香港民主派區議員辭職潮

香港民主派區議員辭職潮,又叫泛民主派區議員劈炮潮,係指因為《香港國安法》規定香港公職人員宣誓擁護《香港基本法》同效忠中華人民共和國香港特別行政區,導致區議員被要求宣誓,喺2021年7月初,已經有大量非建制派泛民主派香港本土派)區議員連環辭職嘅現象,最終有超過二百人劈炮唔撈[1]

起因

2019年第6屆香港區議會選舉泛民主派食正香港修例風波條水,贏得大多數議席,改變咗以往由建制派佔多數嘅局面。

2020年全國人大常委會通過嘅《香港國安法》,要求香港公職人員宣誓擁護《香港基本法》同效忠中華人民共和國香港特別行政區。因為噉,2021年頭香港政府就推出咗《2021年公職(參選及任職)(雜項修訂)條例》,要求區議員都要宣誓,條例喺同年5月獲立法會通過同埋刊憲生效。

同年6月開始,政府係噉向傳媒放風話背後已經訂立咗「負面清單」,回溯返區議員任內嘅言行,只要有下面任何一種行為都會入名單:

入咗名單嘅就無得宣誓兼喪失議員資格。估計「負面清單」有成230個泛民主派區議員。

政府又放風話被取消議員資格就要追討返全數薪津,但宣誓前自行辭職嘅就唔追究。政府呢種做法,成功逼使好多泛民主派、香港本土派區議員因為驚被取消資格同被追討薪津,而急住喺7月舉行宣誓(其實係喺9月開始)之前劈炮,喺7月7號到7月21號嗰陣辭職嘅區議員人數達219人,佔區議會議席總數近四成半。

踏入9月,再有5名區議員(包括李予信黃兆健王頴思陳諾恒余浚寧)喺2021年香港區議員宣誓之前劈炮,呢段時間,捲入泛民主派區議員劈炮潮嘅區議員一共有224人,佔區議會議席總數超過四成半。

辭職區議員名單

下面列出2021年7月6號到21號辭職潮嗰陣辭職嘅區議員,主席同副主席會標明:

區議會 議席總數 喺辭職潮
辭職嘅人數
辭職區議員
中西區 15 7 鄭麗琼(主席)、任嘉兒葉錦龍黃永志甘乃威伍凱欣張啟昕
灣仔區 13 6 麥景星(副主席)、羅偉珊邱汶珊李永財陳鈺琳張嘉莉
東區 35 17 黎志強(主席)、趙家賢(副主席)、王振星麥德正郭志聰古桂耀李鳳琼吳卓燁裴自立陳寶琼張國昌魏志豪梁兆新張振傑何偉倫謝妙儀曾健成
南區 17 12 羅健熙(主席)、黃銳熺陳炳洋陳欣兒俞竣晞林浩波潘秉康黎熙琳嚴駿豪林德和陳衍冲徐遠華
油尖旺區 20 9 余德寶(副主席)、陳嘉朗朱慧芳李傲然李國權蕭德健林兆彬陳梓維賀卓軒
深水埗區 25 14 楊彧(主席)、劉家衡冼錦豪何啟明衞煥南黃傑朗李炯徐溢軒鄒穎恒李俊晞利瀚庭江貴生甄啟榮譚國僑
九龍城區 25 9 蕭亮聲(主席)、鄺葆賢(副主席)、黎廣偉馬希鵬黃永傑馮文韜關家倫周熙雯麥瑞淇
黃大仙區 25 20 許錦成(主席)、黃逸旭(副主席)、莊鼎威郭秀英陳俊裕鄧惠强張嘉宜陳啟淳溫子衆施德來梁銘康鄭文杰尤漢邦張茂清岑宇軒莫綺霞莫嘉嫻沈運華陳利成胡志健
觀塘區 40 19 蔡澤鴻(主席)、莫建成(副主席)、尹家謙鄧威文馮家龍葉梓傑陳易舜陳汶堅龔振祺王偉麟李煒林王嘉盈張敏峯鄭景陽黃啟明李詠珊李軍澤梁凱晴黃子健
荃灣區 21 9 劉肇軒易承聰陳劍琴潘朗聰伍顯龍劉志雄謝旻澤趙恩來賴文輝
屯門區 32 14 陳樹英(主席)、黎駿穎甄霈霖林健翔林明恩曾振興巫堃泰朱順雅楊智恒盧俊宇黃麗嫦羅佩麗何國豪何杏梅
元朗區 45 17 麥業成(副主席)、陳敬倫石景澄方浩軒林廷衞李俊威梁德明陳樹暉區國權侯文健何惠彬吳玉英林進康展華郭文浩關俊笙巫啟航
北區 22 8 陳旭明(副主席)、陳惠達劉其烽張正皓陳梓峯林子琼郭㙟豐蔣旻正
大埔區 21 5 關永業(主席)、文念志區鎮樺任啟邦周炫瑋
西貢區 31 14 呂文光(副主席)、梁衍忻何偉航陳嘉琳陳緯烈葉子祈黎煒棠謝正楓陸平才林少忠馮君安秦海城張偉超鄭仲文
沙田區 42 20 程張迎(主席)、岑子杰陳兆陽趙柱幫丘文俊許銳宇陳運通張慶樺曾杰李世鴻麥梓健雷啟榮葉榮李永成曾素麗容溟舟勞越洲陸梓峂廖栢康楊思健
葵青區 32 16 張文龍(副主席)、吳劍昇周偉雄許祺祥黃炳權梁永權梁國華張鈞翹蔡雅文王天仁譚家浚冼豪輝王必敏黃俊達韓俊賢劉子傑
離島區 18 3 李嘉豪容詠嫦梁國豪
總數 479 219

睇埋

參考

  1. "傳追討 DQ 區議員薪津 至少 100 區議員請辭". 原著喺2021年8月15號歸檔. 喺2021年7月9號搵到.