李百全
呢篇文側重咗喺部分見解、事件或爭議。 |
李百全（英文：Patrick Li Pak-chuen，1968年—）係香港官員，2021年3月起做廣播處長。
| 李百全 Patrick Li Pak Chuen | |
|---|---|
.png) 2021年3月1號，廣播處長李百全喺香港電台廣播大廈正門外面履新 | |
 香港電台廣播處長 | |
現任 | |
| 就任日期 2021年3月1號 | |
| 前任 | 梁家榮 |
| 個人資料 | |
| 出世 | 1968年（55–56歲）.svg){kind=small} 英屬香港 |
1990年8月，李百全加入香港政府政務職系。2019年4月晉升為首長級乙一級政務官。
2009年9月至2013年6月，佢做公務及司法人員薪俸及服務條件諮詢委員會聯合秘書處秘書長。2013年7月至2017年7月做民政事務總署副署長。2017年7月起做民政事務局副秘書長。[1]
爭議
編輯喺李百全上任香港電台台長之後，香港電台陷入咗好多關於編輯自主嘅爭議。民主派以及一啲溫和建制派嘅言論都試過畀人抽起或者過濾。
3月4號，李百全同港台各部門主管召開編輯會議，其中《鏗鏘集》、《視點31》同《香港故事》等重點節目被特別點名，要求之後播放嘅集數要經佢個人事先睇過，先可以對外廣播。其中《香港故事》嗰星期嘅受訪者、樂隊LMF歌曲夾雜住好多粗言穢語，佢認為「唔decent（唔體面）」，有「極端政治取態」，反問「點解唔揾另一種聲音」。佢明言，若果節目無法通過佢嘅公正測試，將無法廣播[3][4]。結果，李百全臨時抽起原定喺3月7號播出嘅《香港故事》，理由係指嘉賓主持、作家蔣曉薇曾經喺節目提到個人對反修例事件嘅睇法[5]。
3月11號，李百全又再抽起原定喺當晚8點播出嘅《議事論事》，臨時改為重播行政長官卓越教學獎得主嘅舊節目《卓越教室》。節目網頁存檔顯示，當晚嘅節目會談及全國人民代表大會修改香港選舉制度，由港台記者陳月慧任主持，立法會主席曾鈺成喺「政事溫度計」環節中採訪前立法會議員李華明、國際政治學者袁彌昌，另外民主黨前主席劉慧卿亦會接受專訪，而喺同月18號播出嘅節目預告亦未見顯示[6]。據指，李百全喺節目播出前半個鐘決定抽起，並多次出通告，警告員工唔可以對外透露機密資訊，否則會視為違反《官方機密條例》或者《節目製作人員守則》[7]。
3月17號，李百全抽起咗《卓越教室》、《環顧日常》、《聽出好戲勢》同《香港故事—幸福的繞道》四個節目，其中《卓越教室》由車牌查冊被控嘅港台編導蔡玉玲任編導，《環顧日常》有黃店「渣哥」老闆娘譚小環出鏡，《幸福的繞道》訪問民主派初選案被捕人李芝融，以及因蠔涌爆炸品案被判入獄3年10個月嘅彭艾烈，《聽出好戲勢》由親民主派藝人黃秋生旁白[8][9]。
原定喺3月29號播放嘅《鏗鏘集》節目《青春的一場修煉》被抽起，呢個節目探討反修例事件之後，八間資助大學只有香港理工大學學生會內閣當選並運作為嘅「斷莊」現象，受訪者包括香港中文大學學生會當選內閣「朔夜」、香港理工大學學生會成員、中文大學校董劉國勳同立法會教育事務委員會成員容海恩[10]。原定喺4月5號播放嘅《鏗鏘集》經過李百全睇過後亦不獲通過，或會被抽起。嗰集內容訪問前有線新聞中國組「過檔」眾新聞後嘅傳媒生存空間，內容無觸及各個傳媒政治光譜等議題。同樣由《鏗鏘集》團隊負責製作嘅《鏗鏘說》，主持蘇玉華被指「太黃」，遭到替換，改為民建聯兼中國聯合國協會理事林琳接任[11]。計劃4月2號播出嘅《鏗鏘說》同4月5號播出嘅《鏗鏘集》轉交綜合節目組和文教及康體組（原教育電視組）負責，但係同時未暫定原負責團隊公共事務組嘅工作，換言之兩個節目喺港台內部會有兩個製作版本[12]。另外，李百全計劃日後若果《鏗鏘集》同《鏗鏘說》唔符合要求，負責嘅製作人員將會被調查係咪涉及失職，甚至被追討製作費[13]。
審查憂慮同反對《港區國安法》嘅意見
編輯5月21號，香港電台播出時政節目《議事論事》，自由黨榮譽主席田北俊提及美國商會喺5月嘅調查，指商界憂慮《港區國安法》撤走嘅部分，被港台聲稱唔中立刪走。當時田北俊提及商界嘅憂慮，受訪嘅在港美國會員入面，超過4成計劃離開香港。田北俊又談及47名民主派初選案被告，保釋一度全部被拒。之後田北俊傳媒查詢嘅時候，表明唔樂見內容被刪走，港台工會批評高層編委會，多次無視同事意見同編輯決定，踐踏團隊專業製作，而之前接受訪問之後被審查，最後訪問被抽起嘅袁彌昌亦指，田北俊陳述事實都唔得，而田北俊已是「安全系數」好高嘅親中派人物都俾人禁言，反映批評「國安法」是港台紅線[14]。
參考
編輯- ↑ 1.0 1.1 〈高層官員任命（附圖）〉。www.info.gov.hk。喺2021-03-11搵到。
- ↑ 〈空降廣播處長李百全要求過目《鏗鏘集》《視點31》等節目 斥訪問 LMF 樂隊「唔 decent」 | 立場報道 | 立場新聞〉。《立場新聞 Stand News》 (英文)。原著喺2021-03-12歸檔。喺2021-03-11搵到。
- ↑ 〈空降廣播處長李百全要求過目《鏗鏘集》《視點31》等節目 斥訪問 LMF 樂隊「唔 decent」〉。《立場新聞》。2021-03-04。原著喺2021-03-12歸檔。喺2021-03-13搵到。
- ↑ 〈港台擬訪問粗口樂隊 傳李百全要求節目出街前須經過目審批〉。《東網》。2021-03-04。喺2021-03-13搵到。
- ↑ 〈《香港故事》一集抽起 員工：涉嘉賓提反修例心情〉。《明報》。2021-03-09。喺2021-03-13搵到。
- ↑ 〈《議事論事》談改選舉制度「全面控制」 李百全再出刀抽起〉。《蘋果日報 (香港)》。2021-03-12。原著喺2021-03-11歸檔。喺2021-03-13搵到。
- ↑ 〈《議事論事》被抽起 多名港台員工封口不提 消息：廣播處長曾警告不能對外透露「機密」〉。《眾新聞》。2021-03-11。原著喺2021-04-17歸檔。喺2021-03-13搵到。
- ↑ 〈消息指李百全再抽最少四集節目 包括蔡玉玲編導《卓越教室》 譚小環參演《環顧日常》〉。《立場新聞》。2021-03-17。原著喺2021-03-18歸檔。喺2021-03-28搵到。
- ↑ 〈新處長突抽走黃秋生旁白節目及譚小環短劇 腰斬多2集《香港故事》〉。《蘋果日報》。2021-03-18。原著喺2021-03-17歸檔。喺2021-03-28搵到。
- ↑ 〈今晚播出《鏗鏘集》被抽起 內容涉大學學生會斷莊 - RTHK〉。《香港電台》。2021-03-29。喺2021-03-29搵到。
- ↑ 〈處長李百全DQ蘇玉華嫌「太黃」換民建聯林琳主持《鏗鏘說》 閹埋《鏗鏘集》換監製〉。《蘋果日報》。2021-03-25。原著喺2021-03-25歸檔。喺2021-03-28搵到。
- ↑ 〈消息：《鏗鏘集》等節目如未能過關被抽起 管理層擬懲罰編採團隊賠製作費〉。《立場新聞》。2021-03-27。原著喺2021-03-27歸檔。喺2021-03-28搵到。
- ↑ 〈港台鏗鏘集屢惹是非 傳製作人員失職將被追討製作費〉。《東網》。2021-03-27。喺2021-03-28搵到。
- ↑ 〈【整頓港台】《議事論事》談商界憂「國安法」被刪 田北俊：港台高層沒知會我〉。Radio Free Asia (英文)。喺2021-05-26搵到。
