杜卜勒效應

杜卜勒效應（英文：Doppler effect）又叫多普勒效應，係波源同觀察者有相對嘅郁動嗰陣，觀察者接受到波嘅頻率同波源發出嘅頻率唔一樣嘅現象。呢一個現象最初係由奧地利物理學家杜卜勒喺1842年提出來嘅。荷蘭化學家Buys Ballot喺1845年畀一隊喇叭手企喺一架喺荷蘭烏德勒支附近駛過嚟嘅敞篷火車上面吹喇叭，佢喺月臺上面測到音調的改變，確認咗呢個現象。

天鵝周圍水流嘅杜卜勒效應

杜卜勒效應動畫。紅色嘅圓圈代表聲波，由上圖可以睇得出，隨住架車（聲波嘅源頭）郁動，會令到啲聲波由左邊聽起嚟頻率高咗，又會令啲聲波由右邊聽起嚟頻率低咗。