木鱉子

木鱉子
科學分類
右示分類唔存在 (改):	Momordiceae
Genus:	苦瓜屬
Species:	木鱉子 M. cochinchinensis
二名法
	Momordica cochinchinensis; (Lour.) Spreng., 1826

木鱉子（學名：Momordica cochinchinensis），係一種葫蘆科苦瓜屬嘅草本植物。

木鱉子係多年生草質藤本，卷鬚同啲葉對生，唔分枝；葉片圓形至闊卵形，通常三深裂，背面生小乳頭狀突起生得好密；夏季開淺黃色花，花單性、雌雄異株，花椗上有苞葉；果實長橢圓形，表面上生好多軟刺，成熟嗰陣呈紅色。

種子扁形似水魚個樣，又似係攞木製成噉，所以得名木鱉子。

大多野生，都有栽培；產於中國廣東、廣西，台灣、越南同埋週邊國家。

使用

嫩葉同果實食得，種子有微量毒性，食嗰陣要除唨佢。果實可以攞嚟同薑、紅棗、雞肉一齊煲湯，味道似香菇雞湯^[1] 。喺越南經常佮糯米同雞肉一齊料理，喺農曆新年同埋婚宴嗰陣攞嚟招待啲客，越南話叫做「xôi gấc」 ^[2] ^[3] 。

中醫上攞佢啲種子入藥，亦叫做土木鱉、殼木鱉，性溫、味苦微甘，有毒，功能消腫、攻毒，主治癰瘡、腫毒、痔瘡等症，多入丸散或外敷。