露營 (電子遊戲)

喺打機用語上，露營（英文：camping）係一種常見於射擊遊戲同大逃殺遊戲嘅玩家行為，指一個或者一隊玩家搵一個戰術上有利、難攻嘅位置（例如高嘅地方），再採取防守狀態，死守喺嗰度唔郁。露營一般都係一種合理嘅戰術，不過有唔少人都覺得如果隻遊戲太多玩家露營會好悶，所以建議遊戲設計師諗方法確保隻遊戲唔會太鼓勵露營嘅行為，例子有提高啲角色嘅移動能力，令玩家容易突破敵人防守。

生成地點露營（spawn camping）：網上多人遊戲用語，指人喺生成地點（spawn point）附近露營；如果做生成地點露營嘅玩家技術夠好，佢可以係噉重複「殺死對手、等對手重生（respawn）、再殺死對手」嘅過程，令對手感到無比受挫。