元音

元音（粵拼：jyun4 jam1），又叫母音（粵拼：mou5 jam1）（香港以前俗稱做響音，不過響音有另一種意思，就係 sonorant），係音素嘅一種，同輔音相對。具體定義係：「發音時氣流通道暢通（超聲門部份無任何阻礙形成）、發音器官（包括共鳴器嘅全部腔壁）均衡恁保持緊張並伴有聲帶震動嘅語音」。

元音嘅分類通常依據兩個標準：一、條脷嘅焉部份（前、央、後）向上抬；二、上抬嘅程度。根據唔同需要，上抬程度有兩種計法：三分法同四分法。三分法係指分成閉、中、開三級，而四分法就係指分成閉、中閉、中開、開四級。閉、中、開分別又可以叫高、中、低，但「中」同「央」唔可以溝亂、而「閉元音」亦都唔可以叫「閂元音」。2005年嘅國際音標為咗兼顧唔同語言，用咗七分法，分成閉、近閉、中閉、中、中開、近開、開七級。

以下嘅內容會用到國際音標同粵拼嚟精確噉表達語音。

基礎概念

内文：語音學同固有音響

廿一世紀初粵語音系裡邊嘅元音如下：

		音節核心
		ä	ɐ	ɛː	e	œː	ɵ	ɔː	o	iː	yː	uː
單元音		aa 沙		e 些		oe 鋸		o 疏		i 詩	yu 書	u 夫
雙元音	i [i, y]	aai 嘥	ai 西		ei 非		eoi 衰	oi 鰓				ui 燴
	u	aau 筲	au 收	eu 掉					ou 蘇	iu 燒

廿一世紀初嘅香港粵語嘅單元音元音圖，當中每個元音用 IPA 寫；啲人話要將元音分類，通常都係睇條脷最高嗰點喺前定後（元音圖打橫軸）以及條脷嘅位置有幾接近口腔嘅頂部（元音圖打戙軸）。 廿一世紀初嘅香港粵語嘅單元音元音圖，當中每個元音用 IPA 寫；啲人話要將元音分類，通常都係睇條脷最高嗰點喺前定後（元音圖打橫軸）以及條脷嘅位置有幾接近口腔嘅頂部（元音圖打戙軸）。

語言比較

睇埋：音系類型

唔同語言嘅元音特性可以幾唔同。廿世紀尾嘅廣東話有11隻元音，英文有最少14隻，而標準嘅日本話就得5隻（あいうえお呢五隻元音似粵拼嘅aa、i、u、e、o）。根據2010年代初嘅研究，世上有啲語言得嗰2隻元音，又有啲語言有成14隻咁多。

順帶一提，有研究指「元音數量多嘅語言」似乎傾向集中喺某啲地區，當中「某啲地區」包括華南同東南亞。

睇埋

• 雙元音
• 元音圖

參考

篇文用咗嘅行話或者專有名詞，英文（或者其他外語）名如下：

篇文引用咗以下呢啲文獻同網頁：

	前				央				後
高／閉	i	y			ɨ	ʉ			ɯ	u
次高／次閉			ɪ	ʏ				ʊ
半高／半閉	e	ø			ɘ	ɵ			ɤ	o
中	e̞／ᴇ	ø̞			ə				ɤ̞	o̞／ω／ꭥ／Ω
半低／半開	ɛ	œ			ɜ	ɞ			ʌ	ɔ
次低／次開	æ				ɐ
低／開	a	ɶ			ᴀ				ɑ	ɒ
同欄嘅母音對係開口／不圓唇同合口／圓唇。括住嘅符號毋標準。