石申

石申係中國戰國時期一個天文學家。

根據文獻記載，石申係戰國時期魏國一個天官－即係負責觀測天象，為國家大事提供決策建議嘅人。^[1]佢用幾十年時間寫咗本書叫《天文》，記載星辰嘅位置同運行規律。佢記錄咗八百幾粒恆星，又測算咗二十八宿距星同百幾粒恆星嘅赤道座標。佢又觀測日月同五大行星，推算佢哋嘅運行周期，重觀察到木衛二嘅存在。石申另一個重大成就係修訂同推行曆法，率先喺魏國推行十九年七閏嘅曆法，因為每年多出四分一日，所以叫做「四分曆」。

石申本《天文》因為戰亂，去到宋朝已經失傳。^[2]後世根據一啲書籍嘅記載，輯錄咗一本《石氏星經》，後來又同齊國天文學家甘德本《星占》合併成《甘石星經》。

為咗紀念石申，月球上面有個隕石坑就係以佢命名。

睇多啲

《甘石星經》　作者：甘公、石申

註

↑ 《宋史‧卷四十八》：「故自上古以來，天文有世掌之官，唐虞羲、和，夏昆吾，商巫咸，周史佚、甘德、石申之流。居是官者，專察天象之常變，而述天心告戒之意，進言於其君，以致交修之儆焉。」
↑ 《遼史‧卷四十四》：「古者官星萬餘名。遭秦焚滅圖籍，世秘不傳。漢收散亡，得甘德、石申、巫咸三家圖經。經緯合千餘官，僅存什一。」

參考

《影響人類文明發展的100位科學家》　作者：羅堇文

[1] 《宋史‧卷四十八》：「故自上古以來，天文有世掌之官，唐虞羲、和，夏昆吾，商巫咸，周史佚、甘德、石申之流。居是官者，專察天象之常變，而述天心告戒之意，進言於其君，以致交修之儆焉。」

[2] 《遼史‧卷四十四》：「古者官星萬餘名。遭秦焚滅圖籍，世秘不傳。漢收散亡，得甘德、石申、巫咸三家圖經。經緯合千餘官，僅存什一。」

[1]

[2]