煎可以指兩種煮食方法。
一般日常所講嘅煎，係指用鑊將少少油加熱，再放嘢食落去整熟佢。表面會變成金黃色乃至微煳。由於加熱後，煮食油嘅溫度高過比用水煮嘅溫度，因此煎嘢食嘅時間通常都短啲。煎出來嘅嘢食味道亦會比水煮嘅甘香可口。餃子、煙肉、鷄蛋、廣東年糕等嘢食都係成日用煎來烹調嘅嘢食。
煎亦指將啲嘢放落水煮，令所含嘅成分溶落水。一般淨係講煎茶、煎藥。英文叫 decocting 或 decoction。
煎
