沙律海鮮卷

沙律海鮮卷，又叫海鮮沙律卷，簡稱沙律炸卷或炸沙律卷 ，係香港酒樓、酒店喜慶宴會主菜枱上嘢食之一，亦會做飲茶點心賣。

沙律海鮮卷

沙律海鮮卷嘅稱呼，視乎呢種嘢食嘅餡料。必有嘅係酥皮，係雞蛋溝麵粉漿，出面加麵包糠，穌炸而成。海鮮沙律炸卷嘅入面，常見有西式沙律醬、紅蘿蔔絲、蝦肉、龍蝦肉、芹菜等。呢一種中西合壁嘅創新菜式，內容係西式沙律餐，外加一個中式嘅油炸麵皮而成。

海鮮沙律卷大概於1990年代初出現，相信最先出現喺香港、澳門或者華埠唐人街等華洋集處嘅社區。

沙律海鮮卷單係考慮個內含，好合乎現代人少肉多菜嘅要求，不過最攞命嘅係「深炸」。成品上枱，係香口嘅炸卷，充滿炸油成份。