民政事務總署

民政事務總署,簡稱民政總署民政署,係香港政府部門,屬民政事務局旗下,負責促進政府同市民間溝通,協助發展地方行政,包括搞新界村代表選舉

喺民政事務總署成立前,香港官、民之間並冇適當溝通途徑,以致產生好似六七暴動噉嘅事。六七暴動後,港府喺1968年5月倣效喺新界行咗多年嘅理民府(District Office)、主管為理民官(District Officer)制度,喺市區開始推行民政署(City District Office),主管係民政主任(City District Officer)嘅制度,以提供資源協助各社區解決地方問題以及主動搜集居民意見,向政府匯報。1982年地方行政計劃實行,兩套制度二合為一,改叫政務處(District Office),主管為政務專員(District Officer),並由政務總署(City and New Territories Administration)統籌,屬下有港九政務署同埋新界政務署,主權移交後再改叫民政事務總署。

今日,香港特區政府同市民之間嘅溝通有多方面嘅專有渠道,包括政府效率促進組、各區議會申訴專員公署平等機會委員會個人資料私隱專員公署強制性公積金計劃管理局獨立監察警方處理投訴委員會、金融糾紛調解中心同埋香港存款保障委員會等。

歷任署長

政務總署署長
民政事務總署署長

爭議

香港民主派-民政處矛盾爭議

內文:香港民主派-民政處矛盾爭議

2020年起,好多民主派議員都表示佢哋嘅地區工作遭受民政事務總署打壓,或者喺唔同問題,被民政署刻意矮化。民政署曾經發表聲明反駁,但亦被民主派反駁,到依家都未有解決。[4][5]

參考

  1. "政府公布高層官員任命". 政府新聞處. 2000-02-29. 原著喺2016-04-02歸檔. 喺2016-03-18搵到. Unknown parameter |dead-url= ignored (help)
  2. "梁寶榮和李麗娟退休". 政府新聞處. 2005-09-06. 原著喺2016-03-04歸檔. 喺2016-03-18搵到. Unknown parameter |dead-url= ignored (help)
  3. "高層官員任命(附圖)". 政府新聞處. 2016-03-17. 原著喺2016-03-23歸檔. 喺2016-03-18搵到. Unknown parameter |dead-url= ignored (help)
  4. 翟睿敏 (2020-11-10). "沙田區議會會議室突消失 變「民政處會議室」 民主派斥矮化". 香港01 (中文). 喺2020-12-22搵到.
  5. "民政指向地區發 1,700 萬口罩 多區區議會稱從未收到 黃偉賢:政府事事政治化 | 立場報道 | 立場新聞". 立場新聞 Stand News (英文). 喺2020-12-22搵到.