潘任惠珍

潘任惠珍，BBS，MH（英文：Winnie Poon，1955年—），係香港觀塘區議會九龍灣選區議員，由1985年做到依家，1994年至1997年做該議會主席。

潘任惠珍早年曾經係觀塘民眾聯誼會成員，但喺1994年獲得泛民主派支持之下做咗觀塘區議會主席，曾經由建制派轉投泛民主派。

2015年第5屆香港區議會選舉，潘任惠珍再次因冇人競爭而自動當選，係該屆極少數自動當選嘅泛民主派議員之一（另一個係黃逸旭）。

2019年，潘任惠珍獲香港特區政府頒銅紫荊星章。同年嘅第6屆香港區議會選舉，潘太畀民主派賴俊文批評冇喺8月24號嘅燃點香港全民覺醒遊行現身，加上佢嘅處事風格、對警察執法嘅言論同處理警民衝突嘅手法都受泛民中人嫌棄，雖然潘太獲民主派區選聯盟推薦並以65%票數贏到議席，但民主派未有因為佢嘅資歷而支持佢做主席。2020年，泛民主派另行推舉另一獨立民主派議員蔡澤鴻做主席。經過香港民主派區議員辭職潮、2021年香港區議員宣誓之後，潘太由泛民主派重新投奔親中陣營。

出面網頁

• 〈觀塘區議會 - 觀塘區議會議員資料〉 (繁體中文)。觀塘區議會。