番禺會所華仁小學

番禺會所華仁小學舊灣仔校舍

番禺會所華仁小學香港一間津貼小學,喺1971年創校,由旅港番禺會所同耶穌會創辦,喺北角百福道2號,以中文為主要教學語言,校訓係「禮仁勤信」。

原定2018-2019嘅學年,學校會由灣仔司徒拔道肇輝臺1F搬去北角百福道嘅校舍,同時由半日制改行全日制,但係由於工程延誤,辦學團體喺2018年6月視察新校舍地盤,發現工程進度未能夠令到新校舍喺收樓當日有效同安全噉使用校舍,校方決定唔接收新校舍。2018-2019嘅學年繼續以半日制形式喺舊校舍上堂,直到2019年4月23號搬到北角新校舍,至轉為全日制 [1][2]

校舍

總共有三層,有12個課室之外、校務處、2個教員室、電腦室外,仲有喺地下嘅禮堂、音樂室、劍仔街、英文室、體育室、廁所、小食部、圖書館同埋多用途操場。

上堂時間

每個同學喺小學六年嘅學習階段入面,都會就讀上、下晝班分別三年。學校亦都分咗A晝同B晝,上晝班嘅上堂時間係7:35分;而下晝班嘅上堂時間係下晝12:55分。星期一至五有6堂,星期六就得5堂,每堂40分鐘。

參考

  1. 政府工程歎慢板 累華仁小學延一年搬新校舍 《東方日報》 2018年8月26號
  2. "半日制番禺會所華仁小學告別 師生笑聲歡送". 東方日報. 2019年4月4號.

出面網頁