元音

元音jyun4 jam1，又叫母音mou5 jam1（香港以前俗稱做響音，不過響音有另一種意思，就係sonorant），係音素嘅一種，同輔音相對。具體定義係：「發音時氣流通道暢通（超聲門部份無任何阻礙形成）、發音器官（包括共鳴器嘅全部腔壁）均衡恁保持緊張並伴有聲帶震動嘅語音」。

元音嘅分類通常依據兩個標準：一、條脷嘅焉部份（前、央、後）向上抬；二、上抬嘅程度。根據唔同需要，上抬程度有兩種計法：三分法同四分法。三分法係指分成閉、中、開三級，而四分法就係指分成閉、中閉、中開、開四級。閉、中、開分別又可以叫高、中、低，但「中」同「央」唔可以溝亂、而「閉元音」亦都唔可以叫「閂元音」。2005年嘅國際音標為咗兼顧唔同語言，用咗七分法，分成閉、近閉、中閉、中、中開、近開、開七級。

語言比較

唔同語言嘅元音特性可以幾唔同。廿世紀尾嘅廣東話有11隻元音，英格蘭話有最少14隻，而標準嘅日本話就得5隻（あいうえお呢五隻元音似粵拼嘅aa、i、u、e、o）。根據2010年代初嘅研究，世上有啲語言得嗰2隻元音，又有啲語言有成14隻咁多。

順帶一提，有研究指「元音數量多嘅語言」似乎傾向集中喺某啲地區，當中「某啲地區」包括華南同東南亞。

睇埋

• 雙元音
• 元音圖

	前				央				後
高／閉	i	y			ɨ	ʉ			ɯ	u
次高／次閉			ɪ	ʏ				ʊ
半高／半閉	e	ø			ɘ	ɵ			ɤ	o
中	e̞／ᴇ	ø̞			ə				ɤ̞	o̞／ω／ꭥ／Ω
半低／半開	ɛ	œ			ɜ	ɞ			ʌ	ɔ
次低／次開	æ				ɐ
低／開	a	ɶ			ᴀ				ɑ	ɒ
同欄嘅母音對係開口／不圓唇同合口／圓唇。括住嘅符號毋標準。