廣州白雲國際機場

  呢篇文講2004年新起嘅白雲機場。想搵以前嘅廣州白雲機場嘅話，請睇廣州白雲國際機場 (1933-2004)。

廣州白雲國際機場係中國廣東廣州嘅民航機場，響廣州市北面嘅白雲區人和鎮同花都區花山鎮交界。其中T1航站樓喺2004年8月5號啟用，而T2航站樓喺2018年4月26號啟用。

廣州白雲國際機場 Guangzhou Baiyun International Airport
IATA：CAN – ICAO：ZGGG
摘要
機場類型		公共
管理人		廣東省機場管理集團公司
地點		廣東廣州同埋珠三角城市群
啟用日期		2004年8月5號
海拔 AMSL		50英尺（15米）
坐標		北緯23°23′33″東經113°17′56″
機場跑道
方向	長度		表面
	呎	米
02R/20L	12,467	3,800	混凝土
02L/20R	11,811	3,600	混凝土
-	12,467	3,800	規劃緊

機場嘅IATA同埋ICAO號都係用翻原先舊機場嘅IATA號CAN，即係廣州嘅傳統英文——Canton嘅縮寫。

史

廣州以前個機場係1933年開始用嘅廣州白雲機場，原址響廣州市白雲山西面。因為唔夠地方用，響1992年開始揀地方起過個新，2000年開工，用4年起好，2004年8月5號新機場開始用，舊機場就唔再用。

2018年4月26號，T2航站樓亦正式啟用。

簡介

廣州新白雲國際機場位於廣州市北部，白雲區人和鎮同花都區新華鎮交界，一期工程佔地面積大約係15平方公里，總投資接近200億元人民幣。新機場距廣州市中心直線距離約28公里，距離舊白雲國際機場18公里。

目前世界上距離白雲機場最遠嘅機場係19870公里之外嘅智利聖皮德羅迪阿塔卡馬機場機場。

航站樓

白雲國際機場分有兩個航站樓：

一號航站樓

由主樓、連接樓、指廊同高架連廊組成，總面積達31萬平方米，總共分4層樓，包括地上3層同地下1層，其中3樓係出發同候機大廳、2樓係到達夾層、1樓係到達、接機大廳同商業層，地下一樓就通往地鐵、停車場同機場酒店。西邊嘅A出發廳係國內嘅，東邊嘅B區係國際出發廳。

二號航站樓

由主樓、連接樓、指廊同高架連廊組成，總面積達31萬平方米，總共分8層樓，包括地上4層同地下3層，其中1樓係出發同候機大廳、2樓係出發同候機大廳、到達夾層、中轉站；3樓係接機大廳同商業層；4樓係出發大廳、地下1樓係停車場同機場酒店、地下2樓就通往地鐵同高鐵站。西邊嘅A出發廳係國內嘅，東邊嘅B區係國際出發廳。

跑道同停機坪

白雲國際機場而家有三條平行跑道，海拔50英尺（15米），東邊一條，西邊兩條。其中東跑道長3800米闊60米，西跑道長3600米闊45米。飛行區按4E標準建設，可以畀目前全球最大型嘅客機空中巴士A380升降。 新機場目前共有46個近機位（經登機橋直接上機）同28個遠機位（搭擺渡車再上機），停機坪總面積超過90萬平方米。

• 
  飛機停響停機坪
• 
  聯邦快遞嘅停機坪
• 
  航站樓內部

運作

作為中國三大樞紐機場之一嘅廣州白雲國際機場目前已開通123條國內外定期航班航線，其中國內航線86條，國際同地區航線50條，每日有超過500班航班升降。2005年白雲機場全年旅客吞吐量達23,558,274人次，郵貨吞吐量600,603.9噸，全年航班升降211,309架次，三項指標分別較2004年有15%至19%嘅增長。2010年，廣州白雲國際機場全年完成發送旅客40,823,665人次，名列中國大陸機場第2位，世界第19位。

交通

新白雲國際機場嘅交通十分便利，沿機場高速公路由廣州市區往新機場只需要20分鐘左右。

巴士

目前共開通有9條「空港快線」同「機場快線」，可以由廣州市各區直達新機場。此外仲有多條巴士線路來往與新機場同珠三角各城市之間。1—4號係空港快線，5—9號係機場快線。

• 九條機場快線巴士起點同中途站係：
• 1號線：民航售票處(火車站旁)、(←中央酒店)、(邊檢站→)、(舊機場北門→)、(←民航生活區)
• 2號A線：廣東國際大廈、(舊機場北門（雲霄路口)→)(←花園酒店)
• 2號B線：裕通大酒店(天河廣運樓)、(←花園酒店)、(廣東國際大厦 <18:30後> →)、(←總統大酒店)
• 3號線：芳村客運站、(星都大酒店→)、(←珀麗酒店)
• 4號線：開發區明珠大酒店、(樂捷圖廣場→)、(嘉逸皇冠酒店→)、(←廣園客運站)、(←華南理工大學)、(←華金盾大酒店)、(←怡港花園(豐樂北路))
• 5號線：全球通大酒店、海珠廣場、以太廣場
• 6號A線：天河大廈
• 6號B線：新珠江大酒店、珠江新城(金穗路錦漢車站)
• 6號C線：廣州火車東站（東站客運站）、(中信廣場→)
• 7號線：番禺賓館候機樓、麗江明珠酒店(沙溪村口)
• 8號A線：太陽城酒店、廣州國際玩具禮品城
• 8號短線：天河客運站、廣園客運站、(←穗景大厦)
• 9號線：風神車行、新世紀廣場、駿威廣場、南航花園

空港快快終點站，機場入口

地鐵

連接白雲國際機場嘅廣州地鐵3號綫北段（機場北⇆體育西路）嘅機場南站、機場北站先後喺2010年10月25號、2018年4月26號起好兼通車，由市區可以搭地鐵直達機場入面。其中機場南站喺一號航站樓嘅地下1樓；而機場北站喺二號航站樓嘅地下3樓。不過搭地鐵往返兩個航站樓之間唔使錢，前提要有機票先至得。

的士

坐的士前往新機場應該係目前最為方便嘅選擇，但費用較貴，由廣州市區搭的士去新機場要CNY￥100~120文到（包埋高速公路費）。

基地航空公司

• 中國南方航空
• 深圳航空
• 海南航空

航空公司同航點

客運

國內

• 中國國際航空（CA）：北京/首都、上海/虹橋、成都、重慶、長沙、杭州、天津、呼和浩特、萬州、溫州、貴陽、南京、達縣、宜賓、綿陽、桂林、瀘州
• 中國東方航空（MU）：上海/虹橋、杭州、南京、蘭州、昆明、潞西、溫州、青島、濟南、黃岩、合肥、武漢、西安、無錫、海口、南昌、太原、宜昌、寧波、銀川
• 中國南方航空（CZ）：北京/首都、上海/虹橋、上海/浦東、汕頭、梅縣、湛江、三亞、海口、廈門、福州、晉江、南昌、贛州、景德鎮、北海、桂林、柳州、南寧、長沙、常德、永州、懷化、張家界、貴陽、銅仁、武漢、宜昌，恩施、昆明、麗江、大理、保山、香格里拉、石家莊、邯鄲、鄭州、洛陽、南陽、太原、大同、長治、濟南、青島、威海、連雲港、徐州、鹽城、南通、常州、無錫、南京、杭州、寧波、溫州、義烏、拉薩、西寧、西安、銀川、蘭州、烏魯木齊、呼和浩特、天津、大連、瀋陽、長春、延吉、哈爾濱、齊齊哈爾、佳木斯、成都、重慶、九寨、合肥、黃山、芷江、濟寧、大慶
• 海南航空（HU）：海口、三亞、北京/首都、西安、青島、廈門、鄭州、南昌、南京、杭州、合肥、瀋陽、太原、貴陽、天津、寧波、長沙、武漢、大連
• 四川航空（3U）：成都、重慶
• 山東航空（SC）：濟南、青島、煙台、臨沂
• 上海航空（FM）：上海/虹橋、杭州、南京、廈門、溫州、三亞
• 廈門航空（MF）：廈門、福州、武夷山、晉江
• 深圳航空（ZH）：上海/虹橋、天津、無錫、桂林、武漢、黃岩、常州、鄭州、南寧、南京、濟南、三亞、成都、包頭、貴陽、西安、昆明、海口、長沙、瀋陽、哈爾濱、長春、舟山、晉江、延安
• 春秋航空（9C）：上海/虹橋
• 金鹿航空（JD）：成都、重慶、杭州、麗江、昆明、三亞、張家界、海口
• 西部航空（PN）：重慶
• 重慶航空（OQ）：重慶
• 鯤鵬航空（VD）：百色
• 中國聯合航空（KN）：北京/南苑

國際/地區

• 中國南方航空（CZ）：香港、台北桃園、首爾、濟州、東京、大阪、福岡、名古屋、仙台、河內、胡志明市、金邊、暹粒、佬沃、仰光、曼谷、布吉、萬象、雅加達、吉隆坡、哥打巴魯、檳城、浮羅交怡、沙巴、馬尼拉、宿霧、新加坡、塞班、馬爾代夫/馬累（2009年8月開通）、德里、加德滿都、杜拜、達卡、墨爾本、悉尼、洛杉磯、阿姆斯特丹、巴黎
• 中華航空（CI）：台北/桃園
• 長榮航空（BR）：台北/桃園
• 立榮航空（B7）：台北/松山
• 港龍航空（KA）：香港
• 日本航空（JL）：東京、大阪、名古屋
• 全日空（NH）：東京
• 大韓航空（KE）：首爾
• 韓亞航空（OZ）：首爾、釜山
• 泰國國際航空（TG）：曼谷
• 印尼加魯達航空（GA）：雅加達
• 印尼巴達維亞航空（7P）：雅加達
• 深圳航空（ZH）：峇里島
• 馬來西亞航空（MH）：吉隆坡、古晉、哥打巴魯
• 新加坡航空（SQ）：新加坡
• 欣豐虎航（TR）：新加坡
• 馬來西亞亞洲航空（AK）：吉隆坡
• 泰國亞洲航空（FD）：曼谷
• 宿霧太平洋航空（5J）：馬尼拉
• 越南航空（VN）：河內、胡志明市
• 卡塔爾航空（QR）：多哈
• 阿聯酋航空（EK）：杜拜
• 俄羅斯遠東航空（H8）：哈巴羅夫斯克
• 法國航空（AF）：巴黎
• 漢莎航空（LH）：法蘭克福
• 荷蘭皇家航空（KL）：阿姆斯特丹
• 肯尼亞航空（KQ）：曼谷、奈羅比
• 埃及航空（MS）：曼谷、開羅
• 埃塞俄比亞航空（ET）：（曼谷、阿迪斯阿貝巴）、（阿迪斯阿貝巴、杜阿拉、馬拉博）
• 馬達加斯加航空（MD）：曼谷、留尼旺島、塔那那利佛

計劃開通

• 泛非航空（8U）：北京、黎波里（預計2009年10月9號開通）
• 俄羅斯航空（SU）：莫斯科（預計2009年10月25號開通）

貨運

國內

• 中國貨運郵政航空（8Y）：上海/虹橋、南京
• 揚子江快運（Y8）：杭州、廈門

國際/地區

• 中國南方航空（CZ）：台北/桃園
• 中國國際貨運航空（CA）：台北/松山
• 中華航空（CI）：台北/桃園
• 長榮航空（BR）：台北/桃園
• 聯邦快遞（FX）：阿拉木圖、安克雷奇、曼谷/素旺那普、宿霧、克拉克、科隆/波恩、德里、杜拜、法蘭克福、河內、胡志明市、檀香山、印第安納波利斯、雅加達、吉隆坡/雪邦、倫敦/斯坦斯特德、洛杉磯、馬尼拉、孟菲斯、孟買、紐約/紐瓦克、大阪/關西、巴黎/戴高樂、檳城、三藩市、首爾/仁川、上海/浦東、新加坡、悉尼、東京/成田
• 聯合包裹（5X）：首爾、安克雷奇、西雅圖、安大略、檀香山、悉尼
• 韓亞航空（OZ）：首爾
• 大韓航空（KE）：悉尼、首爾
• 法國航空（AF）：巴黎、杜拜
• 德國漢莎航空（LH）：法蘭克福、德里、阿斯塔納
• 日本航空（JL）：東京
• 馬來西亞航空（MH）：吉隆坡
• 阿提哈德航空（EY）：達卡、阿布扎比
• 沙特阿拉伯航空（SV）：利雅得

已停辦或暫停航線

• 立榮航空公司B7（高雄）
• 津巴布韋航空UM（哈拉雷）
• 芬蘭航空AY（赫爾辛基）
• 美國西北航空NW（東京、三藩市）

出面網頁

• 廣州白雲國際機場