炒麪
炒麪係用炒嘅方式煮嘅麪，遍佈中國各地，品種繁多，可以用各種麪條配任何食材。用嘅麪條有米麪、寬麪、細麪、刀削麪、麪片、粉絲等。口味以鹹為主。炒製時配以醬油，色澤醬黃，有光澤。中國長江以南部分地區加少少黃酒調制，具有香氣四溢之感，好似豉油王炒麪、時菜肉片炒麪等。肉絲炒麪雖然叫「炒麪」，不過有時個麪係用油炸。
日式炒麪好幼細，類似中國嘅掛麪，配埋有顔色嘅蔬菜細絲，好似黃色椰菜，油多，基本無湯，比較細緻，配合日本炒麵醬油炒，味道香酥適口，份量細，用碟裝。
炒麪喺清朝末期傳入美國，英文有一個詞彙「chow mein」，就係炒麪，出自台山話發音chāu-mèing，但ng喺英文演變成n。歐美國家中餐館嘅「炒麪」比日本炒麪粗，配菜亦粗大，油少湯多，亦係用碟裝。