氧化還原反應
氧化還原反應（英文：Redox，Reduction-Oxidation）係一類元素反應前後化合價發生升降（電子發生轉移）變化嘅化學反應。呢類反應可以理解成由氧化反應同還原反應組成，遵守電荷守恆。
概念
編輯本質係電子發生轉移，即電子有得失或偏移。化合價升高（失電子）嘅反應係氧化反應；化合價降低（得電子）嘅反應係還原反應。化合價升高嘅物質被氧化，係還原劑，產生嘅產物係「氧化產物」；化合價降低嘅物質被還原，係氧化劑，佢嘅產物係「還原產物」。
中國大陸高中化學課堂有條噉嘅口訣：
失（失去電子）升（化合價升高）氧（發生氧化反應）還（充當還原劑），降（化合價降低）得（得到電子）還（發生還原反應）氧（充當氧化劑）。
喺有機化學裡面，氧化反應一般特指有機物得到氧或者失去氫嘅反應。而還原反應特指有機物得到氫或者失去氧嘅反應。