求援國際堅守自治集會

求援國際堅守自治集會，係2019年11月2號由香港民間人士發起嘅一次反逃犯條例修訂集會。呢次集會本嚟喺銅鑼灣維多利亞公園搞，但警方發咗「反對通知書」，最後搞手改變活動形式，改由四個唔同活動組成：「民主派區選候選人選舉聚會」、「人權民主和你Sing集會」、「和理摺紙鶴集會」同「盡快通過香港人權民主法案集會」，又呼籲示威者參加完銅鑼灣活動之後可以用「環保」方式行過中環參加集會。一如以住，示威者同警方爆發衝突，持續到夜晚。

集會用「民主派區選候選人選舉聚會」名義喺銅鑼灣維多利亞公園搞

民主派區選候選人選舉聚會

「民主派區選候選人選舉聚會」下晝3點喺銅鑼灣維多利亞公園搞，《選舉條例》畀候選人同少過50個選民聚會唔使申請不反對通知書，以百幾個民主派候選人參加計，只要唔超過七八千選民參加都係合法嘅。

人權民主和你Sing集會

「人權民主和你Sing集會」下晝4點喺尖沙嘴栢麗購物大道搞，主題係唱反修例嘅歌，成功申請不反對通知書。

和理摺紙鶴集會

「和理摺紙鶴集會」下晝5點喺中環遮打花園搞，主題係摺紙鶴，成功申請不反對通知書，不過活動畀警方腰斬，要求5點半完。

盡快通過香港人權民主法案集會

「盡快通過香港人權民主法案集會」下晝5點喺中環愛丁堡廣場搞，主題係促請美國盡快通過《香港人權與民主法案》，成功申請不反對通知書，不過活動畀警方腰斬，要求5點半完。