越南文

南亞語系越語族嘅語種,講喺越南國內同埋出面嘅越僑
(由越南話跳轉過嚟)

越南文粵拼jyut6 naam4 man4*2越南文tiếng Việt㗂越),又叫做京語ging1 jyu5tiếng Kinh㗂京),係越南京族嘅話。越南話同廣東話一樣,都係聲調語言分析語。主要文法同廣東話差唔多,主要唔同係,越南話修飾詞習慣擺喺名詞同動詞嘅後便,同國語相反。語言學分類上,越南話劃入南亞語系孟-高棉語族,呢種劃分係家下學術界嘅主流意見。學界曾經以爲越南文屬漢藏語系,而喺1954年安德烈-佐治·柯德希古法文André-Georges Haudricourt證明咗越南文聲調系統係反映原始南亞語英文Proto-Austroasiatic language嘅尾輔音,所以學界基本上確認越南文係南亞語系嘅語言。

越南文化
系列文章
順化古城
順化古城
越南文化介紹

越南地方文化
   西北文化
   東北文化
   北部平原
   中北部文化
   中南部文化
   西原文化
   東南部文化
   西南部文化

聲韻 編輯

內文:越南話聲韻

越南話似廣東話,一個一個音節。亦都同廣東話一樣有 -p -t -k -m -n -ng 呢六種韻尾(對應越南文拼寫:-p -t -c -m -n -ng),另外重多出-nh -ch 呢對韻尾,聲調格局為六聲,按漢藏語言習慣可以分成八調(標準廣東話就六聲九調)。啲字音方面,越南話同廣東話好似,同史上兩種話間影響有關。

文法 編輯

基本文法係SVO型,文法上修飾動詞嘅成份,要擺喺動詞後邊,呢幾點同廣東話一樣。當中文法特點,係形容詞習慣擺喺,要修飾嘅名詞後邊,就好似廣東話入面嘅「椰青」、「豆腐膶」、「雞公」噉。廣東話反轉過嚟「紅花」、「白菜」都得,越南話就較少,除非係外來詞同漢越詞。所以喺越南話入面,「越南話」習慣掉返轉嚟講,「話越南」(tiếng Việt Nam㗂越南)。

指示詞 編輯

內文:指示詞#越南語

指示詞越南語比較複雜,分成近指、遠指、更遠指,指示代詞、指示形容詞有分別,搭配到嘸同時間地點嘅詞都有嘸同規律。

文法助詞 編輯

越南語係分析語,動詞時體貌之類靠助詞表達。

喃字 國語字 對應粵字 用法
判定謂詞 làp/là 「係」 指明係乜嘢
否定詞 không 「唔」「冇」 否定
否定詞 chẳng 「唔」「冇」 否定
否定詞 𣗓 chưa 「未」 對完成體否定
疑問引詞 (冇對應,對應閩南語「敢」、吳語「阿」) 鬭謂詞前變提問句,跟「..空?」佮埋使,相當於「係..冇」
疑問代詞(人) ai 「乜人」「邊位」「伆(合音)」 對人提問
疑問代詞(嘢) 「乜嘢」「咩(合音)」 對嘢提問
疑問埞詞 đâu 「邊度」「邊(慳音)」 對埞提問
強調詞 𣎏 「有」 1.本意「有」,鬭到「𣎏」之外動詞前做強調;
2.孻尾加「空」時提問句字,相當於「有..冇」
完整體助詞 đã 「-唨」「已經」 表示單一完整動作,一般肯跟「耒」佮埋使;鬭動詞前
完成體助詞 rồi 「喇」 表示完成出效果嘅動作;褦到句屘
否定詞 không 「唔」「冇」 是否/有冇問句句尾詞,相當於「……冇?」「……唔啊?」
完成體問詞 𣗓 chưa 「..未?」 對完成體提問;褦到句屘
進行體助詞 đang 「-緊」「喺度」 表示進行緊嘅動作;鬭動詞前
未來 𠱊 sẽ 「會-」 表示將來嘅動作;鬭動詞前
近未來 sắp 「就-」「就唻」 表示就唻發生嘅動作;鬭動詞前
近過去 𣃣 vừa 「啱-」 表示啱先發生嘅動作;鬭動詞前
慣常體助詞 𫨩 hay 「-開」 表示經常發生嘅動作;鬭動詞前;本義係「知到」「學到」
先行態助詞 𡤔 mới 「-先-」「-正-」 表示前動作喺先,再接後動作;本義係「新」

書寫 編輯

內文:越南國語字漢喃

以前越南文一路用漢字寫,加啲自己創制嘅字,叫做喃字chữ Nôm𡨸喃),夾雜喺傳統漢字中間,就同而家嘅廣東話書寫情況差唔多。後尾法國人殖民越南,為咗排斥中國對越南嘅傳統影響,割裂越南同中國嘅歷史文化聯繫,啲法國傳教士創制咗拉丁字母嘅越南文,由殖民當局同傀儡政權推廣,同時限制漢字同文言文行文,令到傳統漢字書寫方式式微。20世紀中期之後,越南當局推行法國傳教士創制嘅拉丁字母越南文,到越共上臺後正式廢止咗漢喃。而家喺越南嘅寺廟同舊皇宮先至睇得到漢字。非常之有意思嘅現象係,越南人同中國人一樣過年貼對紙。以前用漢字嗰陣,用漢字寫對聯,書法亦都用毛筆,廢止漢字之後,有啲人就用圈嚟代替漢字,喺門口兩邊各貼一張紅紙畫好多個圈代替漢字;亦有人用拉丁字母嘅越南文嚟寫對聯,睇落去極之騎呢,但而家演化出國語字書法,即係將拉丁字組裝成方塊字嘅形式,類似於諺文噉。

方言 編輯

內文:越南話方言

越南話嘅方言情況較廣東話簡單,分南、中、北三隻。南部方言代表係西貢話,中部方言代表係順化話乂安話,北部方言代表係河內話