開主選單
林大輝

林大輝SBSBBSJPLam Tai Fai1959年11月22號—),香港政治人商人,為太平紳士。香港出世,祖籍廣東潮州紡織業出身。佢做過香港立法會議員,兼且係全國政協委員同埋河南省政協常委。

目錄

簡歷

出身

林大輝喺元朗屏山村大,喺上水鳳溪第一中學畢業,1981年完成香港理工學院紡織工藝學,就加入半島針織集團做練習生,十年之間升做集團董事總經理。2007年離開咗半島針織集團,全職投身政界。

從政

2007年,獲委任做沙田區議會議員。

2008年競逐第4屆香港立法會選舉工業界(第二)功能界別議員並當選。2012年再自動當選連任,並出任為教育事務委員會主席。

公職

佢出任過唔少紡織業同時裝業公職,有時裝業發展統籌委員會督導委員、工業貿易署紡織業諮詢委員、職業訓練局轄下紡織及製衣業訓練委員會副主席、香港知專設計學院顧問委員會委員等。另曾任創新科技署創新及科技基金評審委員會委員。

亦有做唔少政府公職,好似製衣業訓練局主席、監警會副主席等等,幫政府手制定政策同推行措施。

本地商會同社團職務亦有,有香港中華廠商聯合會副會長、香港紡織業聯會副會長、香港紡織商會常務副會長、香港羊毛化纖針織業廠商會會長、香港紡織及服裝學會會長、香港青年工業家協會副會長、新界潮人總會副主席、「香港潮屬社團總會副主席、香港童軍總會副會長等等。

教育

2004年,佢以林大輝慈善基金,喺沙田創辦一間直資英文中學林大輝中學,出任校監兼校董會主席。

佢亦時時幫助中國教育,資助過中國大專學院嘅時裝設計系嘅先生來港深造。2002年,幫鄭州中原工學院,創辦亞太國際學院,培養時裝設計人才,以達致世界水平。2006年喺捐建飛揚小學教育工程,現時喺河南青海雲南湖北等地方已興建咗近三十間小學。

大學同專上教育方面,有同香港各院校聯繫,尤其係母校香港理工大學。2000年,幫手開科時裝及紡織品設計,係全日制碩士課程。之後佢出任香港理工大學校董會,由成員,做到副主席,2019年1月1號做到主席。又係顧問委員會成員同理大校友會聯會副主席等。2001年佢選為傑出理大校友。2015年,香港理工大學以校內地方,命名林大輝廣場。

香港浸會大學諮議會,佢係榮譽成員。香港教育大學校長諮詢小組,佢又係成員。2016年,幫手香港教育學院改名為香港教育大學。2016年香港恆生管理學院,即家下香港恆生大學,將個鐘樓命名為林大輝鐘樓。

體育

足球方面,1990年代,佢曾經做過流浪同埋愉園班主,兩者都係香港甲組足球聯賽球隊,攞過好多冠軍。2007年8月至到2011年,又做過沙田足球隊班主,帶球隊由丙組一直升上去甲組,參加2009-10年度甲組聯賽。

佢係香港手球總會會長及董事會主席,係2008北京奧運120名香港火炬手之一,亦係香港2009東亞運動會嘅大力支持者之一。另外,2009-2015年佢出任香港體育學院董事,2017年4月1號開始出任香港體育學院主席,主力香港精英體育培訓。家陣係香港特別行政區體育委員會成員、體育委員會委員、大型體育活動事務委員會委員。

榮譽

2000年獲香港青年工業家獎、2000年同2004年分別獲香港理工大學頒發大學院士同工商管理榮譽博士學位、2005年獲香港特區政府委任做太平紳士、2006年同2012年分別獲頒銅紫荊星章銀紫荊星章

名下賽馬

佢名下馬匹都係用「繼續」、「奇妙」嚟命名,包括繼續加速、繼續勝利、極奇妙、確奇妙、好奇妙、更奇妙、真奇妙、太奇妙、超奇妙、小奇妙。

2010年,極奇妙贏咗香港賽馬史上第一場由華人練馬師訓練、華人騎師策騎、華人馬主所勝出嘅海外一級賽。