梳打包係一種快手容易整嘅麵包，主要用梳打粉，唔用依士，嚟發脹個麵包。主要成份就係麵粉、梳打粉、鹽、同埋牛油奶。牛油奶裏面嘅乳酸令到梳打粉裏頭嘅碳酸氫鈉，放出二氧化碳，變成麵粉糰裏頭嘅泡泡窿。有時仲會加埋牛油，雞蛋，提子乾同埋硬殼果。呢隻包唔似得傳統嘅麵包用好多時間去發脹，快手搞掂。
