深圳灣口岸

深圳灣口岸（英文：Shenzhen Bay Port）係中國深圳同香港之間其中一個出入境關卡，香港對應叫深圳灣管制站（英文：Shenzhen Bay Control Point）。佢係中國頭一個「一地兩檢」關卡，香港嘅關卡設喺中國大陸境內。關卡喺深圳南山區蛇口，靠深圳灣公路大橋連到香港元朗區鰲磡石。口岸喺2007年7月1號啟用。

深圳灣口岸

中華人民共和國全國人民代表大會常務委員會為咗緩解中國內地跟香港交往日益增多帶來嘅陸路通關壓力，適應深圳市與香港特別行政區之間交通運輸同便利通關嘅客觀要求，促進內地同香港特別行政區之間嘅人員交流同經貿往來，推動兩地經濟共同發展，在深圳灣口岸入面設立港方口岸區，專俾佢用喺人員、交通工具、貨物嘅通關查驗。深圳灣口岸同蓮塘口岸是落實深港跨境貨運「東進東出、西進西出」嘅重要組成部分。