時間（粵拼：si4 gaan3）係鐘報嘅時分秒，又或時間係長短。時間係哲學，藝術，詩同科學主要探討嘅範圍。因為咁廣泛，好難有一個共識嘅定義。有啲學者會唔同意時間係可以度。好多科目都係操作上嘅定義，即係用單位來定義時間。

鐘代表時間

科學家同技術員用好多時間去度時間，之後就發展咗天文學。時間對社會學重要，有個人價值同有經濟價值。因為人意識到每日以至成世，時間都係有限。時間單位係將一件事有耐，又或者兩件事之問隔幾耐，變成數字。一啲重覆又重覆嘅事就變成標準時間單位。天上走嘅太陽，月亮嘅盈虧同鐘擺都係時間單位例子。

時間响歷史上同空間有好密切關係，最明顯就係愛因斯坦寫本廣義相對論，裏面講嘅時空。

計時係指量度時間流逝嘅舉動。

時間唔會倒流，而且永遠唔會終止。

相關現象

• 時間膨脹（time dilation）：兩個一樣嘅時鐘，兩者之間嘅相對速度唔等如零，佢哋量度到嘅時間會唔一樣；
• 長度收縮（length contraction）：一個觀察者量度一件同佢相對速度非零嘅物件嘅長度，佢度到嘅長度會同細過件物件嘅真實長度；
• 相對質量（relativistic mass）：一個觀察者量度一件同佢相對速度非零嘅物件嘅質量，佢度到嘅質量會同大過件物件嘅真實質量；
• 質能等價（mass-energy equivalence）：物質同能量本質上係同一樣嘢，$\mathbf {E=mc^{2}}$；
• 宇宙速度極限（universal speed limit）：宇宙入面，物件最大嘅可能速度係光速；

睇埋

• 空間
• 時覺
• 音樂，本質上就係「喺時間當中編排聲」嘅藝術，尤其睇吓節奏。
• 時間之父，時間嘅人格化形象。