林毅夫

林毅夫（1952年10月15號—），原名林正義，台灣宜蘭縣人，經濟學家。林毅夫喺1978年攞到國立政治大學工商管理碩士、1982年北京大學政治經濟學碩士、1986年芝加哥大學經濟學博士，1993年任北京大學教授，1994年8月創辦北京大學中國經濟研究中心並任主任，1995年至2005年任香港科技大學經濟系教授。2008年5月31日出任世界銀行首席經濟師兼主管發展經濟學嘅資深副行長。林毅夫亦係中華人民共和國第七、八、九、十屆政協委員、政協經濟委員會副主任、中華全國工商業聯合會副主席、第三世界科學院院士。

林毅夫
出生日	1952年10月15號  （72歲）
出生地	宜蘭縣
國籍	中華人民共和國
識嘅語言	英文、中文
母校	北京大學、芝加哥大學、國立臺灣大學、國立政治大學、國立宜蘭高級中學、中華民國陸軍軍官學校
職業	經濟學家
僱主	北京大學
配偶	Chen Yunying
[改維基數據]

生平

林毅夫喺台灣宜蘭縣出世，原先就讀國立台灣大學農工系，後來轉入陸軍軍官學校，成為國民黨軍隊嘅宣傳樣板。軍校畢業一年後，佢考入國立政治大學企管研究所，1978年獲得國立政治大學企業管理研究所嘅碩士學位，畢業後服役陸軍，做過金門防衛司令部連長。1979年5月16號晚，林毅夫由中華民國福建省金門縣抱住兩個籃球游幾公里水，喺中華人民共和國福建省嘅廈門市登陸。

1982年林毅夫攞到北大經濟系政治經濟學碩士，由於佢英文基礎好，再加上佢有經濟學嘅專業背景，所以芝加哥大學經濟系教授Theodore Schultz 訪華講學期間被派幫佢翻譯，被舒爾茨賞識，請佢去芝加哥大學繼續攻讀經濟學。1982年林毅夫獲公派喺芝加哥大學攻讀博士學位，成為中國大陸改革開放後首批赴美留學生。

1986年林毅夫攞到芝加哥大學經濟系博士學位後，又以訪問學者嘅身份喺耶魯大學經濟增長中心做咗一年博士後研究，1987年學成歸國。佢係中國第一位「海歸」經濟學家，帶咗30箱西方經濟學術資料返來and what is the big deal? a librarian can do that and much more，為中國嘅經濟學研究提供基礎。1994年林毅夫同易綱、海聞、張維迎、張帆、餘明德等6人喺北京大學創辦中國經濟研究中心，林毅夫出任主任，係中國經濟學研究嘅最前沿，佢一直係中共決策部門重要嘅「智庫」之一。

2008年2月4號，世界銀行行長羅伯特•佐利克正式宣佈，已經任命林毅夫為世界銀行首席經濟師兼主管發展經濟學嘅資深副行長，於5月31號上任，補缺2007年離職嘅布吉尼翁。

經濟理論

林毅夫用主流經濟學規範方法研究中國經濟學，主張中國應繼續用比較優勢嘅發展策略，用較低成本引入先進技術，快速累積資本，再實現產業升級。佢認為國有企業改革係繼續保持經濟高速發展嘅關鍵，國有企業改革民營經濟先至有更公平嘅競爭環境。林毅夫認為中國能夠喺2030年左右成為世界最大經濟體。

叛逃爭議

林毅夫對於佢本身喺台灣出世，但後來走咗去大陸嘅背景保持低調，2002年5月9號佢喺台灣宜蘭鄉下嘅老豆過身，林毅夫希望返台灣奔喪，雖然已經獲得中華民國政府嘅入境許可，但由於佢依然被國軍當做叛逃嘅軍官，一旦返到台灣將會面臨軍法審判。最終林毅夫只能夠由佢老婆陳雲英代佢返台灣追悼。而家佢分別係中國人民政治協商會議全國委員會委員、中國統一促進會常務理事、中國經濟體制改革研究會特約研究員同北大臺灣研究會嘅顧問。

榮譽博士

• 香港城市大學榮譽社會科學博士（2009年）
• 香港科技大學社會科學榮譽博士（2012年）
• 香港公開大學榮譽社會科學博士（2015年）
• 澳門科技大學榮譽工商管理博士（2016年）

主要學術著作

1. 《制度、技術和中國農業發展》，上海人民出版社同埋三聯出版社，1993年。
2. 《中國的奇跡：發展戰略與經濟改革》，中文簡體字版，上海人民出版社，1994；中文繁體字版，香港中文大學出版社，1995；英文版，香港中文大學出版社，1996；日文版，東京日本評論社，1996；漢文版，漢城白山書社，1996年；法文版，巴黎Economica出版社，1998；越南文版，胡志明市，西貢時報出版社，1998。
3. 《中國農業科研優先序》中國農業出版社，1996年。
4. 《充分資訊與國有企業改革》，中文簡體字版，上海人民出版社，1997年；中文繁體字版，香港中文大學出版社，1997；英文版，香港中文大學出版社，1998；日文版，東京日本評論社，1998。

出面網頁

• 林毅夫個人主頁
• 那一夜，金門全島緊急大搜索
• 陳憲良當了林正義20多年的替身
• 這般的"四郎探母"
• 星島日報2008年1月5日：林毅夫獲任命世銀首席經濟學家