無酵餅
無酵餅係一種簡單嘅包食品，初期出現喺古埃及同蘇美爾。無酵餅係猶太人紀念逾越節食嘅食品，之後由耶穌基督引進用喺基督宗教。
宗教意義 編輯
無酵餅裏面唔會加入酵母，呢個對猶太教同基督教嚟講具有特殊嘅宗教意義。根據《聖經·出埃及記》記載，當耶和華施展十災嘅最後一災嘅時候越過咗以色列人屋企嘅門，最後拯救佢哋離開埃及；由於當時以色列人急忙離開埃及，身邊所帶嘅乾糧麵餅都冇時間發酵，就喺第一個逾越節做咗無酵餅，於是後嚟無酵餅就成為紀念以色列人脫離埃及奴役嘅一種食品，亦會用喺猶太教宗教儀式。由於無酵餅記錄住以色列人嘅苦難同最終自由，古代以色列人以至現今嘅猶太人喺守逾越節期間只會食無酵嘅食品。
第一世紀，耶穌指無酵餅代表住自己所獻出嘅身體並喺最後晚餐嘅時候用嚟設立儀式，自此無酵餅就成為咗基督教嘅禮儀用品之一。