菓洲

菓洲（Kwo Chau、Kwo Chow、Wochow），又寫果洲同九針（Ninepin），或寫加字尾菓洲羣島（Gwo Chau Islands）、九針羣島（Ninepin Islands；Ninepin Group）等，係香港一羣島，零星散於香港東南海上。橫過海面，西向到佛堂洲，北行到火石洲，西北到清水灣。船由蒲台東北行過菓洲，就向入大鵬灣，或過專洲、沱濘，係香港、廣東海道。行政上，菓洲歸入西貢區。

中間嘅就係果洲群島，右邊係青洲

菓洲有分三組，東菓洲（East Ninepin）、南菓洲（South Ninepin）同北菓洲（North Ninepin）。東一組離南北兩組稍遠。東菓洲有三島，薯茛洲、短洲仔同龍船排。南菓洲有多啲島，主要有大洲、大洲尾、山嶺角，亦有唔少無名島。北菓洲係細洲、細洲尾、殻仔排。

菓洲嘅六角柱石。圖爲北菓洲。

菓洲曾經係糧船灣超級火山一部分，不過巨頂早已消散，蝕到海面之下。菓洲面對南海大風大浪，長年風浪侵蝕，生出奇岩異洞，因遊人所喜愛。不過若非好天浪靜，係船艇難以登岸。

文

唐字菓洲，來自菓盤洲，皆因佢遠睇似浮喺東海嘅菓盤。《粵大記》圖中亦有說爲銀瓶菓。早期電腦缺菓字，亦打成果洲。

九樽保齡

英文ninepin，係指洲仔布局，有如九樽保齡球。因師爺不明，就翻成九針，按理係九樽先啱。