容海恩英文Eunice Yung Hoi Yan1977年6月7號—),花名「容E」、「海恩BB」,自號「法律界桂綸鎂」,新民黨副主席、公民力量成員,香港立法會第六屆議員,亦係執業大律師。

容海恩
不要將《逃犯條例》修法草案直接送交立法會大會.jpg
出生日1977年6月7號 喺Wikidata改呢個 (43歲)
出生地香港 喺Wikidata改呢個
國籍中華人民共和國 喺Wikidata改呢個
母校卑詩大學香港城市大學 喺Wikidata改呢個
職業政治人 喺Wikidata改呢個
政黨新民黨 喺Wikidata改呢個
配偶Derek Yuen 喺Wikidata改呢個

佢本嚟係加拿大卑詩大學主修電腦系,畢業後返香港城市大學讀法律。

2015年12月,容海恩創辦香港青年專業網絡,並成為青專網創會主席[1]。2016年初,容海恩喺新民黨主席葉劉淑儀邀請下正式入黨[2],正式代表新民黨、公民力量,並夥拍譚領律等其餘六人喺第6屆香港立法會選舉出戰新界東選區地區直選[3][4],雖然佢喺選舉論壇期間嘅表現令人失望,令到親泛民嘅媒體恥笑佢係「西環契女」、「契妹恩」,不過,佢喺葉劉淑儀嘅大力支持下,結果排名單頭位嘅佢,以36,183票順利當選,被稱為「輸在起跑線,贏在終點線」嘅最佳例子。

濕碎嘢

容海恩除咗係新民黨、公民力量嘅義務法律顧問、銀河管樂團主席之外,亦有「法律界桂綸鎂」稱號,不過好多網民就話佢似馬海倫,但佢自稱貌似吳綺莉[5]

除此之外,佢亦係文武全才,除咗鍾意唱歌[6]之外,重識吹小號[7]及彈鋼琴,此外有習武嘅習慣,學過跆拳道同埋龍拳[8][9]

此外,佢亦喺E周刊都市日報寫專欄,分別係「恩為有理」、「海恩大狀」。

得意嘢

  • 容海恩同屋企人都係屬於親中共人士,尤其佢老豆做過中國國企華潤嘅高層,但係老公袁彌昌屋企就多數係反共人士,老爺袁弓夷同姑仔袁彌明都有投身政治運動。
  • 2020年,容海恩因為得唔到葉劉淑儀同中聯辦支持,冇得繼續連任。後來佢有現身支持初選時期嘅對手李梓敬。網民就摷返4年前新界東選舉論壇嘅片段,容海恩曾經形容李梓敬冇義氣,又話佢「食碗面,反碗底」。
  • 容海恩喺四年任期內兩次大肚,係香港史上第一個做緊議員嗰陣大肚嘅議員。

曾擔任公職

  • 香港青年專業網絡主席
  • 海上絲綢之路協會-青年機遇委員會副主席
  • 香港專業及資深行政人員協會理事

參考

  1. 「法律界桂綸鎂」搞青專網 群星拱照
  2. 中環出更:「容」入新民黨 葉劉高興
  3. 大狀容海恩加入新民黨
  4. 政情:葉劉選「鎂」戰新東
  5. 中環出更:容海恩:唔似桂綸鎂 我似吳綺莉
  6. 【立會選舉】容海恩眼鏡Look唱《情非得已》 網民熱評歌藝
  7. 政情:容海恩學吹小號 改變人生
  8. "容海恩:葉劉勝任特首". 原著喺2016年8月5號歸檔. 喺2016年7月8號搵到.
  9. 女神愛蒲網吧 喻參選如打機 容海恩:「輸咗再嚟過!」

出面網頁