想搵其他意思嘅話,請睇格林童話 (搞清楚)

格林童話》(英文Grimms' Fairy Tales,原名係德文Kinder- und Hausmärchen,呢個德文名大致係細路同屋企嘅故仔噉解)係由格林兄弟編嘅德國故仔集,收錄嘅係德國各地嘅民間故仔,1812年出書,原意係學術著作,並唔係童話[1],當中好多都非常無厘頭。

格林兄弟

出名故仔 編輯

睇埋:童話故事
  • 青蛙王子
  • 糖果屋
  • 長髮姑娘[英 1]:故仔嘅女主角係一個頭髮好長嘅女仔(長髮mui1),佢好細個嗰時就畀一個邪惡女巫韞咗喺一座高塔入面;女巫將佢囚禁喺高塔裏面,唔畀佢去外面嘅世界;打後長髮妹巧遇王子,兩個人合力,令到長髮妹得以脫離女巫嘅魔掌;最後長髮妹同王子結婚,大家都開開心心噉生活落去[2]。2012 年嘅迪士尼動畫片《魔髮奇緣》就係取材自呢個故仔嘅。
  • 灰姑娘[英 2]:主角係個生得好靚嘅後生女,佢叫灰姑娘;根據《格林童話》個版本,灰姑娘嘅後抵乸同兩個繼姐虐待佢,當佢係工人噉嚟使;有日,宮廷想搞舞會;本來灰姑娘冇得出席舞會,但係佢得到佢親生阿媽嘅靈魂幫助,著住靚衫同鞋去舞會,仲喺舞會上同王子墮入愛河;灰姑娘冇講佢嘅真正身份畀王子知,但灰姑娘離開舞會嗰陣唔覺意漏低咗隻鞋;後嚟王子靠隻鞋搵返佢,仲娶埋佢做老婆,灰姑娘嗰兩個黑心嘅繼姐亦冇好下場[3]。迪士尼將個故仔改編咗做動畫片《仙履奇緣》。
  • 白雪公主[英 3]主角係一位公主,佢生得好頭髮純黑而且肌膚好似咁白淨,所以個名叫白雪;根據家陣流通嗰個版本,白雪個後抵乸母后妒忌白雪生得靚過佢,所以就逼害白雪,多次嘗試殺害白雪;白雪公主逃離城堡,走入森林受到七個小矮人收留;打後惡毒女皇扮成阿婆請白雪公主食毒蘋果,搞到白雪公主昏迷不醒,不過最後王子嚟到救返醒白雪公主,而惡毒女皇最後亦都冇好收場。自從廿世紀起,《白雪公主》就畀人改編咗做好多唔同嘅影視作品,例如係迪士尼動畫片雪姑七友》噉,而日本嘅著名恐怖漫畫家伊藤潤二就有畫恐怖版嘅《白雪公主》漫畫[4]

曾經收錄 編輯

有啲故仔曾經收錄咗喺《格林童話》入面,但打後畀人攞走咗。

藍鬍鬚》(Bluebeard)就有畀人收錄喺第一版嘅《格林童話》裏面。個故仔有講到連環殺人狂殺咗幾個女人,仲將啲死屍掛咗喺密室入面。啲人嫌個故仔恐怖得滯,所以後嚟冇再收錄佢。

故仔一覽 編輯

 
廿世紀初一幅插圖;幅畫描繪《熊皮佬》。
 
呢幅插圖描繪忠心嘅約翰喺老國王臨死前承諾會用自己條命嚟保護王子。

起源 編輯

内文:格林兄弟

喺 1812 年,德意志學者兼作家格林兄弟(德:Die Brüder Grimm)周圍搜集德意志地區嘅民間故仔,想保育德意志人嘅文化遺產,佢哋搜集返嚟嘅故仔就形成咗《格林童話》。呢個故事集以德文區嘅民間故仔為主,不過亦都收錄咗一啲德文區以外嘅歐洲地區嘅故事[5]

影響 編輯

 
《格林童話》1812年初版封面
睇埋:迪士尼

有多個《格林童話》都有畀人改編做電影,當中迪士尼喺呢方面就好出名,例如

... 呀噉。

睇埋 編輯

歐詞 編輯

  1. 德同:Rapunzel
  2. 德:Aschenputtel;英:Cinderella
  3. 德:Schneewittchen;英:Snow White

編輯

  1. Hernández, Isabel (September 24, 2019). "Brothers Grimm fairy tales were never meant for kids". National Geographic (美國英文). 喺2023年7月14號搵到.
  2. Zipes, Jack (1991). Spells of Enchantment: The Wondrous Fairy Tales of Western Culture. Viking. pp. 794.
  3. Cinderella. Jacob and Wilhelm Grimm,格林兄弟版《灰姑娘》嘅英文版。
  4. 伊藤潤二が独自の視点から「白雪姫」描く読切
  5. Grimm, Jacob and Wilhelm (1884). Grimm's Household Tales: With the Author's Notes. Vol. 1.