蜑家

  「蜑」跳轉到呢度。想搵越南嘅蜑家，請睇「𠊎族」。

蜑家（蜑讀但，粵拼：daan6 gaa1，口音上可講「鄧家」dang6 gaa1），又寫做蛋家或疍家，係住響廣東、福建、廣西、海南、香港、澳門嘅民族。佢地住響海邊，有啲就住響漁船上面。響以前係當係蠻，不過大清國雍正皇帝響1723年到1731年期間，發過多度諭旨，將佢哋蠻地位剔除。

蜑家人叫自己做水上人（seoi2 soeng6 jan4），同地上面嘅人分開來，佢哋有自己嘅祖先傳說，以唔使上地為榮。而地上人亦都當佢哋唔同類，甚至誤會佢哋係唔同種人，身體有唔同特徵。不過學者研究來睇，水上人同廣東一帶嘅人，只係生活差別咁大吧。身體有差別都係工作做成。水上人講嘅蜑家話，同廣東話唔係分別咁大，主要係水上生活用字特別豐富。

蜑家人多數係做漁民，多數住響船上，響海灣聚集。有啲會響海邊起村起市。到咗二十世紀，水上人已經逐漸搬上岸，因為太接近，好難分到係咪水上人。

而越南都有蜑。