雕像
(由石像跳轉過嚟)
雕像（粵拼：diu1 zoeng6），又叫塑像，係指能夠獨立企到喺度嘅雕塑作品，相對於雕喺一塊平面（例如牆）上面嘅浮雕。古典嘅雕像多數都用特定嘅事物做主題，譬如係人或者動物噉。
概論
編輯内文：雕塑
雕塑係專創作 3D 物體嘅視覺藝術，相對於（例如）創作 2D 圖像嘅畫畫。傳統上創作雕塑嗰陣，雕塑家要[1]
一般嚟講，雕塑作品可以分做兩大類：雕像同埋浮雕；前者係指能夠自己企到喺度嘅雕塑作品，例子有舉世聞名嘅《思索者》；而後者就係指喺一塊平面（例如牆）上雕出嚟嘅雕塑。
物理
編輯睇埋：牛頓力學
力學平衡係牛頓力學上嘅一個概念。如果話一件物體處於力學平衡，意思即係話作用响呢件物體身上嘅淨力係 0，而根據牛頓第二定律，淨力係 0 即係表示件嘢如果係靜止嘅就會繼續處於靜止狀態[2]。正路嚟講，一個雕塑家會想自己件作品能夠處於力學平衡，噉樣件嘢先會唔使搵嘢撐住（支撐好多時都俾人認為係唔美觀）都能夠長時間企到喺度唔跌低，而對雕塑作品嘅力學平衡嘅思考可以相當複雜[3]。
例如係位於西班牙馬德里、描繪西班牙王菲臘四世騎住馬嘅樣嘅青銅像（下圖）噉：個雕像係喺 1640 年整好嘅；正常嚟講，呢個雕像唔會做到力學平衡，件嘢會向前跌；不過製作呢座雕像嘅人員就用咗一個响當時史無前例嘅做法－隻青銅馬喺密度上唔平均，隻馬嘅後髀同尾用近乎完全實心嘅青銅嚟整，而隻馬嘅頭同埋前半身就用薄、空心嘅青銅嚟整，當中隻馬頭部嘅殼據講淨係得嗰差唔多 2 毫米咁薄，所以隻馬掂地嘅下半身就明顯重過上半身，最後呢個做法成功噉令呢個雕像達致平衡企到喺度，亦係雕塑史上嘅一個突破[3]。
睇埋
編輯引咗
編輯- ↑ 4 Basic Sculpture Techniques.
- ↑ John L. Synge & Byron A. Griffith (1949). Principles of Mechanics (2nd ed.). McGraw-Hill. p. 39.
- ↑ 3.0 3.1 Structures in sculpture. IDOM.