全國「雙百」評選

全國「雙百」人物評選係一次喺2009年搞嘅評選活動，目的係嚟慶祝中華人民共和國成立嘅60周年。呢次活動係由中共入面嘅總共11個團體負責包辦。

評選準則

根據主辦單位，「100位為新中國成立作出突出貢獻嘅英雄模範人物」嘅標準係：「為咗民族獨立同人民解放英勇犧牲，值得永遠銘記嘅革命先烈；為咗黨同人民嘅事業不懈奮鬥嘅基層優秀共產黨員、戰鬥英雄同革命群眾嘅傑出代表；堅決擁護同支持革命事業，積極從事進步活動嘅著名民主愛國人士同國際友人；响全民族抗戰期間頑強嘅奮戰、為國捐軀嘅愛國將士」。名單入面嘅人，都會係由中國共產黨誕生到中華人民共和國成立期間做過啲大事，即係1921年到1949年呢28年。

至於「100位新中國成立以嚟感動中國人物」，佢嘅標準就係：「堅決貫徹落實黨嘅路線方針政策，堅定理想信念，記實黨嘅宗旨，廉潔奉公，一心為民嘅基層優秀黨員幹部；為國家發展、民族振興、社會和諧、人民幸福作出重大貢獻嘅各行各業傑出代表；响平凡崗位入面做出唔平凡嘅業績嘅工人、農民、知識分子同解放軍官兵、青年學生同埋其他先進典型」。名單入面嘅人，就係自從中華人民共和國喺1949年成立以嚟，做過啲大事嘅人。

候選人提名

全國「雙百」人物嘅評選活動，係由2009年5月中開始。國家嘅唔同地區同唔同部門都好重視佢，所以亦都精心咁組織。主辦單位亦都通過唔同嘅大眾媒體嚟收納普羅大眾嘅提名，其中包括用寫信、互聯網嘅社交媒體、打電話、同手機嘅短信等等嘅方法。

評選嘅委員會喺經過評議之後，正式宣佈有300個人正式成為咗評選之中嘅候選人。

投票

喺2009年7月20號，主辦單位公佈全國「雙百」評選嘅候選人。由呢日到8月10號期間，中華人民共和國嘅唔同人都可以用報紙或者手機嚟投票，揀佢哋心目中最鍾意嘅候選人。主辦單位亦都提供咗監督電話，嚟確保個選舉係公正。

喺20日嘅投票時間裏面，投票嘅人數有差唔多1億。經過唔同部門嘅審核同埋委員會專家都投埋票之後，啲結果最終喺9月10號推出。

評選結果

下面係評選嘅贏家一覽：

英雄模範

基於個姓氏嘅筆劃排序，「100位為新中國成立作出突出貢獻嘅英雄模範人物」嘅名單係：八女投江、于化虎、小葉丹、馬本齋、馬立訓、方志敏、毛澤民、毛澤覃、王爾琢、王盡美、王克勤、王若飛、鄧萍、鄧中夏、鄧恩銘、韋拔群、馮平、盧德銘、葉挺、葉成煥、左權、白求恩、任常倫、關向應、劉老莊連、劉伯堅、劉志丹、劉胡蘭、吉鴻昌、向警予、尋淮洲、戎冠秀、朱瑞、江上青、江竹筠、許繼慎、阮嘯仙、何叔衡、佟麟閣、吳運鐸、吳煥先、張太雷、張自忠、張學良、張思德、曠繼勳、李白、李林、李大釗、李公樸、李兆麟、李碩勳、楊殷、楊子榮、楊開慧、楊虎城、楊靖宇、楊闇公、蕭楚女、蘇兆征、鄒韜奮、陳延年、陳樹湘、陳嘉庚、陳潭秋、冼星海、周文雍同陳鐵軍夫婦、周逸群、明德英、林祥謙、羅亦農、羅忠毅、羅炳輝、鄭律成、惲代英、段德昌、賀英、趙一曼、趙世炎、趙尚志、趙博生、趙登禹、聞一多、埃德加·斯諾、夏明翰、格里戈里·庫里申科、狼牙山五壯士、聶耳、郭俊卿、錢壯飛、黃公略、彭湃、彭雪楓、董存瑞、董振堂、謝子長、魯迅、蔡和森、戴安瀾、瞿秋白

感動中國

基於個姓氏嘅筆劃排序，「100位新中國成立以嚟感動中國人物」嘅名單係：丁曉兵、馬萬水、馬永順、馬恆昌、馬海德、中國女排五連冠群體、孔祥瑞、孔繁森、文花枝、方永剛、方紅霄、毛岸英、王杰、王選、王瑛、王樂義、王有德、王啟民、王進喜、王順友、鄧平壽、鄧建軍、鄧稼先、叢飛、包起帆、史光柱、史來賀、葉欣、甘遠志、申紀蘭、白芳禮、任長霞、劉文學、劉英俊、華羅庚、向秀麗、廷·巴特爾、許振超、達吾提·阿西木、邢燕子、吳大觀、吳仁寶、吳天祥、吳金印、吳登雲、宋魚水、張華、張雲泉、張秉貴、張海迪、時傳祥、李四光、李春燕、李桂林同陸建芬夫婦、李素芝、李夢桃、李登海、楊利偉、楊懷遠、楊根思、蘇寧、谷文昌、邰麗華、邱少雲、邱光華、邱娥國、陳景潤、麥賢得、孟泰、孟二冬、林浩、林巧稚、林秀貞、歐陽海、羅映珍、羅健夫、羅盛教、草原英雄小姐妹、趙夢桃、鍾南山、唐山十三農民、容國團、徐虎、秦文貴、袁隆平、錢學森、常香玉、黃繼光、彭加木、焦裕祿、蔣築英、謝延信、韓素雲、竇鐵成、賴寧、雷鋒、譚彦、譚千秋、譚竹青、樊錦詩

註

攷