逾越節粵拼jyu4 jyut6 zit3希伯來文פֶּסַח‎,羅馬拼音:Pesach英文Passover)係猶太教嘅節日,係紀念上帝救以色列人脫離埃及人嘅奴役並且重獲自由。逾越節喺尼散月15號嘅夜晚[1]進行。逾越節喺以色列持續7日,以色列之外地區就持續8日。

逾越節晩餐

根據《出埃及記》記載,法老非常硬頸,所以上帝先要用十災來對付佢哋,但係出咗九種災害之後,法老仲係死唔肯俾以色列人離開埃及,係都要佢哋留低做奴隸,於是上帝出第十災,一夜之間將埃及入面所有大仔同第一胎嘅牲畜全部殺嗮,法老先至肯俾以色列人離開。喺殺長子嘅前一日,上帝嘅子民就按照吩咐,將羊羔嘅血搽喺門框同門楣上面做記號,於是使者見到門楣上面有羊血,就唔入去殺屋入面嘅人。

逾越節就係紀念上帝嘅使者越過門楣,救咗佢哋出來,唔使再做奴隸。為咗紀念爾個神蹟,佢哋食逾越節晚餐嘅途中會唸完整嘅讚美詩篇הלל שלםHallel shalem),認為係《以賽亞書》30章29節嘅吩咐[2][3],除咗爾篇之外佢哋喺當晚亦都會唸 「大讚美詩篇」。

逾越節有特別嘅飲食規定,唔准食發酵過嘅食物。

基督教嘅逾越節 編輯

基督宗教都有逾越節嘅概念,但係指嘅係復活節,不過除咗天主教之外,普遍都唔用呢個名;天主教嘅逾越節特別係指耶穌受難節至復活節之間嘅三日,叫做逾越節三日慶典

編輯

  1. 15號夜晚指日曆寫15號嗰日嘅前一晚嘅六點後,即係日曆寫14號嗰日嘅夜晚六點後。
  2. Grunfeld, Raphael (2019年5月9號). "Whole Hallel, Half Hallel, No Hallel" (美國英文). 喺2023年3月14號搵到.
  3. 參考30章29節(猶太教JPSIs 30:29;可以睇埋:基督教和合本30:29天主教思高本三十29)。

編輯