四校聯考

澳門四高校聯合入學考試
（語言科及數學科）
Exame Unificado de Acesso (Línguas e Matemática) às Quatro Instituições do Ensino Superior de Macau
*Joint Admission Examination for Macao Four Higher Education Institutions (Languages and Mathematics)*
縮寫	JAE
類型	分卷考試
主辦方	澳門大學、澳門理工大學、澳門旅遊學院及澳門科技大學
開始	2017年
考試時間	睇#科目一覽
分數範圍	350分—1000分; （未包括澳門大學特別招生計劃）
考試次數	每年1次
國家同地區	澳門
語言	睇#科目一覽
考試要求	參見#資格
報名費	報考每間院校澳門幣250蚊正
成績接受方	澳門：澳門大學、澳門理工大學、澳門旅遊學院同澳門科技大學; 睇#其他地區
網站	教育及青年發展局四校聯考

澳門四高校聯合入學考試（語言科及數學科）（英文：Joint Admission Examination for Macao Four Higher Education Institutions，英文簡稱：JAE；葡文：Exame Unificado de Acesso às Quatro Instituições do Ensino Superior de Macau (disciplinas de Língua e Matemática)，中文簡稱四校聯考 粵拼：sei3 haau6 lyun4 haau2）係澳門四間高等院校（澳門大學、澳門理工大學、澳門旅遊學院同澳門科技大學）聯合組織中文、葡文、英文同數學四個科目並且同步進行嘅入學評估考試，目的係用嚟檢視學生有無能力入讀澳門四間高等院校，但係澳門四高校聯合入學考試唔係唯一嘅錄取方式，每一間高校將會依照各自特色、報讀要求加入其他考量因素，進行綜合評估^[1]。四校聯考以外嘅其他科目同面試，就由四間高等院校自行安排同公佈。聯考冇訂立標準，只會提供分數畀考生查閱^[2]。考試一般會喺每年三月下旬或者四月初舉行。

報考資格

完成中學六年級或者相等程度，並取得畢業資格；或
依家就讀中學六年級或者相等程度；或者
年滿23歲或以上，唔具備以上資格，但係具有特殊才能條件者。

科目一覽同評分方法

四校聯考

考生可按擬報考院校同學科要求，選擇所需報考科目，即係毋須報考全部四科。四科以外嘅考試科目，就由院校各自安排。卷面成績以100分為滿分（數學附加卷就60分滿分）；實際成績以「拉Curve」嘅方式評分，最低係350分，滿分係1000分。

科目	科目編號	考核範圍同題型	應考語言	時限	備註
葡文A	JP01	閱讀理解（35%）、語言運用（30%）、寫作（35%）	葡文	2個鐘30分鐘
葡文B	JP02	閱讀理解（40%）、語言運用（40%）、寫作（20%）	葡文	2個鐘
中文	JC01	語言知識（40%）、閱讀能力（20%）、寫作（40%）	中文	2個鐘	2020年起取消附加卷部分。
英文	JE01	語言運用（40%）、閱讀理解（30%）、寫作（30%）	英文	2個鐘
數學正卷	JM01	選擇題（60%）、解答題（40%）	中文或者英文	2個鐘	無參加數學正卷考試者，將不獲參加數學附加卷嘅考試。
數學附加卷	JM02	解答題	中文或者英文	1個鐘	無參加數學正卷考試者，將不獲參加數學附加卷嘅考試。

澳門大學入學考試

除四校嘅科目外，按澳大課程嘅入學要求，申請人需參加澳大考試以符合相關課程嘅入學要求。澳大考試科目為物理。

科目	科目編號	考核範圍同題型	應考語言	時限	備註
物理	H101	選擇題（18%）、概念題（22%）、計算題（60%）	中文或者英文	2個鐘

四校聯考科目要求

澳門大學

每一間高等院校都會按照佢哋報讀要求，規定考生需要報考指定科目，而以下科目要求係根據澳門大學《2021/2022學年學士學位課程入學規條》而定。

學院	課程	四校聯考科目						澳門大學入學考試科目
學院	課程	葡文A	葡文B	中文	英文	數學正卷	數學附加卷	物理
人文學院	文學士學位 - 中國語言文學			✓	✓	✓
	文學士學位 - 英語研究			✓	✓	✓
	文學士學位 - 歷史學			✓	✓	✓
	文學士學位 - 日本研究			✓	✓	✓
	文學士學位 - 葡語研究			✓	✓	✓
工商管理學院	理學士學位 - 會計學			✓	✓	✓
	理學士學位 - 商業智能與數據分析			✓	✓	✓
	理學士學位 - 金融學			✓	✓	✓
	工商管理學士學位			✓	✓	✓
	理學士學位 - 國際綜合度假村管理			✓	✓	✓
教育學院	教育學士學位 - 教育（中文）			✓	✓	✓
	教育學士學位 - 教育（英文）			✓	✓	✓
	教育學士學位 - 教育（綜合科學）			✓	✓	✓	✓	✓
	教育學士學位 - 教育（數學）			✓	✓	✓	✓
	教育學士學位 - 學前教育			✓	✓	✓
	教育學士學位 - 小學教育			✓	✓	✓
健康科學學院	理學士學位 - 生物信息學			✓	✓	✓	✓
健康科學學院	理學士學位 - 生物醫藥學			✓	✓	✓
法學院	中文授課之法學士學位課程（日間）		英文或葡文B	✓	英文或葡文B
	中文授課之法學士學位課程（夜間）		英文或葡文B	✓	英文或葡文B
	中葡雙語授課之法學士學位課程（日間）		英文或葡文B	✓	英文或葡文B
	葡語授課之法學士學位課程（夜間）	✓		英文或中文	英文或中文
社會科學學院	社會科學學士學位 - 傳播學			✓	✓	✓
	社會科學學士學位 - 經濟學			✓	✓	✓
	社會科學學士學位 - 政府與公共行政			✓	✓	✓
	社會科學學士學位 - 心理學			✓	✓	✓
	社會科學學士學位 - 社會學			✓	✓	✓
科技學院	理學士學位 - 應用物理及化學			✓	✓	✓	✓	✓
	理學士學位 - 計算機科學			✓	✓	✓	✓
	理學士學位 - 土木工程			✓	✓	✓	✓	✓
	理學士學位 - 電機及電腦工程			✓	✓	✓	✓	✓
	理學士學位 - 機電工程			✓	✓	✓	✓	✓
	理學士學位 - 數學（數學與應用）			✓	✓	✓	✓	✓
	理學士學位 - 數學（統計及數據科學）			✓	✓	✓	✓	✓

澳門理工大學

每一間高等院校都會按照佢哋報讀要求，規定考生需要報考指定科目，以下係澳門理工大學規定嘅唔同學位所需報考嘅科目。

高等學校	課程	入學甄選方法
		四校聯考科目					面試	專設試
		葡文A	葡文B	中文	英文	數學正卷	面試	專設試
應用科學學院	中國與葡語系國家經貿關係學士學位				✓	✓	✓
應用科學學院	電腦學學士學位				✓	✓
管理科學學院	會計學學士學位				✓	✓
	管理學學士學位（日間）				✓	✓
	管理學學士學位（夜間）			✓	✓	✓
	工商管理學士學位（市場學專業）				✓	✓
	電子商務學士學位				✓	✓
	工商管理學士學位（博彩與娛樂管理專業）				✓	✓
人文及社會科學學院	公共行政學學士學位（日間）			✓	✓		✓
	公共行政學學士學位（夜間）		✓	✓			✓
	社會工作學學士學位			✓	✓		✓
藝術及設計學院	設計學士學位						✓	✓
	視覺藝術（美術/美術教育專業）學士學位			✓	✓		✓	✓
	音樂（教育/表演專業）學士學位						✓	✓
語言及翻譯學院	中葡/葡中翻譯學士學位（來自中/英文教育制度的學生）			✓	✓		✓
	中葡/葡中翻譯學士學位（來自葡文教育制度的學生）	✓			✓		✓
	中英翻譯學士學位			✓	✓		✓
	國際漢語教育學士學位（漢語母語者）			✓	✓		✓
	國際漢語教育學士學位（非漢語母語者）	✓			✓		✓
	葡萄牙語學士學位			✓	✓		✓
健康科學及體育學院	生物醫學技術理學士學位（檢驗技術）			✓	✓		✓
	生物醫學技術理學士學位（藥劑技術）			✓	✓		✓
	護理學學士學位			✓	✓	✓	✓
	體育教育學士學位			✓	✓	✓		✓

澳門旅遊學院

澳門旅遊學院所有日間課程都需要報考英文同數學正卷，而且需要參加英語小組面試。

澳門科技大學

每一間高等院校都會按照佢哋報讀要求，規定考生需要報考指定科目，以下要求係根據澳門科技大學《2021/2022學年學士學位課程招生簡章》而定：

所有課程都需要考中文、英文同數學正卷。
報讀藝術學 - 藝術設計學士學位課程嘅申請者必須參加美術考試；
報讀内外全科醫學、表演藝術學士學位課程嘅申請者須參加專業面試。

豁免參加相關入學考試項目

考生需要自行向報讀高校申請豁免部分科目嘅入學考試。如果申請成功，有關科目嘅成績顯示係「獲豁免」。

科目	澳門大學	澳門理工大學	澳門旅遊學院	澳門科技大學
中文	高中最後三年無修讀「中國語文及文學」科目或者課程者，可以申請豁免中文嘅考試。但係如果報讀以中文作為授課語言嘅課程者，唔可以申請豁免中文科考試。			高中最後三年無修讀語文課程者可以申請豁免中文考試，但係如果報讀課程之主要授課語言係中文，申請人必須參加中文考試
英文	托福考試（TOEFL）： Internet-based Test：79分或者以上； Paper-based Test：550分或者以上。雅思考試（IELTS）：Band 6.0或者以上	雅思（IELTS）6.0分或者以上托福（TOEFL）：紙本版（Paper-based test）550分或者以上電腦版（Computer-based test）213分或者以上網絡版（Internet-based test）79分或者以上「21世紀杯」英語演講比賽高中組/公開組任何獎項全澳英語演講比賽高中組/公開組任何獎項	托福（TOEFL）：紙本版（Paper-based test）495分或者以上電腦版（Computer-based test）169分或者以上網絡版（Internet-based test）59分或者以上雅思（IELTS）5.5分或以上（各部份分數唔低過5.0分） IGCSE O Level（第二語言）：C或者4分 IGCSE O Level（第一語言）：D或者3分大學預科國際會考證書（IB）：高級程度 / 標準程度: 4或者以上香港中學文憑考試（HKDSE）：第三級或者以上台灣學科能力測驗 / 台灣指定科目考試：前標馬來西亞華文獨中統考 / 馬來西亞高級教育文憑：C或者以上	雅思考試（IELTS）6.0分或者以上托福考試（TOEFL）79分或者以上
數學正卷	高中最後三年內曾經參加由澳門特別行政區教育同青年發展局主辦嘅「校際數學比賽」，並獲得個人賽一等獎或者二等獎者，可以申請豁免數學正卷同數學附加卷嘅考試	全國奧林匹克數學比賽高中組任何獎項校際（澳門）數學比賽高中組任何獎項港澳數學奧林匹克公開賽《港澳盃》高中組任何獎項	IGCSE O Level：C或者4分本地或國際奧林匹克數學比賽：高中組任何個人獎項大學預科國際會考證書（IB）：高級程度 / 標準程度: 4或者以上香港中學文憑考試（HKDSE）：第二級或者以上台灣學科能力測驗 / 台灣指定科目考試：均標馬來西亞華文獨中統考 / 馬來西亞高級教育文憑：C或以上	參加「數學奧林匹克比賽」獲高中組二等奬或者以上
數學附加卷
葡文A		Certidao do Nível C1 (Utlilizador Proficiente) emitido por uma entidade reconhecida pelo Quadro Europeu Comum de Referência para as Línguas

錄取準則

「四校聯考」冇訂立考試分數線，考試結果只係用嚟報考四間院校入學考試筆試部分嘅成績參考。除咗審視考生嘅考試成績，各院校仍然會按各自訂立嘅錄取準則，並綜合考生其他校內外表現等因素，進行錄取。

另外，各院校仍會維持保送、免考試同面試等現行嘅政策。考生可以自行按「四校聯考」考試成績報考有興趣嘅院校。所以，「四校聯考」嘅成績並非唯一錄取方式。

考試費用

報名費為每間澳門幣250蚊，如果向全部高等院校報名，只需繳交澳門幣1000蚊。

考試場地

考生將會被隨機安排任何一間考場，地點會喺「聯考准考證」顯示。

四校聯考考試場地
澳門大學	中銀百年紀念大樓、劉少榮樓、工商管理學院、綜合體育館
澳門理工大學	致遠樓、明德樓
澳門旅遊學院	望廈校區啟思樓
澳門科技大學	B座、C座

其他地區

中國大陸

四校聯考獲得中華人民共和國教育部批准中國大陸部份高校由2018年開始以試點形式採用澳門四校聯考試嘅成績錄取澳門學生。依家有10間內地高校獲准採用。應屆四校聯考學生需要持有有效澳門居民身份證同港澳居民來往內地通行證並且符合有關高考嘅報考標準方可報考^[3]。

依家四校聯考喺內地可以報考嘅高校
#	省/市	高校名	名額	四校聯考成績要求
#	省/市	高校名	名額	中文	英文	數學正卷	數學附加卷
1	上海	復旦大學	5	950分或以上	950分或以上	950分或以上
2	浙江	浙江大學	5	950分以上	950分以上	950分以上
3	福建	廈門大學	10	800分以上	800分以上	800分以上
4	福建	華僑大學	20	文件冇透露
5	湖北	武漢大學	5	950分或以上	950分或以上	950分或以上	報考理工類專業：650分或以上
6	湖北	華中科技大學	5	850分以上	850分以上	850分以上
7	湖北	華中師範大學	5	650分以上	650分以上	650分以上
8	廣東	中山大學	5	950分或以上	950分或以上	950分或以上
9	廣東	暨南大學	5	總分2250分以上
10	廣東	華南師範大學	5	600分或以上	600分或以上	600分或以上

葡萄牙

2017年9月，高等教育局同葡萄牙大學校長委員會及葡萄牙理工高等院校協調委員會簽署合作協議，佢轄下嘅葡萄牙公立大學同理工學院會採用四校聯考成績作為澳門學生入讀相關院校嘅甄選標準^[3]。

台灣

2020年，因應武漢肺炎疫情關係，台灣海外聯合招生委員會唔舉行海外聯合招生考試，將會採用四校聯考成績作為澳門學生申請赴臺就讀學士班嘅甄選標準。與此同時，考生亦需繳交中學最後三年成績單之類組科目成績（第1類組係歷史、地理；第2類組為物理、化學；第3類組為生物、化學）。

2021年開始，台灣海外聯合招生委員會公佈《澳門學生來臺就讀大學校院學士班適用簡章》，列明唔舉行海外聯合招生考試，將會採用四校聯考成績作為澳門學生申請赴臺就讀學士班嘅甄選標準。與此同時，考生亦需繳交中學最後三年成績單之類組科目成績。

重大事件

2020年度四校聯考因應武漢肺炎澳門疫情關係，高等教育局宣佈嗰年度四校聯考將會延遲考試日期^[4]。2020年3月31號，四間院校宣佈四校聯考延後至四月中旬舉行，並且表示已經制定防疫措施保障學生安全^[5]。

參考

↑ 澳門大學。〈澳門四高校聯合入學考試簡介〉。Registry, UM (繁體中文)。喺2020-04-01搵到。
↑ 澳門特別行政區政府高等教育局。〈"四校聯考"知多些〉 (PDF)。《四校聯考》。原先內容歸檔 (PDF)喺2019-05-23。喺2020-04-01搵到。
↑ ^3.0 ^3.1 澳門特別行政區政府高等教育局澳門特別行政區政府高等教育局。〈四校聯考〉。www.dses.gov.mo。原先內容歸檔喺2019-05-23。喺2020-04-01搵到。
↑ 澳門特別行政區政府高等教育局。〈"四校聯考"延期舉行 2月下旬公佈具體安排〉。《澳門特別行政區政府入口網站》 (繁體中文)。喺2020-04-01搵到。
↑ 澳門大學、澳門理工學院、澳門旅遊學院、澳門科技大學。〈四校聯考如期4月中旬舉行加強防疫全力保障考生安全〉。《澳門特別行政區政府入口網站》 (繁體中文)。喺2020-04-01搵到。

出面網頁

澳門特別行政區政府教育及青年發展局四校聯考 Wayback Machine嘅版面存檔備份（繁體中文）

呢篇四校聯考係關於澳門嘅楔位文章，重未完成嘅。麻煩你幫手補充佢嘅內容。

[1] 澳門大學。〈澳門四高校聯合入學考試簡介〉。Registry, UM (繁體中文)。喺2020-04-01搵到。

[2] 澳門特別行政區政府高等教育局。〈"四校聯考"知多些〉 (PDF)。《四校聯考》。原先內容歸檔 (PDF)喺2019-05-23。喺2020-04-01搵到。

[:03-3] 3.0 ^3.1 澳門特別行政區政府高等教育局澳門特別行政區政府高等教育局。〈四校聯考〉。www.dses.gov.mo。原先內容歸檔喺2019-05-23。喺2020-04-01搵到。

[4] 澳門特別行政區政府高等教育局。〈"四校聯考"延期舉行 2月下旬公佈具體安排〉。《澳門特別行政區政府入口網站》 (繁體中文)。喺2020-04-01搵到。

[5] 澳門大學、澳門理工學院、澳門旅遊學院、澳門科技大學。〈四校聯考如期4月中旬舉行加強防疫全力保障考生安全〉。《澳門特別行政區政府入口網站》 (繁體中文)。喺2020-04-01搵到。

[1]

[2]

[3]

[4]

[5]