澳門2號巴士
澳門2號巴士係一條由澳門公共汽車有限公司做緊，由永寧廣場總站來回媽閣總站嘅巴士線。
澳門2號巴士
| |||||||||||
|---|---|---|---|---|---|---|---|---|---|---|---|
| |||||||||||
| 管理資訊 | |||||||||||
| 監管者 |  交通事務局
| ||||||||||
| 經營者 | File:澳巴.png澳巴 | ||||||||||
| 所屬車廠 | 北安車廠 | ||||||||||
| 路線用車 | 宇通ZK6115HG1（3098-3137） 宇通ZK6118HGE（3001-3097、3170-3195） 五洲龍FDG6101G（3196-3203） | ||||||||||
| 路線資訊 | |||||||||||
| 路線圖 | |||||||||||
| 服務資訊 | |||||||||||
| 服務時間 | 永寧廣場：06:15-00:00 媽閣總站：06:30-00:20 | ||||||||||
| 班次間隔 | 平日尖峰4-8分鐘 離峰9-12分鐘 假日尖峰6-8分鐘 離峰9-12分鐘 | ||||||||||
| 全程收費 | 六蚊葡幣 | ||||||||||
| 主要競爭交通 | 塔石體育館→媽閣總站：7、9、18 | ||||||||||
背景
編輯1963年9月10號成立，最初係由內港總站來回逸園賽狗場嘅循環線。
1986年，總站由內港總站搬到司打口。
（唔知年份），總站由司打口搬到媽閣總站。
1990年，因為祐漢發展，另一邊總站由逸園賽狗場搬到祐漢馬場海邊馬路總站，之後再響1995年搬到順景廣場總站。
1990年8月，改為全部冷氣巴服務。
2009年4月26號，交通事務局實施第二階段巴士線調整，將2號短線由順景廣場來回南灣／羅保博士街取消[1]。
2010年8月21號，交通事務局檢討實施咗三個月嘅新馬路公交專道之後，為咗避免所有巴士集中嗮響永亨銀行出面嘅巴士站上落搞到大塞車，同時藉住增加新馬路西邊嘅人流，改善做生意嘅環境，所以去司打口、媽閣方向嘅巴士都取消停靠永亨銀行出面嘅巴士站，改咗停靠金碧文娛中心站[2]。
2011年8月1號，新巴士服務務式正式實行，呢條線判咗畀澳門公共汽車有限公司嚟做。
2014年3月1號，取消兜去看台街同永寧廣場，改由長壽大馬路經中心街、菜園路去順景廣場，藉住減少兜圈減速，提升運轉效率[3]。
2015年6月12號，因為新雅馬路行車天橋開通，由「順景廣場總站」開到「慕拉士巷」之後，改經八達新邨同澳門日報新開轉右路口上行車天橋，唔停「慕拉士/飛通大廈」[4]。
2016年4月23號，去順景廣場總站方向，由「媽閣總站」開出之後，取消唔停「媽閣廟前地」、「河邊新街/媽閣」，改停「河邊新街/凱泉灣」[5]。
2016年7月2號，因為八達新邨同澳門日報新開轉右路口上行車天橋搞到東北大馬路轉右去慕拉士大馬路大塞車，所以恢復返之前噉樣，取消慕拉士右轉上新雅馬路行車天橋路口，所以響停靠「慕拉士巷」之後加返停靠「慕拉士／飛通大廈」，可以兜去東北大馬路右轉慕拉士大馬路上新雅馬路行車天橋[6]。
2016年11月5號，因為重整祐漢區巴士站分佈，所以取消下邊停靠巴士站：去媽閣方向：「翡翠廣場」、「祐漢公園」[7]。
2017年4月5號，按原線嚟行到「黑沙環馬路」之後，取消停靠「祐漢第二街」，改為停靠新加嘅「長壽大馬路／勝意樓」，之後按原線嚟行[8]。
2017年10月14號，因為嘉樂庇總督大橋規章規定禁止十五噸以上嘅車嚟行，而之前交通事務局又冇注意到，畀廉政公署剔爆，所以交通事務局開始執正嚟做，將2號平時用開嘅五洲龍中巴調畀52號，同時將52號用開超開十五噸嘅宇通ZK6118HG 10.84米大巴調返畀2號嚟用。
2018年4月16號，交通事務局召開記者會，公佈巴士加價同回應4月15號嘅氹仔嘉樂庇總督馬路巴士奪命交通意外，會上交通事務局局長林衍新局先公佈會響4月21號澳門所有公共巴士統一收六蚊葡幣，用澳門通拍卡畀錢就分普通線同快線收費，普通線收三蚊葡幣而快線就收四蚊，餘額由政府補貼，學生卡就響澳門通嘅價錢上再半價，老人同殘疾人士免費，將原本傾好嘅分澳門居民澳門通同普通澳門通收費（普通澳門通重有補助不過補少啲）、學生寒暑假期間取消優惠、老人同殘疾人士卡朝早同晏晝繁忙時間取消優惠（唔想老人同殘疾人士同返工啲人逼車）嘅全部內容唔實行，又將六十分鐘入面補差價由澳門線轉氹仔線嘅轉乘安排取消，澳門線轉氹仔線受澳門線轉澳門線轉乘時間一樣四十五分鐘，轉路環線就保留六十分鐘轉乘時間，林衍新話加價係基於澳門巴士好多年都冇加價（同樣理由已經響早排交通事務局服務費、鎖轆費、分階段調整咪錶收費用過），同埋佢嘅局預算冇加，但係補貼巴士公司嘅錢就不停噉加，所以點都要加，重話加幅比2008年巴士加價幅度細，調整幅度相對溫和，被人批評交通事務局冇經過大多數民意支持就霸王硬上弓話加就加夾硬嚟，2008年巴士雖然加價，但係當年第一任交通事務局局長汪雲為咗吸引多啲人搭巴士支持綠色出行，第一次推出澳門通拍卡有補貼，變相減咗價，但係由於冇區分澳門居民同遊客，所以交通事務局補貼費用年年上升，惹嚟澳門市民反感，要求區分收費，但今次方案諮詢嗰陣有提到，但冇實行[9][10]。
2018年4月21號，澳門巴士票價調整，呢條線嘅收費亦跟住調整：全程收費係六蚊葡幣，唔再分區收費。
2019年8月31號起，因內港北雨水泵站箱涵渠建造工程完工，呢條線開始恢復原線停靠。
2020年1月20號起，為配合內港客運碼頭重啟同埋周邊配套優化，位於原「火船頭街」嘅臨時站改名為「內港客運碼頭」站，而原先喺萬事發酒店門口嘅「火船頭街（站就永久取消[11]
用車
編輯
受髮夾彎彎位影響，巴士公司好少派出10米或以上巴士嚟行[12]，但係從髮夾彎由兩條來回行車線改成兩條同方向開落慕拉士大馬路同漁翁街方向之後，就經常派十米以上嘅大巴嚟行。而家已經永久改行大巴。
福利時代
編輯- Bristol L5G（1939-1950年出廠）（主力）
- Bristol LS5G（1950年代出廠）（主力）
- 亞比安巴士（特見）
新福利時代
編輯1989-1990年8月:
- 1981-1982年亞比安
- 1983年ISUZU（SO1-S04）唔提供冷氣服務
1990年7月中：
- 三菱Rosa
- 1997年Benz O814型中巴
2007年 - 2011年7月31號：
- 2007年蘇州金龍KLQ6930G（9.3米）型中巴
澳巴時代
編輯- 五洲龍FDG6951G
- 五洲龍FDG6101G（特見）
- 宇通ZK6118HGE
走線
編輯車費
編輯服務
編輯| 服務時間 | 平時（星期一到五） | 星期六、日（含公眾假期） |
|---|---|---|
| 永寧廣場 | 06:15-00:10 | |
| 班次 | 繁忙時間4-8分鐘，日離峰6-8分鐘，晚離峰9-12分鐘 | 頭班車到晚黑八點6-8分鐘，晚黑八點到尾班車9-12分鐘 |
停站
編輯
| 去永寧廣場總站方向 |
|---|
|
- 途經站數：38站
客量
編輯呢條線雖然係祐漢、黑沙環來回中區同水坑尾嘅巴士線之一，但係沿途都有好多條線揀（好似係6A、12、19同回程嘅22號），加埋12號同19號重快過呢條線，行車時間重短，所以客量明顯比12同19號少一截，不過黑沙環來回中區一帶有優勢（10號要去新口岸先到中區；6A要行高士德、沙梨頭先到中區），而黑沙環係人口密度高嘅地區之一，唔少黑沙環居民會利用呢條線來回中區返工，所以繁忙時間成日出現爆棚。
雖然12同19號行車時間比呢條線快，但係晚黑班次比12同19號頻密（12同19號每十分鐘一班；而呢條線只係八分鐘一班），亦係呢條嘅優勢，客量都維持響中高水平。
重大意外
編輯2008年8月15號，一架2號蘇州金龍KLQ6930G大巴，響荷蘭園大馬路近若翰亞美打街街口停車之後，巴士死火撻唔着，期間車尾發出響聲，有氣體噴出，車尾底漏咗大量紅色液體。車長基於安全考慮，立即疏散巴士入面廿幾個乘客到附近嘅行人路，重安排乘客轉乘下一班車，事件入面冇人受傷。巴士停響馬路令到現場交通塞車，要由交通警響到指揮交通。而新福利話事件懷疑因為有喉漏波箱油搞成，車長基於安全考慮，所以先疏散巴士入面嘅乘客，公司對事件表示關注[13]。
攷
編輯- ↑ 〈交通事務局，第2階段巴士路線調整26號實施，2009年4月12號18:21:00〉。原著喺2016年3月4號歸檔。喺2017年10月19號搵到。
- ↑ 〈交通事務局，新馬路節假號公交專道續試行半年 增完善措施評估成效再定後續安排，2010年8月12號17:30:00〉。原著喺2019年11月4號歸檔。喺2017年10月19號搵到。
- ↑ 澳門特區交通事務局公共巴士資訊站新聞稿：《2及12路線周六起調整》 互聯網檔案館嘅歸檔，歸檔日期2016年3月8號，.，2014-02-27
- ↑ 〈新雅馬路與慕拉士大馬路連接通道周五開通 新通道單向上行新雅馬路髮夾彎改單向下行〉。交通事務局。2015年6月10號。原著喺2016年3月8號歸檔。喺2017年10月19號搵到。
- ↑ 〈兩巴士站分流周六實施〉。交通事務局。2016年4月20號。原著喺2016年5月5號歸檔。喺2017年10月19號搵到。
- ↑ 〈交通事務局周六實施多項巴士調整〉。交通事務局。2016-06-30。原著喺2016-08-16歸檔。喺2017-10-19搵到。
- ↑ 〈祐漢四巴士站周六起取消〉。交通事務局。03-11-2016。
{{cite news}}: Check date values in:|date=(help) - ↑ 〈7及7A路線4月9號起合併 延伸服務至皇朝區加快周轉〉。澳門特區政府交通事務局。2017-04-05。
- ↑ （繁體中文）拍卡3元 現金6元 巴士收費週六起加價，論盡傳媒，響2018年4月16號搵到。
- ↑ （繁體中文）有意見指巴士加價漠視民意，澳廣視，響2018年4月21號搵到。
- ↑ 〈"火船頭街"站永久遷移及改名"內港客運碼頭"站〉。交通事務局。2020-01-17。
- ↑ 不過新福利之前嘗試派出十米丹尼士飛鏢SLF嚟行
- ↑ 〈大巴漏油廿乘客急散〉。原著喺2008年9月8號歸檔。喺2017年10月19號搵到。
睇埋
編輯拎
編輯- （繁體中文）澳門公共汽車有限公司